Epesos 4:16 - Ashiri Aeuitaknup Iyohaichish Yona 1897

¹⁶ Shinuma gusu pishno okai ikra koropare ambe an gusu, netobake ebitta irammakaka aurukire wa uweyupu hine pishno an awehe ki ikip an korachi, omap ki wa netobake shukupte wa yaiashte ruwe ne.

Epesos 4:16 ပူးပေါင်းရင်းမြစ်များ

Yoannes 15:5

Kuani anak ne pungara Ku ne, echi utara nei ni-tek ne ruwe ne: En oshiketa an wa, samata, oshiketa Ku an guru anak ne, nei guru anak poron no ibe o ruwe ne: En oyakta an chiki nep ne yakka echi ki eaikap ruwe ne gusu ne na.

Roma 12:4

Inambe gusu ne yakun, chikon netobake otta inne no okai awehe an a yakka nei awehe obitta ki kuni ikip anak shomo ukorachi an ambe nei no,

I Korintos 10:17

Chi utara inne a yakka, shine pantak ne, shine netobake ne ruwe ne: inambe gusu ne yakun, chi utara obitta shine pantak eimek wa ibe ruwe ne gusu ne na.

I Korintos 13:13

Orowa, tane anak eishokor-i hemhem, chipachipa-ambe hemhem, omap-ambe hemhem an, tan re okaibe an; koroka, tap otta iyotta pasep anak ne omap ambe ne ruwe ne na.

I Korintos 8:1

Tane potoki otta ayangep gusu, chi utara obitta eramush ruwe ne ari chi eraman.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Epesos 3:17

ani atumashnure hemhem ki, orowa, eishokor-i an gusu Kiristo anak ne echi koro keutum ta okai, samata, echi utara anak ne omap ambe orun shinrit oma hine

Epesos 3:7

koro kiroro ikip an gusu a en koropare Kamui irenga ne korarape an korachi, kuani anak ne nei pirika shongo otta yaishieiwangerere guru ku ne ruwe ne na.

Epesos 4:12

tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

Epesos 4:15

koroka, omap wa sonep ki hine nep ne yakka gusu sapaha ne Kiristo otta shukup kuni gusu an ambe ne ruwe ne na;

Piripoi 1:9

Orowa, tambe gusu inonno-itak ku ki: echi ki omap ambe anak ne naa naa eramu ambe otta hene,

Korosai 2:19

raka-sak no koro kam-ush keutura gusu pittarane, aige, ari netobake ebitta ikra newa kut-rit ankushkerai gusu areshpa hine Kamui orowa no ashukupte wa shukup nei sapaha yupke no shomo shikkashima ruwe ne na.

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

I Tessaronike 2:13

Orowa, echi utara anak ne nei a chi ye itak ambe, nei a Kamui korobe echi akore ita, ainu itak ambe nei no shomo auk, koroka, son no an arabe nei no, eisho-koro shiri echi utara onnaigeta iki poka ki Kamui itak nei no echi uk nisa ruwe ne, tan ikkewehe an gusu ne yakka okere shomoki no Kamui koyaiiraige ash ruwe ne.

I Tessaronike 3:12

epeka chi utara ne yakka iki nei no Utarapa anak ne uweutashpa echi omap wa nuye an no echi kire kuni akoramkon na;

II Tessaronike 1:3

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

I Timoteos 1:5

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Yoannes 4:16

Orowa, un gusu Kamui sange omap-hi ari an ambe chi eishokoro wa chi eraman ruwe ne. Kamui anak ne omap ambe ne; orowa, omap-hi otta riya guru anak ne Kamui otta riya, orowa, Kamui anak shinuma otta riya ruwe ne.