Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Epesos 4:31 - Ashiri Aeuitaknup Iyohaichish Yona 1897

31 Obitta no okai iporo-shiube hene, kinrakarabe hene, irushka ambe hene, irambotarare ambe hene, koatcha ambe hene, obitta no okai wenbe tura oyakta ande yan:

အခန်းကိုကြည့်ပါ။ ကော်ပီ




Epesos 4:31
62 ပူးပေါင်းရင်းမြစ်များ  

Arorokishne no aun guru ohaigekara guru ku isamka kusu ne: Etu mekka rire wa pakesara keutum koro guru an kuni ku kopan ruwe ne.


Itak-rui gurʼanak ne moshiri kata shomo aashte kusu ne: Isamka kuni gusu wenbe anak ne yupke buri iki guru ramande kusu ne.


Parumbe ani shomo sempirioitak, Aun guru otta wenbe ki shomoki, Samake an guru gusu shomo yainikoroshmarep kara gunʼne.


Iteki irushka, kinrakarape emaka yan: Iteki keutum yaiseisekka, nei ambe anak ne ouse wen-buri hetukurep ne ruwe ne.


E a wa koro iriwak gusu shungep ye, Koro haho koro poho uoputuye ruwe ne.


Nei utara anak ne emush korachi koro parumbe eenka nisa, Shiu itak nepkoro an ai eoshikpekare nisa:


Orowa, nei machiya obitta aukopoye, awa, utara hoyuppa uwekarapa: aige, Pauros tek-kokishima hine Kamui kora kenru orowa no esoyun nimba: aine, nani apa aseshke nisa ruwe ne.


Koro paroho anak ne iyoitakushi newa shiuninbe ani aeshik:


Iriwak utara, keutum gusu iteki pon utara ramkoro yan: yakka wenbe gusu aiai korachi okai, koroka,


tambe gusu, nei marapto kiro, fushko pandane koro shomoki, samata, wenbe newa wen-katcham oma pandane ka koro shomoki, koroka, turu-sak an sonep ne pandane sak pan koro hine kiro.


Ikineipeka ku ek ita anak ne nekon a ka shomo ku kon rusui nei no echi anukara, samata, shomo echi kon rusui nei no a en nukara kuni ambe ku ishitoma ruwe ne; ikineipeka nekon a ka ika upaore ambe hene, eyaitunnap hene, kinrakarape hene, sakayo hene, ohaigekara ambe hene, pinu no itakbe hene, pittarane ambe hene, achatchari ambe hene an na;


aesaman ambe hene, epokbap hene, upaore hene, ikoitupap hene, kinrakarabe hene, sakayo karabe hene, uwekoppa an ambe hene, Kamui orusbpe ohoge yainu ambe hene, eyaitunnap ki ambe hene, ihoshki ambe hene,


nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,


Tambe gusu, echi utara anak ne shungep ande wa pishno pishno aun guru otta son no ambe ye yan: chi utara anak ne uwe-utashpa an awehe ne ruwe ne gusu ne na Irushka wa iteki katpak ki:


Hoku ne utara, echi koro machi omap wa otta iteki iporo-slriuka yan.


Koroka, irushka arabe hemhem, kinrakarabe hemhem, wenbe hemhem, koatcha arabe hemhem, paro wano san yainikoroshma itak ambe hemhem, tane tap okaibe obitta oyakta are yan:


Shiwente utara ne yakka yaikatanu kunip ne, shomo ohaigekara, yairamatte, nep ne yakka gusu son no ambe ki kunip ne ruwe ne.


ainu kokik shomoki guru ne kunip ne; koroka, yaikatanu keutura koro, koiki kopan, aetunne kuni ani eyaiepirikare ambe shomo ko-omap guru ne kunip ne:


Samata, nei no okai utara anak ne toranne iki wa chisei pishno shioyapkire apkash; toranne patek shomo ne koroka paro-rui ne yakka ki, moshima guru orushpe orun isaikako, aige, shomo aye kuni itak ye ruwe ne.


Koroka, ramu-sak, aerampeutekbe an upahunara ambe eshishi yan, e eraman korachi, nei okaibe anak ne ukoiki ambe hopunire ruwe ne na.


Inambe gusu ne yakun, episkopos anak ne Kamui korobe ashikkashimare guru korachi wen-buri sak no okai kunip ne; yaikota koro keutum eikaunu shomoki, shomo nukoshne, shomo iku sakayo ki, ainu koiki shomoki, aetunne kuni ani eyaiepirikare ambe kon rusui shomoki;


yaiyupupu no okai kuni kara yan: orowa, huchi utara ne yakka oripak an katu koro, ohaigekara shomoki, tonoto gusu yaiusshiunere shomoki, pirika orushpe epakashnu kuni kara yan;


Ku omap an iriwak utara, onnere yan. Koroka, pishno an guru anak ne nu gusu chashnu, itak gusu moire,


Koroka, keutum ta ikoitupa shiuninbe newa sakayo kane echi koro chiki, iteki yaiomonnure, iteki sonep gusu shunge ki yan.


Iriwak utara, utashpa iteki ohaigekara yan. Koro iriwak gusu ohaigekara hene ki, iriwak koipishi hene ki gurʼanak ne tuitak ohaigekara, tuitak koipishi ruwe ne: koroka, eani anak ne tuitak koipishi chiki, tuitak ki guru shomo e ne, koipishi ki guru e ne ruwe ne.


Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;


nitnep orowa no an wa koro akihi kewe-uk Kain korachi shomo ne ruwe ne Orowa, nep gusu shinuma kewe-uk a? koro ki ikip wen wa, akihi ki ikip oupekap ne ruwe ne gusu ne ruwe tapan na.


Nen ne yakka koro iriwak etunne gurʼanak ne keweuk gunʼne: orowa, nen ne yakka kewe-uk gurʼanak ne, nei oshiketa ramma okere shomoki inotu koro shomoki ruwe ne ari an ambe echi eraman.


Orowa, kando oshiketa poro hawe ku nu, aige, ene itak-hi :— Tane anak ne kashiobiuki ambe newa, kiroro newa, chikoro Kamui moshiri newa, Shinuma koro Kiristo koro mondum newa ek wa an ruwe ne: inambe gusu ne yakun, tokap-to ta hene, kunne-to ta hene chikoro Kamui tek-samata chikoro iriwak utara eiyonnupba ki iyon-nupbap anak ne aetopan nisa ruwe ne gusu ne na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ