Epesos 2:3 - Ashiri Aeuitaknup Iyohaichish Yona 1897

³ etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

Epesos 2:3 ပူးပေါင်းရင်းမြစ်များ

Iyohaichish 51:5

Wen-buri an wa a en shikore na, Wen-buri an wa ku goro habo shinnai kat iyeunu nisa ruwe ne.

Markos 4:19

orowa, moshiri gusu an nishomap hene, ikorobe kokandama ambe hene, orowa, moshima okai ambe ibeshikashure-hi ahup wa itak eteye hine ibe-o shomoki ruwe ne na.

Yoannes 1:13

Nei utara anak ne kem utari gusu ahekatpa shomo ne, kam irenga gusu hekatu shomo ne, ainu irenga gusu hekatu shomo ne, koroka, Kamui orowa no ahekatparep ne ruwe ne.

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Apostoro ikip oma kambi 14:16

Shinuma anak ne obitta no okai moshiri uirup yaikota rengaine kon ruhu ta apkash kuni moshima no ande nisa ruwe ne.

Roma 1:24

Tambe gusu, Kamui anak ne nei utara koro keutum ta okai kon rusuibe gusu ichakkere ambe otta ekoshi nisa, kon netobake uwetashpa akoatcha kuni gusu ne na:

Roma 11:30

Inambe gusu ne yakun, teeda echi utara anak ne Kamui koitakkashi korachi, koroka, tane nei utara itakkashi ambe gusu erampokiwen wa akore nei no,

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Roma 2:14

tuitak akore shomoki Oya uirup anak ne koro keutum buri an gusu nei tuitak ta an okaibe shikkashima yak ne, tan utara tuitak sak no okai yakka, yaikota gusu tuitak ne ruwe ne;

Roma 5:10

Inambe gusu ne yakun, epokba utara chi ne a rapoketa, koro Poho rai ambe ankushkerai Kamui eramuriten yak anak ne, tane mashkin, aeramuriten wa okai gusu Shinuma koro inotu otta kashiobiuki kusu ne na;

Roma 5:9

Tambe gusu, naa eetasa no, Shinuma koro kem otta aoupekare wa okai gusu, Shinuma ankushkeraipo irushka-hi orowa no aohaitare ash kusu ne na.

Roma 6:12

Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;

Roma 7:18

Inambe gusu ne yakun, en onnaigeta, ku kam onnaigeta, shine pirikap poka shomo oshiroma ruwe ne sekoro ku eraman: ki rusui keutum ku koro, koroka, pirikap ki kuni ambe anak isam ruwe ne gusu ne na.

Roma 9:22

hene ki akoatchap ne kara hene ki kuni kiroro shomo kon ruwe he an? Yakun, Kamui anak ne koro kinrakarape nukare hemhem ki, koro kiroro ashte hemhem ki kuni irenga koro wa aisamka kuni gusu an aekinrakarape poron no eramushiporore yak hemanda ruwe?

I Korintos 4:7

Hunna echi uwe-echutkore ruwe he an? Samata, shomo akore ambe hemanda echi kon ruwe he an? Koroka, akorep ne chiki, hemanda gusu shomo nei ambe ikore an nei no echi yaiomonnure ruwe he an?

II Korintos 7:1

Tambe gusu, iriwak utara, tan eitakamkire ambe chikoro wa okai gusu, kam newa ramat otta an obitta no okai turu gusu yaituru-sakte yanro, aine, Kamui koishitoma wa ashkanne ambe eramushinnere ki.

Garatea 3:22

Koroka, Yesu Kiristo eishokoro gusu an eitakamkirep anak ne eishokoro ki utara otta akoropare kuni ne, Kamui kambi-sosh anak obitta no okaibe otta chikokatpak kashiomare nisa ruwe ne na.

Epesos 2:2

teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

Korosai 1:21

Orowa, echi utara anak ne etoko wa echi wen ikichi arabe gusu echi koro keutum oshke uwoyake an hine epokba utara echi ne a yakka,

I Tessaronike 4:13

Koroka, iriwak utara, mokonnoye utara gusu echi erampeutek-hi chi kopan; aechipachipa kuni ushike sak no moshima no okai utara korachi iteki echi ok keutum koro kuni gusu ne na.

I Tessaronike 5:6

tambe gusu, moshima utara iki korachi iteki mokoro ashro, koroka, shiruwande hene ki yairamatte hene ki yanro.

I Timoteos 6:9

Koroka, yaieoteknure rusui utara anak ne, isamka ambe newa wen ushike ta utara esumba wa aronnu korachi an akoramnukara ambe newa akbe newa inne no okai ohaita iwende ibeporore ambe oro-oshma ruwe ne.

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

I Petros 1:14

itaknu poho utara korachi ki wa eramushkare ita ki korachi iteki ibeporore ambe otta yaikoropare yan;

II Petros 2:14

koro shikihi anak ne omoinu ani aeshik; katpak okakeanka eaikap; utumashi keutum shiren; koro sarabe yaikoshipuinere shiri ki; aiyoitakushi poho; oupeka ruhu emaka,

II Petros 2:18

Inambe gusu ne yakun, raka-sak ashipushkere wa an ambe sange hine, wenbe ki wa ishu utara orowa no ohaitare shiri okai utara, ramupekere ambe ani, kara oma ibeporore otta shiren ruwe ne gusu ne na;

I Yoannes 2:16

Inambe gusu ne yakun, moshirʼotta an obitta no okaibe, kam eikaunu ambe hene, shiki eikaunu ambe hene, ishu gusu pakesara ambe hene, Michi orowa no hetukup shomo ne, koroka, raoshiri orowa no an ambe ne ruwe ne gusu ne na.

I Yoannes 2:8

Shui, ashiri ikashpaotte echi gusu ku nuye na, nei ambe anak ne Shinuma oshiketa ne yakka echi oshiketa ne yakka son no ambe ne; inambe gusu ne yakun, kunne-i okere koran, orowa, son no pekere nupeki atte wa an ruwe ne gusu ne na.