Epesos 2:19 - Ashiri Aeuitaknup Iyohaichish Yona 1897

¹⁹ Tambe gusu, echi utara anak ne tane Oya utara hene, payekai utara hene shomo echi ne, koroka, Ashkanne utara tura, Kamui uni un utara tura shine moshiri uirup utara echi ne ruwe ne;

Epesos 2:19 ပူးပေါင်းရင်းမြစ်များ

Mattaios 10:25

Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?

Garatea 6:10

Tambe gusu, ki kuni gusu an i an rapoketa obitta no okai utara gusu pirikap ki yanro; eishokor-i atte iri utara gusu makangane nei no ki yanro.

Epesos 2:12

awa, nei rapoketa, echi utara Kiristo sak no okai, Israeru un utara koro ikiri gusu uwoyakta aande wa okai, eitakamkire gusu an uitaknup shomo koro, chipachipa kunip isam no Kamui sak no moshiri kata okai utara echi ne nisa ruwe ne.

Epesos 3:15

moshiri kata ne yakka pishno pishno okai uirup areikore Michi otta ku kokkaea ruwe ne;

Epesos 3:6

Oya utara anak ne pirika shongo gusu uko eikeshkoro utara ne, ukotura shine netobake un awehe ne, Kiristo Yesu koro eitakamkire ambe uko-uina utara ne ruwe ne;

Piripoi 3:20

Chikoro moshiri anak ne kando otta an; nei i wano Utarapa ne Yesu Kiristo ari aye kashiobiukip ek kuni poka chi ehuye wa okai ruwe ne:

Hebraios 11:13

Tapan obitta no okai utara anak ne aeitakamkire ambe shomo uina no eishokor-i atte wa raipa nisa, koroka ehangeko no nei ambe ingara wa ekap, aine, nei utara moshiri koapkash wa oya utara ne payekai utara ne kunak ye nisa ruwe ne.

Hebraios 13:14

Inambe gusu ne yakun, teda anak ramma an kuni machiya shomo chi koro, koroka, ek kusu ne ambe chi hunara ash shiriki okai ruwe ne.

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

I Yoannes 3:1

Chi utara anak ne Kamui Poho ne aporose kuni ne Michi un koropare omap ambe nekon a okaibe ne ya sekoro ingara yan: ene ani ka chi ne ruwe ne. Tambe gusu, moshiri anak ne un eamkiri shomoki, shomo Shinuma eamkiri nisa ruwe ne gusu ne na.