Epesos 2:2 - Ashiri Aeuitaknup Iyohaichish Yona 1897

² teeda echi utara tane an ainu ikiri kara korachi nei ouhaitap newa chikokatpak kari apkash; shui, tane okai itakkashi ki poho oshiketa iki ramat ne taskoro-mau un kiroro esapanep nei no teeda echi apkash nisa;

Epesos 2:2 ပူးပေါင်းရင်းမြစ်များ

Iyohaichish 17:14

Aa Ehoba, E teke ani ainu utara, Moshirʼun utara, koro kunip tam moshirʼotta akore utara wano en ohaitare wa en kore; E sange kashnukarape ani nei honihi Aokai shikte ruwe ne: Aeramushinne pakno nei utara anak ne po koro, Aige, koro aeoteknup aiai eikeshkore ruwe ne.

Mattaios 11:19

Ainu Poho anak ne ibe hemhem ki iku hemhem ki koro ek, awa, ingara, ibe rui tonoto iku rui ainu, chikokatpak utara newa yaku etaye koro katairotke guru ne — ari utara ye ruwe ne. Wayashnu ambe anak ne yaikota ki ambe gusu oupeka no aattere ruwe ne.

Mattaios 13:22

Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

Mattaios 13:38

pirika piyehe anak ne moshirʼun gunʼne; zizania mun anak ne nitnep koro poho ne; nei

Markos 4:19

orowa, moshiri gusu an nishomap hene, ikorobe kokandama ambe hene, orowa, moshima okai ambe ibeshikashure-hi ahup wa itak eteye hine ibe-o shomoki ruwe ne na.

Roukos 16:8

Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

Roukos 22:31

Simon, Simon, ingara, komungi mui akara korachi Satan anak ne e akore wa e mui kara kuni ne koramkon nisa ruwe ne;

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Yoannes 13:2

Orowa, marapto e rapoketa nitne kamui anak ne Simon poho Kariot kotan un Youdas koro keutum ta Shinuma ekoshi kuni yainu-hi tane omare okere,

Yoannes 13:27

Nei aep okaketa Satan anak ne nei guru otta ahun. Tambe gusu, shinuma otta Yesu ene itak-hi :— E ki okaibe tunashi no kara yan, ari itak.

Yoannes 14:30

Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne;

Yoannes 15:19

Moshiri orowa no an okaibe echi ne yakun, moshiri anak ne yaikota korobe omap kusu ne: koroka, moshiri orowa no an okaibe shomo echi ne wa moshiri wano Kuani echi numge ash gusu, tambe gusu, moshiri anak ne echi etunne ruwe ne. Echi otta Ku ye itak eshkarun yan :—

Yoannes 16:11

koipishi ambe gusu an ap anak, tan moshiri un esapanep akoipishi nisa ruwe ne gusu ne gusu ne na.

Yoannes 7:7

echi koro pakihi anak ramma an ruwe ne Moshiri anak ne echi etunne eaikap; koroka, nei ambe koro ikip anak ne wen ruwe ne ani an ambe paweteshu Ku ki gusu En etunne ruwe ne.

Yoannes 8:23

Orota Shinuma ene itak-hi :— Echi utara anak ne ra wano okai utara echi ne; Kuani anak rik wano an guru Ku ne ruwe ne: echi utara anak ne tan moshirʼun utara echi ne; Kuani anak tan moshirʼun guru shomo Ku ne ruwe ne.

Yoannes 8:44

ruwe ne gusu ne na. Echi utara anak ne nitne kamui ne echi koro michi orowa no okai, orowa, echi koro michi ki rusui buri echi ki kuni echi ramu. Shinuma anak ne atpake wano keukbe ne, orowa, sonep otta ash shomoki, koro onnaigeta sonep isam ruwe ne gusu ne na. Shunge itak ki chiki yaikota kerobe ye: Shinuma anak shunge guru ne, shunge koro michi ne ruwe ne gusu ne na.

Apostoro ikip oma kambi 19:35

Orowa, nei machiya un shoki-kwan anak ne inne utara more okere chiti, ene itak-hi :— Epesos kotan un echi utara, — Tan Epesos machiya anak ne kando wa ran nei pase Artimis kora kenru shikkashima machiya ne sekorʼambe erampeutek guru inan guru ne ruwe he an?

Apostoro ikip oma kambi 5:3

Koroka, Petros ene itak-hi :— Ananias, Ashkanne Ramat otta koshunge wa nei toi oro emkoho anire kuni ne nep gusu Satan anak ne e koro sambe shiktere nisa ruwe he an? nei ambe an ita anak ne eani yaikota korope shomo ne ya?

Roma 12:2

Orowa, tane okai pakihi nei no iteki echi yaikara yan, koroka, nei pirika, aenupetne an, aeramushinne an Kamui keutum uwande wa eraman kuni ne, echi koro keutum ashinno akar-i ani oya kat ne yai akara wa okai yan.

I Korintos 5:10

oara tan moshirʼun hoiyo utara tura hene yaikoshipuinere newa niwen no ikichi utara tura hene, potoki ko-ongami utara tura hene iteki ko-okai yan; yakun, moshiri wano echi paye kunip ne ruwe ne na: koroka, tane, iriwak ari aporose guru anak ne hoiyo hene ki,

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

Garatea 1:4

chikoro katpak gusu yaikota yaiyange chikoro Utarapa ne Yesu Kiristo newa Michi ne Kamui orowa no irenga newa itomo echi utara gusu anro:

Epesos 1:21

nrondum korobe hene, kiroro hene, enishpare ambe hene, samata, tan moshirʼotta okai patek shomo ne, koroka, iyoshi no ek moshiri ta ne yakka obitta no okai aporose reihei kasu no pasere kuni gusu, kando oshiketa shimontek samata Shinunra roktere nisa ruwe ne:

Epesos 2:11

Tambe gusu, tambe uonnere yan, etokota kam gusu Oya utara echi ne wa, teke ani kam otta akara Okarituye buri akire utara orowa no, Shomo-okarituye buri akire utara ani echi aporose nisa ruwe ne;

Epesos 2:13

Koroka, tane poka teeda ukattuima no okai echi utara anak ne Kiristo Yesu oshiketa, Kiristo koro kem gusu, ehange no arakire an ruwe ne.

Epesos 2:3

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

Epesos 4:17

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

Epesos 5:6

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

Epesos 6:12

Inambe gusu ne yakun, chi ki ukotereke ambe anak ne kem newa kara tura ikip shomo ne, koroka, esapanep tura hene, mondum korobe tura hene, tapan kunne-i moshiri esapanep tura hene, kando un ushiketa okai wen ramat tura hene ukotereke ambe ne ruwe ne.

Korosai 1:21

Orowa, echi utara anak ne etoko wa echi wen ikichi arabe gusu echi koro keutum oshke uwoyake an hine epokba utara echi ne a yakka,

Yakob 1:27

Chikoro Kamui newa Michihi tek-samata an turu-sak newa shomo echi yaishieiwangere-hi anak ne, tambe ne ruwe ne, — Aeramchuptek wa okai eshikop sak utara newa shiyompiyara shiwentep utara hotanukara, samata, iteki moshiri ani yaiturukotachi kuni ne yaishikkashima ambe ne ruwe ne.

Yakob 1:7

Nei no an guru anak ne Utarapa orowa no nep ka akore kusu ne na sekoro iteki yainu yan;

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

I Petros 1:14

itaknu poho utara korachi ki wa eramushkare ita ki korachi iteki ibeporore ambe otta yaikoropare yan;

I Petros 4:3

Inambe gusu ne yakun, oya moshiri un utara ki rusuibe gusu shiokere pakihi anak ne pakno ne nangoro, samata, ramupekere ambe otta hene, ibeporore ambe otta hene, iku-rui ambe otta hene, iku-sakayo otta hene, iku ambe hene, katpak an potoki ko ongami ambe otta hene, apkash gusu shiokere pakihi anak ne pakno ne nangoro:

II Petros 2:14

koro shikihi anak ne omoinu ani aeshik; katpak okakeanka eaikap; utumashi keutum shiren; koro sarabe yaikoshipuinere shiri ki; aiyoitakushi poho; oupeka ruhu emaka,

I Yoannes 3:10

Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

I Yoannes 3:8

oupekap ne ruwe ne; katpak ki guru anak ne nitnep orowa no an ambe ne; atpake wano nitnep anak katpak ki ruwe ne gusu ne na. Tambe gusu, Kamui poho anukan ruwe ne, nitnep ki ikip isamka kuni gusu ne na.

I Yoannes 4:4

Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

I Yoannes 5:19

Chi utara anak ne Kamui orowa no okai utara chi ne sekoro chi eraman, orowa,

I Yoannes 5:4

Inambe gusu ne yakun, nep ne yakka Kamui orowa no ahekature ambe anak ne moshiri annokan ruwe ne: orowa, moshiri annokan nisa kiroro anak ne,

Ekambakbe 12:9

Orowa, nei poro kinashutunguru, nei fushko okokko, nei Satan hene nitne kamui hene ari an reihei ani aporose ingi-moshiri uirup kokandama ambe anak ne aetopara; moshiri shirikata pakno aetopara, koro uitek utara ukotura aetopan nisa ruwe ne na.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 16:17

Orowa, nei arawan ikinne an ap anak ne rera-mau kata koro patchi echikiki; aige, Kamui kora kenru ta an amset wano poro hawe ek hine ene itak-hi :—

Ekambakbe 20:2

Awa, shinuma anak ne Nitnep newa Satan ani aporose nei a kinashutunguru, nei a fushko okokko, kishima wa ashikne shine wan hotne pa uturu pakno gusu tupetupe hine nei a asam-sak-i orun eyapkire,