Epesos 4:11 - Ashiri Aeuitaknup Iyohaichish Yona 1897

¹¹ Orowa, Shinunra koropare aikrap anak ne Apostoro ne kuni sereke an; uweingara guru ne kuni sereke an; pirika shongo akore guru ne kuni sereke an; epungine guru newa epakashnu guru ne kuni sereke an ruwe ne;

Epesos 4:11 ပူးပေါင်းရင်းမြစ်များ

Mattaios 28:20

orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.

Apostoro ikip oma kambi 13:1

Orowa, Antiok kotan ta an karisia ta uweingara utara newa epakashnu utara okai, Barnabas newa Niger ari an ambe ani aye Simeon okai, Kurenai un Roukios newa Tetrakes Herod koro tura iresu akihi newa Sauros okai ruwe ne.

Apostoro ikip oma kambi 20:28

kuni ambe shomo ku eshishi nisa ruwe ne. Yaikota gusu hemhem, Ashkanne Ramat echi epunginere topaha ebitta gusu hemhem yairamatte okai hine,

Apostoro ikip oma kambi 21:8

Orowa, nei shimge toho ta paye ash wa Kaisarea kotan ta araki: aige, nei arawa niu tumuge un shinen ne pirika shongo eupaskuma guru Piripos kot chisei ta ahup wa tura no riya nisa ruwe ne.

Roma 12:7

yaishieiwangere kuni ambe ne chiki, yaishieiwangere yanro; epakashnu kuni ambe ne chiki,

I Korintos 12:4

Aeikrap anak ne usaine okai koroka, une no an Ramat ne.

Epesos 2:20

Apostoro newa uweingara utara kashiketa asama aande wa akarabe an utara echi ne, Kiristo Yesu yaikota nei sapane shikkeu nep ne ruwe ne;

Epesos 3:5

tane Ramat ani koro Apostoro utara newa uweingara utara otta aekambakte nei no, nei ambe anak moshima okai ikiri ta ainu poho utara otta shomo aeramande nisa ruwe ne;

Epesos 4:8

Tambe gusu, shinunra ene itak-hi; — Shinuma ri ushike oruu rikiu ita, teke-apashte ambe teke-pashte nisa ruwe ne. Orowa, utara otta aikrap koropare nisa ruwe ne na.

II Timoteos 4:5

Koroka, nep ne yakka gusu yairamatte yan, enishte yan, pirika shongo eupaskuma guru ki kuni ikip ki yan, otta yaishieiwangere ambe uweomare yan.

Hebraios 5:12

Inambe gusu ne yakun, pakihi gusu echi utara anak ne moshima utara epakashnu kuni gusu an utara echi ne kunip ne, awa, Kamui orushpe gusu an iyotta atpake an ap koro isaika ambe aepakashnu wa eyaihannokkara kuni utara echi ne; aige, nishte aep shomo ne no an tope eishiramne utara echi ne okere ruwe ne.

Youdas 1:17

Koroka, aomap an echi utara, chikoro Utarapa ne Yesu Kiristo koro Apostoro utara ye okere itak eshkarun yan;

Ekambakbe 18:20

Kando ne Aokai hemhem, ashkanne utara ne echi utara hemhem, Apostoro utara ne echi utara hemhem, uweingara utara ne echi utara hemhem shinuma okkeukashi nupetne yan; inambe gusu ne yakka aokai utara gusu an esanniyo ambe Kamui esanniyo nisa ruwe ne gusu ne na.

Ekambakbe 21:14

Orowa, nei machiya koro ekashi otta tu ikashima wan asamaha okai, aige, kashita nei Pon-hitsuji koro Apostoro tu ikashima wan reihei an ruwe ne na.