Epesos 5:2 - Ashiri Aeuitaknup Iyohaichish Yona 1897

² Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Epesos 5:2 ပူးပေါင်းရင်းမြစ်များ

Mattaios 20:28

tambe korachi Ainu Poho anak ne moshima guru eiwange kuni ne ek ka shomo ne, yaishieiwangere kuni gusu ek ruwe ne; orowa, inne utara kikiraye gusu kon ramat kore gusu ek nisa ruwe tapan na.

Yoannes 13:34

Echi utara utashpa uweomap kuni ashiri ikashpaotte echi kore ash na: Kuani echi omap ash korachi, echi utara ne yakka utashpa uweomap kuni gusu ne na.

Yoannes 6:51

Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

Roma 15:16

Kamui orowa no a en kore irenga gusu, kuani Oya un utara gusu an Kiristo Yesu koro yaishieiwangere guru ku ne; nei ambe anak ne Oya un utara ayange-hi Ashkanne Ramat ani Aashkannere wa Kamui nupetnerep ne kuni ne Kamui pirika shongo gusu ku yaishieiwangere ruwe ne na.

Roma 4:25

Shinuma anak ne chikoro katpak gusu aekoshi, orowa, a un oupekare gusu hetopo-ashiknure nisa ruwe ne na.

Roma 8:3

Nei tuitak kam ankushkerai gusu katchak wa ki eaikapbe anak ne, Kamui, katpak rengap gusu katpak oma kam nokaha nepkoro yaikota koro Poho omande wa kam oshiketa katpak kokatpakte nisa ruwe ne:

Roma 8:37

Son no un, obitta tap okaibe gusu un omap guru ankushkeraipo annokara kashpa ki utara chi ne ruwe ne.

I Korintos 16:14

Nep ne yakka echi ikichi ambe anak ne omap ki gusu ikichi yan.

I Korintos 5:7

Pandane sak no poka echi okai korachi, ashiri takuhu echi akara kuni gusu, nei fushko pandane oashinge yan. Inambe gusu ne yakun, chikoro kamakushbe ne Kiristo ne yakka ayange nisa ruwe ne:

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

II Korintos 2:15

Inambe gusu ne yakun, kashichiobiuki shiri an utara otta ne yakka, aisamka shiri an utara otta ne yakka chi utara anak ne Kamui orota Kiristo koro pirika hura ushbe chi ne ruwe ne;

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Epesos 3:19

nei tomotuye ambe hene, epesh ambe hene, ri-hi hene, ooho-i hene, echi atumashnure wa onnere ki, orowa, Kamui koro aeshikbe ani echi aeshiktere kuni ne ku koramkon na.

Epesos 4:15

koroka, omap wa sonep ki hine nep ne yakka gusu sapaha ne Kiristo otta shukup kuni gusu an ambe ne ruwe ne na;

Epesos 4:2

orowa, gusu echi atak wa okai atak ambe kopakeot no apkash hene ki,

Epesos 5:15

Tambe gusu, nekon a echi apkash ya yaitubare yan; wayasap guru korachi shomo ne no wayashnu guru nei no ki yan;

Epesos 5:25

koro hoku otta koitaknu yan. Hoku ne utara, Kiristo anak ne karisia omap wa nei ambe gusu yaiyange nei no, echi utara poka shem korachi koro machi omap yan;

Piripoi 4:18

Koroka, nep ne yakka ku koro wa nuye an no ku an; Epaproditos koro wa ek echi orowa no okai shisak hura pirikap, uk kuni ayangep, Kamui nupetnere okaibe, ku uk okere gusu kuani kironnu wa an ruwe ne.

Korosai 3:14

orowa, tap okaibe kasu no pasere wa omap arabe utomchiure yan; tambe anak ne aeramushinne gusu an kut ne ruwe ne na.

I Tessaronike 4:9

Koroka, iriwak utara otta omap ki ambe gusu anak, shomo echi orun kambi ku omande yak pirika ruwe ne: inambe gusu ne yakun, echi yaikota anak uwe-utashpa uwe-omap kuni ne Kamui orowa no aepakashnu wa an ruwe ne gusu ne na;

I Timoteos 2:6

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

I Timoteos 4:12

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 8:3

Inambe gusu ne yatun, Kamui otta yaishieiwangere obitta no okai iyotta pase guru anak ne akorep newa ayangep yange kuni aatte ruwe ne; tambe gusu, Kamui otta yaishieiwangere tan guru ne yakka nep ka yange kunip koro kuni ambe ne.

Hebraios 9:14

shashuishiri pakno an Ramat gusu opiri sak no Kamui otta yaikota yaiyange Kiristo koro kem anak ne echi utara ishu Kamui otta yaishieiwangere gusu echi koro keutura ta okai rai an ikip ashkannere kuni naa kasu no shomoki ruwe he an?

Hebraios 9:23

Tambe gusu, kando otta an okaibe koro nokaha tap ambe ani aashkannere-hi anak aki kunip ne ruwe ne; koroka, kando otta an okaibe yaikota tap okai ayangep kasu no naa pirikap ani akara kuni an ambe ne.

Hebraios 9:26

Shinuma kanna-kanna yaiyange shomoki ruwe ne; shomo ne yakun, moshiri akara wano tane pakno Shinuma kanna-kanna ayairamshitnere nangoro: koroka, tane moshiri paha okese an paha ta Shinuma yaikota yaiyange wa kat-pak isamka kuni ne arashui no anukan nisa ruwe ne na.

I Petros 4:8

makangane ara uweomap ki yan; inambe gusu ne yakun, onrap ambe anak ne uwatte no okai katpak

I Yoannes 3:16

Shinuma anak ne un gusu koro inotu ande-hi gusu, tambe gusu omap ambe chi eraman; chi utara ne yakka iriwak utara gusu koro inotu ande kusu ne ap ruwe ne.

I Yoannes 3:23

Orowa, chi utara anak ne Shinuma koro Poho Yesu Kiristo kon reihei eishokoro, samata, un kashpaotte korachi utashpa uwe-omap kuni an ambe anak ne, tambe anak Shinuma sange ikashpaotte ne ruwe ne.

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,