Epesos 5:20 - Ashiri Aeuitaknup Iyohaichish Yona 1897

²⁰ ramma nep ne yakka gusu chikoro Utarapa ne Yesu Kiristo kon reihei ankushkerai akoro Michi ne Kamui otta koyaiiraige ki;

Epesos 5:20 ပူးပေါင်းရင်းမြစ်များ

Iyohaichish 34:1

HEMBARA ne yakka kuani anak ne Ehoba reika kusu ne: Ramma ku paro ani Shinuma ku iramye kusu ne na.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 1:8

Hoshiki no anak obitta no okai echi utara gusu Yesu Kiristo ani ku koro Kamui orun ku koyaiiraige na; echi koro eishokor-i moshirʼebitta assuru-a-ashte wa an ruwe ne gusu ne na.

I Korintos 1:4

Ramma kane echi utara gusu, Kiristo Yesu oshiketa echi otta akoropare Kamui irenga gusu, ku goro Kamui otta koyaiiraige ash na;

I Korintos 15:24

Kiristo koro utara ne ruwe ne. Orowa no shiokere-i an, nei ita Shinuma Michi ne Kamui otta moshiri koropare kusu ne, nei ita Shinuma obitta no okai esapane-i hene obitta no okai mondum hene kiroro hene isamka kusu ne a an na.

Epesos 5:4

samata, turu-ushbe hene, katchak itak hene, eoya-itak ambe hene, iteki porose yan, tap okaibe oupak no an ambe shomo ne ruwe ne: koroka, makangane ko-yaiiraige ki yan.

Piripoi 1:3

Atpake an toho wano tane pakno pirika shongo otta echi utara en tura no ko-okai gusu,

Piripoi 4:6

Utarapa ehange no an. Nep ne yakka gusu iteki nishomap yan; koroka, nep ne yakka gusu iyaiiraige wa inonno-itak ani, koramkor-i ani echi eishiramnep Kamui nure yan.

Korosai 3:17

Orowa, itak otta hene ikip otta hene nep ne yakka echi ki chiki Utarapa ne Yesu Kiristo reihei ankushkeraipo ki, aine, Shinuma korʼirenga gusu Michi ne Kamui otta ko-yaiiraige yan.

I Tessaronike 3:9

chi utara ishu ruwe ne gusu ne na. Kamui tek-samata echi ankushkerai, ani chi eyaikopuntek nupetne ambe gusu, shui Kamui otta echi utara gusu nekon a yaiiraige an arabe chi yange eashkai ruwe he an?

I Tessaronike 5:18

inambe gusu ne yakun, echi epeka no tambe anak Kiristo oshiketa Kamui koro irenga ne ruwe ne gusu ne na.

II Tessaronike 1:3

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

II Tessaronike 2:13

Koroka, Utarapa orowa no aomap an iriwak utara, atpake wano Kamui anak ne Ramat ashkannere ambe newa sonep eishokoro ambe otta echi numge wa kashiobiuki gusu, ramma-kane echi utara gusu Kamui koyaiiraige kunip chi ne ruwe ne;

Hebraios 13:15

Yakun, Shinuma ankushkerai ramma-kane chi utara Kamui orun iramye an ayange kunip yange anro, tambe anak, Shinuma kon reihei orun eyaipushi papush wano hetuku ambe ne ruwe ne.

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.