Epesos 5:11 - Ashiri Aeuitaknup Iyohaichish Yona 1897

¹¹ shui, ibe-sak no an kurokok buri shomo ukokoro wa nei ambe koipishi wa esanniyo yan,

Epesos 5:11 ပူးပေါင်းရင်းမြစ်များ

Iyohaichish 141:5

Oupeka guru en shirikik chiki, ramuhaugep ne; Shinuma en pakashnu yakun, ku sapa kata shum aota korachi ne; Ku sapa anak ne shomo nei ambe eshishi: Inambe gusu ne yakun, tane ne yakka ku ki inonno-itak nei wenbe gusu an na.

Mattaios 18:15

Orowa, e koro iriwak anak ne e epeka no chikokatpak an chiki, e oman wa tun patek echi an ita otta nure; e ye itak nu chiki, eani anak ne koro iriwak epirika ruwe ne.

Roukos 3:19

koroka tetrarkes Herod anak ne koro ainu iriwak koro machi Herodias gusu hemhem, samata moshima okai Herod ki wen buri gusu hemhem, Yoannes orowa no akopakashnu nisa ruwe

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 13:12

Kunne-to naanihungo aokere, tokap-to tane an kushki: tambe gusu, kurokok buri shirairaye wa pekere hayokbe yaimire anro.

Roma 16:17

Iriwak utara, echi aepakashnu epakashi echutko no, uwekoppa newa aepetchiure kunip hetukure utara eshishi kuni echi onishnishi ash na.

Roma 6:21

Tane echi eyainikoroshma ambe gusu, nei rapoketa nekon a ibehe echi kon nisa ruwe he an? Nei okaibe gusu hetukup anak ne rai-ambe ne ruwe ne gusu ne na.

Garatea 6:8

Yaikota koro kam gusu etoita gurʼanak ne kara gusu muninbe nanke kusu ne; koroka, Ramat gusu etoita gurʼanak, Ramat gusu otusashuishiri pakno an inotu nanke kusu ne na.

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

Epesos 5:12

inambe gusu ne yakun, nuina no nei utara ki ikip aporose yakka yainikoroshmarep ne ruwe ne gusu ne na Koroka,

Epesos 5:7

Tambe gusu, iteki nei utara tura ukouina yan;

Korosai 1:12

orowa, pekere otta okai ashkanne utara tura aeikeshkoro kuni an ambe chi uina kuni ne un kopakeatte Michi otta koyaiiraige ki;

I Tessaronike 5:7

Mokoro utara anak ne anchikara ta mokon ruwe ne; ihoshki utara anak ne anchikara ta ihoshki ruwe ne gusu ne na.

II Tessaronike 3:14

Nen ka tan kambi kata anuye wa an chi ki itak koitaknu shomoki guru an chiki, nei guru shirosh omare yan, aige, iteki echi aeyainikoroshmare kuni ne shomo shinuma tura yan.

II Tessaronike 3:6

Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.

I Timoteos 5:20

Chikokatpak utara okai chiki, moshima okai utara ishitoma kuni ne obitta no okai utara shik-samata pakashnu yan.

I Timoteos 5:22

Yaitunashka wa ainu kata iteki teke ande, shui, moshima guru tura iteki chikokatpak koro: yaituru-sak no e an kuni ki yan.

I Timoteos 6:5

sonep sak wa oheuge upahunara hemhem patek iki guru ne ruwe ne.

II Timoteos 3:5

koetaraka iki, pakesara, Kamui koomap kasu no yainupetnere ambe koomap utara ne; Kamui koori-pak noine an katuhu koro, koroka, nei kiroro eshikashke:

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Titus 2:15

Ikashpaotte an korachi tap okaibe ye hemhem ki, onishnishi hemhem ki, pakashnu hemhem ki yan. Inan guru ne yakka iteki e pange kuni ne ki yan.

Ekambakbe 18:4

Orowa, kando orowa no an naa shine hawe ku inu, ene itak-hi :— Shinuma iki chikokatpak tura iteki iki kuni ne, samata, shinuma akore ipak ambe ani shomo utura apanakte kuni ne, Ku goro utara, nei shiwentep orowa no soyumba yan: