Epesos 4:2 - Ashiri Aeuitaknup Iyohaichish Yona 1897

² orowa, gusu echi atak wa okai atak ambe kopakeot no apkash hene ki,

Epesos 4:2 ပူးပေါင်းရင်းမြစ်များ

Iyohaichish 138:6

Ehoba anak ne pase ne a yakka, Shinuma irapokkari utara orun koingan ruwe ne: Koroka, ehangeko no an ushike wano pakesara utara nukan ruwe ne.

Iyohaichish 45:4

E koro sonep newa ramurotcha ambe newa oupeka ambe gusu, Chitomte no o wa paye hine annokara ki yan: Yakun, E koro shimon-tek anak ne ashitomap aepakashnu kusu ne na.

Mattaios 11:29

Kuani anak ne ramu-shiroma wa keutum yaieoripakka ambe Ku ne ruwe ne gusu, Ku rekuchi orunbe uk wa En orowa no eyaihannokkara yan; yak anak ne echi keutum gusu shini ushi apa kusu ne.

Markos 9:19

eaikap ruwe ne, sekoro itak. Nei utara otta Shinuma ese wa ene itak-hi :— Aa eishokor-i sak ikiri, hembara pakno echi tura no Ku an kusu ne ya? Hembara pakno echi gusu Ku yaishiporore ya? En orota i ani wa ek yan, ari itak.

Apostoro ikip oma kambi 20:19

nupe yaikorange hene ki, Yudea un utara en gusu oshke esanniyo an gusu a en koramnukara ambe hene an wa Utarapa otta yaikushieiwangere a i echi utara yaikota echi eraman ruwe ne;

Roma 15:1

Tumashnu wa okai utara anak ne yaikota yainupetnere shomoki no, turu-sakbe koro katchakbe sei kunip ne.

I Korintos 13:7

koroka, son no ambe tura enupetne ruwe ne; nep ne yakka kamure, nep ne yakka eishokoro, nep ne yakka echipachipa, nep ne yakka yaishiporore ruwe ne.

Garatea 6:2

Uweutashpa koro ashikerep uweseire hine, Kiristo kore tuitak uweomare yan.

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

II Timoteos 2:25

ramu-shiroma no yaiatte wa epokba utara pakashnu kuni an guru ne kunip ne ruwe ne; Kamui anak ne nei utara yaikokatpakte wa sonep eramande, orowa,

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

I Petros 3:15

Kiristo anak ne Utarapa ne sekoro echi keutura ta esanniyo yan: echi oshiketa okai chipachipa ambe ikkewehe ramu-rotcha wa ishitoma an no nen ne yakka otta ese-itak sange kuni ne ramma-kane etokooiki wa okai yan:

I Petros 3:8

Orosama okeseketa, echi utara obitta keutum shineatkire, utashpa uwerampokiwen wa kore, uiriwak korachi omap ki, uweiyeramuhauge an keutum koro,