Epesos 5:3 - Ashiri Aeuitaknup Iyohaichish Yona 1897

³ Koroka, hoiyo newa obitta no okai ichakkere ambe hene, yaikoshipuinere ambe ne yakka, ashkanne kuni utara an korachi, echi tumugeta porose poka iteki ki yan;

Epesos 5:3 ပူးပေါင်းရင်းမြစ်များ

Iyohaichish 10:3

Wen utara anak ne koro keutum ta ki rusuibe eyaiyomonnure, Orowa, yaikoshipuinere guru nunuke wa Ehoba eangesh ruwe ne gusu ne na.

Iyohaichish 119:36

E koro ipawetenge orun ku keutum epekare wa, Shomo yaikoshipuinere-hi otta hosari kuni ne kara wa en kore.

Mattaios 15:19

Inambe gusu ne yakun, wen yainu-hi hene, keukbe hene, omoinu ambe hene, hoiyop hene, ikka ambe hene, shunge paweteshu ki ambe hene, sakayokara ambe hene, ainu keutum wano hetuku ruwe ne gusu ne na:

Roukos 12:15

Orowa, utara otta ene itak-hi :— Iteki yaikoshipuinere kuni ne yairamatte yan: inambe gusu ne yakun, ainu inotu anak ne poron no korobe okai gusu an ambe shomo ne.

Roukos 16:14

Orowa, ichen omap Parisee un utara anak ne obitta no okai tap orushpe nu, awa, Shinuma emina esapse nisa ruwe ne.

Apostoro ikip oma kambi 15:20

koroka, nei utara anak ne potoki ichakkerepe hemhem, hoiyop hemhem, rekuchi anumbap hemhem, kem hemhem shomo ekottanu kuni ne orun teshkara wa ye kuni ku esanniyo ruwe ne.

Apostoro ikip oma kambi 20:33

Inan guru ne yakka koro shirokani hene, kongani hene, chimipi hene shomo ku eyaikoshipuinere ruwe ne.

Roma 1:29

shomo ne ambe nei utara iki kuni ne aemaka kuni keutum otta Kamui ekoshi nisa: obitta no okai oupeka sak-i, wen-buri, yaikoshipuinere ambe newa wenbe ani aeshikte wa okai; eyaitunnap, keuk, upaore,

Roma 16:2

ashkanne utara upak no an buri koro nei no, Utarapa gusu shinuma uk, orowa, rengaine shinuma nep-nep kon rusuibe an chiki ikashiu yan: nei shiwentep yaikota ne yakka inne utara kashiobiuki nisa; shui, en kashiobiuki nisa ruwe ne gusu ne na.

Roma 6:13

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

I Korintos 10:8

Shui, nei utara tumugeta okai utara hoiyo iki wa shine to ta ni man nin ne utara ikashima san sen nin ne utara ekot: nei utara iki korachi iteki hoiyo ki yanro.

I Korintos 5:1

Echi tumugeta hoiyo an sekorʼambe anu no assuru aashte wa an na; Oya uirup tumta shomo aye pakno an hoiyop ne, echi shiueu anak ue koro michi koro machi koro ambe ne ruwe ne.

I Korintos 6:13

Honihi gusu aep, aep gusu honihi; koroka, Kamui anak ne netobake ne yakka nei okaibe ne yakka isamka kusu ne. Koroka, netobake anak ne hoiyo gusu an ambe shomo ne, koroka, Utarapa gusu an ambe ne; orowa, Utarapa ne yakka netobake gusu an ambe ne ruwe ne:

I Korintos 6:18

Hoiyo wano shaot yan. Ainu iki obitta no okai chikokatpak auak ne netobake soige an; koroka, hoiyo ki guru anak ne yaikota kon netobake epeka chikokatpak ki ruwe ne.

II Korintos 12:21

ikineipeka ika kanna echi otta ku ek ita, ku goro Kamui anak ne echi shik-samata en yainikoroshmare hine, tap etokota katpak ki wa ikichi turu ushbe newa hoiyop newa ramupekere ambe newa eyaikokatpak shomo ki nei utara tumuge un inne no okai utara gusu ku yaituwashkarap gusu ne na.

Epesos 5:12

inambe gusu ne yakun, nuina no nei utara ki ikip aporose yakka yainikoroshmarep ne ruwe ne gusu ne na Koroka,

Epesos 5:5

Echi utara pirika no tambe uonnere na, hoiyo ki guru hene, ichakkere guru hene, yaikoshipuinere ki guru hene, potoki ko-ongami guru hene, Kiristo newa Kamui moshiri oara eikeshkoro shomoki ruwe ne gusu ne na.

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Korosai 3:5

Tambe gusu, moshiri kata okai echi koro awehe raige yan; hoiyo hene, ichakkere arabe hene, wenkatcham hene, wenbe ki rusui keutura hene, potoki koongami ari an yaikoshipuinere arabe hene raige yan;

I Tessaronike 4:3

Kamui keutura anak ne ene ani ne, echi turu-sak wa shomo hoiyo ki;

I Tessaronike 4:7

Kamui anak ne ichakkere ambe un kire gusu un nishuk shomoki, un turu-sakte gusu un nishuk nisa ruwe ne.

I Timoteos 2:10

(Kamui kooripak sekoro ye shiwente utara kopakeat korachi) pirika ikip ani ki yan.

I Timoteos 3:3

ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:

I Timoteos 6:10

Inambe gusu ne yatun, ichen omap ambe anak ne usa okai wenbe koro shinrit ne ruwe ne: sereke okai utara anak ne nei ambe epa kuni iki hine eishokor-i wano ashiren, aige, inne no okai shirikirap ani yaiotke kushna nisa ruwe ne na.

II Timoteos 3:2

Inambe gusu ne yakun, utara anak ne yai-omap utara ne kusu ne, ichen omap utara ne kusu ne, yaiomonnure ki, shitumkanere, Kamui koatcha hemhem ki, eshikop epeka itakkashi,

Titus 1:11

aige, nei utara koro paro aseshke kunip ne; nei utara anak ne ramne an chisei hokushte utara ne wa aetunne kuni ani eyaiepirikare ambe gusu shomo epakashnu kunip epakashnu ruwe ne.

Titus 1:7

Inambe gusu ne yakun, episkopos anak ne Kamui korobe ashikkashimare guru korachi wen-buri sak no okai kunip ne; yaikota koro keutum eikaunu shomoki, shomo nukoshne, shomo iku sakayo ki, ainu koiki shomoki, aetunne kuni ani eyaiepirikare ambe kon rusui shomoki;

Titus 2:3

yaiyupupu no okai kuni kara yan: orowa, huchi utara ne yakka oripak an katu koro, ohaigekara shomoki, tonoto gusu yaiusshiunere shomoki, pirika orushpe epakashnu kuni kara yan;

Hebraios 12:16

orowa, hoiyo ki guru hene, yaikota koro kuni eikeshkorobe shine rai no an aep oro gusu ehok Esau nei no an shomo oripak an guru hene an ya isam ya ingara yan.

I Petros 5:2

echi tumugeta okai ekashi utara onishnishi ash na: Echi tumugeta okai Kamui koro topaha reshpa yan, nekon a ka akire wa an gusu shomo ne wa, koroka, Kamui an gusu eyaitupa keutum koro wa esapane yan; samata, aetunne kuni yaiepirikare ambe gusu shomo ne no, etoko-oiki wa an keutum koro wa ki yan;

II Petros 2:10

makangane turu-ushbe kam eikaunu no apkash hene ki, enishpane ambe etunne hene ki utara otta kara katu Utarapa eraman ruwe ne. Wen rametok koro, keutum eikaunu no ki wa nupeki ambe koatcha wa shomo tusushke ruwe ne;

II Petros 2:14

koro shikihi anak ne omoinu ani aeshik; katpak okakeanka eaikap; utumashi keutum shiren; koro sarabe yaikoshipuinere shiri ki; aiyoitakushi poho; oupeka ruhu emaka,

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

Ekambakbe 2:14

Koroka, e epeka pon no okaibe an, Israeru un utara anak ne potoki otta ayange ambe ibe hemhem ki, hoiyo hemhem iki kuni ne nei kotchaketa ureepetchiure kuni nep Barak ande gusu epakashnu Baraam iki epakashi koro utara e tura no an ruwe ne gusu ne na.

Ekambakbe 2:21

Nei shiwentep yaikokatpak kuni gusu an pakihi Ku kore nisa; awa, koro hoiyo ambe gusu shinuma yaikokatpak ki kuni-hi kopan nisa ruwe ne.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Ekambakbe 22:15

Soigeta anak seta okai, pon-itak ki utara okai, hoiyo utara okai, keuk utara okai, potoki-koongami utara okai, orowa, shunge omap wa shungep iki ambe koomap obitta no okai utara pishno an ruwe ne na.

Ekambakbe 9:21

apkash eaikapbe ne: samata, nei utara anak ne koro kewe-ukbe gusu, koro esaman-ikip gusu, iki hoiyop gusu, ikka ambe gusu shomo eyaikokatpak nisa ruwe ne.