Epesos 1:9 - Ashiri Aeuitaknup Iyohaichish Yona 1897

⁹ Shinunra koro keutum ta an anuinap rengaine a un eramande;

Epesos 1:9 ပူးပေါင်းရင်းမြစ်များ

Iyohaichish 33:11

Ehoba ukoramkorobe anak ne ramma pakno tumashnu no ash, Shinuma koro keutum ta aesanniyo yainu-hi anak ne obitta no okai ainu ikiri pakno an kusu ne.

Mattaios 13:11

Shinuma ese wa orota ene hawe oka-hi :— Kando moshirʼotta anuinap eramʼan-hi anak ne echi otta akore wa an, koroka, nei utara otta shomo akore ruwe ne.

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Roukos 2:14

Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, seko-ran itak ani ye nisa ruwe ne.

Apostoro ikip oma kambi 13:48

Orowa, Oya uirup tap ambe inu chiki, yaikopuntek, aige, Kamui itak pasere: orowa, otusashuishiri pakno an inotu gusu aatte utara anak ne eishokon nisa ruwe ne.

Apostoro ikip oma kambi 2:23

Shinuma, Kamui etoko wano an eraman irenga newa aesanniyo esanniyop an gusu aekoshi okere chiki, echi utara anak ne ikashpaotte otereke utara koro teke ani, utasa chikuni otta kungi kokikkik

Apostoro ikip oma kambi 4:28

Oya uirup utara newa Israeru un utara tura, etoko wano E teke newa E ki esanniyop hetukure kusu ne esanniyo okaibe obitta ki kuni gusu uwekarapa nisa ruwe ne.

Roma 11:25

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

Roma 8:28

Orowa, Kamui ko-omap utara gusu obitta no okaibe anak ne utura no iki wa pirikap ne ruwe ne sekoro chi eraman; aesanniyo nei no anishuk utara gusu poka ene ani ne ruwe ne.

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

Garatea 1:12

Ainu orowa no shomo nei ambe ku uk, shui, shomo nei ambe ani a en epakashnu, koroka, Yesu Kiristo en eramande gusu an ambe ne ruwe ne.

Garatea 1:15

Koroka, Kamui rengaine ku goro habo honihi wano en usa ande wa, oya utara tumugeta eupaskuma kuni ne en oshiketa koro poho nukare hine koro irenga ani en tak ita anak ne,

Garatea 1:16

nani kuani kam newa kem tura ukoramkoro shomoki;

Epesos 1:11

nep ne yakka yaikota rengaine ukoramkoro wa iki, aige, keutum an korachi etoko wano un esanniyo wa koro eikeshkorobe ne kuni un kara nisa ruwe ne;

Epesos 1:8

tusare ambe koro, tambe anak ne Kamui koro irenga oteknu ambe an korachi obitta no okai wayashnu ambe newa eramu ambe gusu un koropare nisa ruwe ne;

Epesos 3:11

tane kando un kiroro newa mondum koro utara otta karisia ani Kamui inne no okai wayashnu ambe anure kuni gusu ne na;

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

II Timoteos 1:9

Shinuma anak ne un kashiobiuki nisa, ashkanne nushuk ambe ani un tak, iki ikip nei no an korachi shomo ne, koroka, otusashuishiri an pakihi etokota Kiristo Yesu oshiketa okai wa un kore Shinuma yaikota koro keutura newa irenga an korachi nep;