Epesos 4:25 - Ashiri Aeuitaknup Iyohaichish Yona 1897

²⁵ Tambe gusu, echi utara anak ne shungep ande wa pishno pishno aun guru otta son no ambe ye yan: chi utara anak ne uwe-utashpa an awehe ne ruwe ne gusu ne na Irushka wa iteki katpak ki:

Epesos 4:25 ပူးပေါင်းရင်းမြစ်များ

Iyohaichish 119:29

En orowa no shungep oyakta ande wa, Pirika irenga sange hine E koro tuitak en kore.

Iyohaichish 15:2

Opiri-sak no apkash wa oupekap ki, Keutum ta sonep ani ye gunʼne.

Iyohaichish 52:3

Pirikap kasu no eani wenbe omap ruwe ne, Sonep ye kasu no shunge e konoburu ruwe ne. [Sera.]

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Roma 12:5

chi utara ne yakka inne utara ne, koroka, Kiristo otta shine netobake chi ne, orowa, pishno pishno uweutashpa an awehe chi ne ruwe ne na.

I Korintos 10:17

Chi utara inne a yakka, shine pantak ne, shine netobake ne ruwe ne: inambe gusu ne yakun, chi utara obitta shine pantak eimek wa ibe ruwe ne gusu ne na.

II Korintos 7:14

Nep ne yakka epeka echi utara gusu shinuma ankushkerai ku yaiomonnure yakun shomo a en yainikoroshmare nisa ruwe ne; koroka, sonep ani obitta no okaibe echi otta chi ye korachi, Titus kotchaketa ku ki yaiomonnure ambe ne yakka sonep ne anukan nisa ruwe ne.

Epesos 4:15

koroka, omap wa sonep ki hine nep ne yakka gusu sapaha ne Kiristo otta shukup kuni gusu an ambe ne ruwe ne na;

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

Epesos 4:31

Obitta no okai iporo-shiube hene, kinrakarabe hene, irushka ambe hene, irambotarare ambe hene, koatcha ambe hene, obitta no okai wenbe tura oyakta ande yan:

Epesos 5:30

chi utara Shinuma kon netobake oma awehe chi ne ruwe ne gusu ne na.

Korosai 3:8

Koroka, irushka arabe hemhem, kinrakarabe hemhem, wenbe hemhem, koatcha arabe hemhem, paro wano san yainikoroshma itak ambe hemhem, tane tap okaibe obitta oyakta are yan:

Korosai 3:9

iteki utashpa shunge yan: fushko ainu koro iki ikip tura echi shioraye hine ashiri ainu echi utomchiure okere ruwe ne gusu ne na;

I Timoteos 1:10

hoiyo utara gusu, ukokateaikap utara gusu, ainu eikka utara gusu, shunge utara gusu, ikoshunge utara gusu, samata, nep ne yakka nisashnu epakashi kopakeat shomo ne ambe an chiki, nei ambe gusu tuitak akan na;

I Timoteos 4:2

ambe ankushkerai seisek kani ani korachi koro keutura auhuyeka wa eishokor-i gusu eyaikoemaka kusu ne ari Ramat anak irammataka ye ruwe ne;

Titus 1:12

Nei utara tumuge un shinen, nei utara yaikota koro shine uweingara guru ene itak-hi :— Krete kotan un utara anak ne ramma shunge utara ne, wen chikoikip, toranne ibekashpa utara ne ruwe ne, ari itak.

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

I Petros 2:1

Tambe gusu obitta no okai wenbe hene, obitta no okai kokandama ambe hene, kankapkapeka ambe hene, eyaitunnap ki ambe hene, obitta no okai wen itak sange ambe hene oyakta ande yan;

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.

Ekambakbe 22:15

Soigeta anak seta okai, pon-itak ki utara okai, hoiyo utara okai, keuk utara okai, potoki-koongami utara okai, orowa, shunge omap wa shungep iki ambe koomap obitta no okai utara pishno an ruwe ne na.