Epesos 5:15 - Ashiri Aeuitaknup Iyohaichish Yona 1897

¹⁵ Tambe gusu, nekon a echi apkash ya yaitubare yan; wayasap guru korachi shomo ne no wayashnu guru nei no ki yan;

Epesos 5:15 ပူးပေါင်းရင်းမြစ်များ

Iyohaichish 73:22

Nei oro pakno ku ehaita wa ramu-sak; E kotchaketa chikoikip korachi ku ne nisa ruwe ne.

Mattaios 10:16

Ingarʼan, Kuani echi payere ash katu anak ne hitsuji horokeu tumu un ahupte korachi ne: tambe gusu, okokko pakno wayashnu no okai, kusuwep puri-ratchi pakno puri-ratchi wa okai yan.

Mattaios 25:2

Ashikne niu anak ne wayashnu ne, ashitnen anak ne wayasap ruwe ne.

Mattaios 27:24

Orowa, ene akari ka isam kunak pirato eraman wa, ouse sakayo patek tane hopuni kusu ne sekoro nukara chiki, wakka uk wa, inne utara kotpokita koro tekehe furaye hine ene itak-hi :— Tan oupeka guru koro kemihi shomo ku ekottanu; echi okai utara ki yan, sekoro itak.

Mattaios 27:4

aine, ene itak-hi :— Katpak koro shomoki ainu ku ekoshi, awa, katpak ku ki nisa ruwe ne, sekoro itak. Koroka, otta nei utara ene ye-hi :—

Mattaios 8:4

Orowa, nei guru otta Yesu ene ye-hi :— Nen ne yakka otta iteki tan orushpe nure; Kamui kora kenru esapane guru otta oman wa yainukare, samata, paweteshu ne gusu Mose kashpaotte ayangep yange yan, sekoro Yesu itak nisa ruwe ne na.

Roukos 24:25

Tata otta Shinuma anak ne nei utara otta ene itak-hi :— Uweingara utara obitta no ayep an, aine, eishokoro kuni moire keutum koro haita utara!

I Korintos 14:20

Iriwak utara, keutum gusu iteki pon utara ramkoro yan: yakka wenbe gusu aiai korachi okai, koroka,

Garatea 3:1

Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Garatea 3:3

an shongo gusu akore ruwe he an? Nei oro pakno echi ramusakbe ne ruwe? Ramat gusu echi heashi wa tane kara gusu echi aeramushinnere ya?

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

Epesos 5:33

Yakka, echi utara pishno yaikota yaiomap korachi yaikota koro machi omap yan; orowa, machi ne guru anak ne koro hoku ko-oripak yan.

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Korosai 1:9

Tambe gusu, chi utara ne yakka, nei orushpe nu toho orowa no echi utara anak ne obitta no okai ramat oma wayashnu ambe newa eraman-i otta Shinuma koro irenga eramanbe ani echi aeshikno an kuni hene,

Korosai 4:5

Soita okai utara epeka pakihi kikiraye korachi wayashnu no apkash yan.

I Tessaronike 5:15

Wenbe gusu iteki nen ne yakka wenbe eumontasa kuni ingara yan; koroka, uwe-utashpa hemhem, obitta no okai utara epeka hemhem, ramma pirikap iki yan.

I Timoteos 6:9

Koroka, yaieoteknure rusui utara anak ne, isamka ambe newa wen ushike ta utara esumba wa aronnu korachi an akoramnukara ambe newa akbe newa inne no okai ohaita iwende ibeporore ambe oro-oshma ruwe ne.

Hebraios 12:25

Itak sange shiriki an guru iteki ekatupase kuni ne yaitubare yan. Inambe gusu ne yakun, moshiri kata an wa nei utara anak ne epakashnu guru ekatupase chiki shomo aohaitare yakun, naa eitasa no chi utara anak kando wano un epakashnu guru eyaishishire chiki shomo yaiohaitare ruwe ne:

Yakob 3:13

Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.