Epesos 5:14 - Ashiri Aeuitaknup Iyohaichish Yona 1897

¹⁴ anak ne pekere ne ruwe ne gusu ne na. Tambe gusu, Shinuma ene itak-hi — Mokoro wa an guru mosh wa rai-hi orowa no hetopo-shiknu yan, orowa, Kiristo anak ne e orun pekere atte kusu ne na.

Epesos 5:14 ပူးပေါင်းရင်းမြစ်များ

Roukos 1:78

Chikoro Kamui ramu-hauge rampoken an gusu Rik oro nisat pekere un otta hetukure wa

Roukos 15:24

orowa, chi ibe ash wa nuchattek anro: inambe gusu ne yakun, tan ku po anak ne rai wa isam, awa, kanna shiknu wa an: aturainu wa an, awa, kanna apa nisa ruwe ne gusu ne na. Orowa, nei utara yainuchattek heashi ruwe ne.

Yoannes 8:12

Tambe gusu, shui Yesu nei utara otta itak wa ene ye-hi :— Kuani anak ne moshiri pekere Ku ne: En osh ek guru anak ne kunne-i otta apkash shomoki no, ishu un pekere koro kusu ne na.

Yoannes 9:5

Moshiri otta Ku an rapoketa, moshiri pekere Ku ne ruwe ne.

Apostoro ikip oma kambi 13:47

Inambe gusu ne yakun, Utarapa un kashpaotte wa ene itak-hi :— Oya uirup pekereka gusu Kuani e ashte ash, Moshiri-gesh pakno moshiri-pa pakno kashiobiuki ambe e ki kuni gusu ne na, ari itak.

Roma 6:13

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

I Korintos 15:34

Oupeka an no mosh wa iteki katpak ki: an utara anak ne Kamui eramushkare ruwe ne gusu ne na: echi utara ayainikoroshmare kuni gusu tambe ku ye ruwe ne.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Epesos 2:1

Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Korosai 3:1

Tambe gusu echi utara anak ne Kiristo tura hetopo-ashiknure chiki, Kamui shimon tek-samata a koran Kiristo oshiroma ushiketa an okaibe hunara yan.

I Tessaronike 5:6

tambe gusu, moshima utara iki korachi iteki mokoro ashro, koroka, shiruwande hene ki yairamatte hene ki yanro.

II Timoteos 1:10

aige, nei ambe anak ne chikoro un Kashiobiukip ne Kiristo Yesu ek-hi ani anukare nisa ruwe ne; Shinuma anak ne rai ambe isamka wa pirika shongo ankushkerai inotu newa shomo muninbe sarare nisa ruwe ne;

II Timoteos 2:26

nei utara yaieashirikara hine nitne Kamui atte akbe aohaitare, aine, Kamui irenga ankushkerai shinuma ani auk kuni gusu ne na.