Epesos 3:1 - Ashiri Aeuitaknup Iyohaichish Yona 1897

¹ Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 3:1 ပူးပေါင်းရင်းမြစ်များ

Roukos 21:12

Koroka, obitta no tap okaibe an etokota, utara anak ne Ku reihei rengap gusu echi kishima wa echi epokba, aige, uwekarapa chisei otta hemhem, upakashnu chisei otta hemhem echi ekoshi hine Moshiri esapane utara newa epungine utara orun echi tura kusu ne.

Apostoro ikip oma kambi 21:33

Tata otta tumi-koro utara ikiri esapane guru karange no ek wa shinuma kishima, aige, tu kani-shinkop ani atupetupe kuni ne ikashpaotte nisa ruwe ne; orowa, nekon a an ainu ne ya? hemanda iki guru ne ya? uwepekennu nisa ruwe ne.

Apostoro ikip oma kambi 23:18

Tambe gusu shinuma nei guru ani wa tumi-koro guru ikiri esapane guru otta tura hine ene itak-hi :— Apakashnu wa an Pauros anak ne yai orota en hotuyekara wa e orun nep ka ye kuni orushpe koro tan upen guru e otta ku tura kuni ye nisa ruwe ne,

Apostoro ikip oma kambi 26:29

Pauros ene itak-hi :— Poron no ani ne yakka pon no ani ne yakka, aokai patek shomo ne, koroka, tanto en nu shiriki obitta no okai utara ne yakka, tap atupepeoktep moshima, en korachi ne akara kuni Kamui ku koramkon na, ari itak.

Apostoro ikip oma kambi 9:15

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

II Korintos 1:6

Koroka, chi utara anak ne aeramchuptekka chiki echi aomaoma kuni gusu hene echi kashiaobiuki kuni gusu hene an ambe ne; shui, chi utara aomaoma an chiki, nei ambe anak chi utara poka iki ukorachi an aeramchuptekbe echi ramu-shiroma no eyaishipororere kuni gusu an omaoma ambe ne ruwe ne gusu ne na:

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 11:23

Abraham sanikiri ne ya? Kuani ne yakka ene ani ne. Kiristo otta yaishieiwangere utara ne ya? (ramu-isam guru korachi ku ye) Kuani naa kasu no ne ruwe ne: nei utara kasu no poron no ku iki; nei utara kasu no poron no upakashnu chisei ta ku an; poron no a en shirikik mashkin, kanna-kanna rai otta ku an ruwe ne na.

Garatea 5:11

Koroka, iriwak utara, kuani anak ne okarituye orushpe eupaskuma yakun, nep gusu tane ne yakka, a en keslike wa an a? Yak anak ne utasa chikuni gusu an ureepetchiurep anak aisamka nisa ruwe ne na.

Garatea 5:2

Ingara yan, kuani, Pauros anak ne echi otta ku ye, echi utara okarituye buri akire chiki, Kiristo anak ne shomo echi pirikare kusu ne.

Garatea 5:24

Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.

Epesos 3:11

tane kando un kiroro newa mondum koro utara otta karisia ani Kamui inne no okai wayashnu ambe anure kuni gusu ne na;

Epesos 3:13

Tambe gusu, echi utara gusu ku ki aerarachuptekbe gusu iteki echi ramurai kuni ku koramkoro; nei ambe anak ne echi gusu an nupeki ne ruwe ne gusu ne na.

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 6:20

nei ambe gusu shomo ehonnai no ku ki wa ku ye kusu ne ap korachi ku ye kuni ne, en gusu koramkoro yan; nei ambe gusu kani shinkop eok ateshkara guru ku ne ruwe ne na.

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

Korosai 4:18

Pauros ne kuani anak ne yaikota koro teke ani rangarap ikiri ku nuye na. Ku goro tupep eshkarun wa en kore yan. Irenga echi tura an na.

Korosai 4:3

samaketa, un gusu ne yakka iki, Kiristo gusu an anuina ambe aye hine itak arabe ahun gusu, un orun Kamui apa maka kuni ne ki yan,

II Timoteos 1:16

Onesiporos koro uni un utara Utarapa erampokiwen wa kore kuni ku koramkoro; inambe gusu ne yakun, shinuma anak ne kanna-kanna en sambe shiturire nisa, orowa,

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

Pirimon 1:1

Kiristo Yesu koro apakashnu guru Pauros newa akoro iriwak ne Timoteos anak ne, un tura no iki aomap an akoro Pirimon otta hemhem, akoro matiriwak ne Appia otta hemhem,

Pirimon 1:23

Kiristo Yesu oshiketa en tura apakashnu wa an Epapras e ekap na;

Pirimon 1:9

Kiristo oshiketa, nep rametokkorobe ka ku goro yakka, omap ambe ankushkerai ku onishnishi ash ruwe ne, onne Pauros ku ne gusu, samata, tane Kiristo Yesu koro epashkanu guru ku ne wa gusu ne na:

Ekambakbe 2:10

Tane e iki kusu ne a ramushitnere okaibe gusu iteki ishitoma yan: ingarʼan, echi utara auwande kuni ne nitnep anak ne echi sereke okai utara ipakashnu chisei ta omare kuni etokooiki korʼan ruwe ne; aige, wan to uturuta echi eramchuptek kusu ne na. Rai pakno ikipniukesh no okai yan, yakun, Kuani inotu oma sapa-umbe e kore ash kusu ne na.