Epesos 1:18 - Ashiri Aeuitaknup Iyohaichish Yona 1897

¹⁸ shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 1:18 ပူးပေါင်းရင်းမြစ်များ

Iyohaichish 119:18

E koro tuitak ta okai iyokunnure ambe ku nukara kuni ne, Ku goro shiki maka wa en kore.

Mattaios 13:15

Keutum ani shomo eramʼan kuni, Aige, Ku iwangere gusu shomo hosari kuni ne Tan utara koro sambe nishte ne, Koro kisara ashpa ne, Shikihi shikkamuktek ne; sekoro uweingara guru Isaya koro uweingarape tan utara gusu auweomare ruwe ne na.

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Roukos 24:45

Orowa no, nei utara Kamui kambi eraman kuni ne Shinuma nei utara koro keutura maka nisa ruwe ne; orowa otta ene itak-hi :—

Apostoro ikip oma kambi 16:14

Orowa, murasaki senkaki ehok Tuateira moshiri ta an machiya un Rudia ari an reihei koro shiwentep an, shinuma anak ne Kamui koongami guru ne, aine, un orun nu nisa ruwe ne na: nei slriwentep Pauros ye itak gusu ikokanu kuni ne Utarapa anak nei sambe maka nisa ruwe ne.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Roma 11:29

Kamui eikrap newa konishuk ambe anak ne aeyaikokatpakbe shomo ne ruwe ne gusu ne na.

Roma 2:4

Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

II Korintos 4:4

tan moshiri gusu an Kamui anak ne eumbipka utara koro keutum shiknakte nisa ruwe ne; Kamui nokaha ne Kiristo koro nupeki otta an pirika shongo oma pekere anak naa shomo nei utara orun hetuku kuni gusu ne na.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

Garatea 5:5

chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na.

Epesos 1:11

nep ne yakka yaikota rengaine ukoramkoro wa iki, aige, keutum an korachi etoko wano un esanniyo wa koro eikeshkorobe ne kuni un kara nisa ruwe ne;

Epesos 1:7

Shinunra koro kemihi gusu chi utara anak ne kikiaraye wa katpak

Epesos 2:12

awa, nei rapoketa, echi utara Kiristo sak no okai, Israeru un utara koro ikiri gusu uwoyakta aande wa okai, eitakamkire gusu an uitaknup shomo koro, chipachipa kunip isam no Kamui sak no moshiri kata okai utara echi ne nisa ruwe ne.

Epesos 3:16

Shinuma anak ne koro nupeki an ikoro esanniyo wa echi onnaigeta an ainu Shinuma kon ramat gusu kiroro

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 4:4

Echi utara poka atak wa okai wa nei atak ambe gusu shine chipachipap an korachi, shine netobake, shine Ramat an;

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

Piripoi 3:14

aige, Kiristo Yesu oshiketa Kamui rik oro atak kuni aoshkorobe ari an oshikpekarep orun ku keshke ruwe ne.

Korosai 1:12

orowa, pekere otta okai ashkanne utara tura aeikeshkoro kuni an ambe chi uina kuni ne un kopakeatte Michi otta koyaiiraige ki;

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

Korosai 1:27

Oya utara tumugeta tapan mukkep gusu an arakuru koro oteknu-hi eramande kuni ap Kamui keutum ne, nei ambe anak arakuru echipachipare ambe ne, echi oshiketa an Kiristo ne ruwe ne na:

Korosai 1:5

Kiristo Yesu otta echi ki eishokor-i hene, obitta no okai ashkanne utara gusu echi ki omap ambe hene chi nu nisa ruwe ne gusu ne na:

Korosai 2:2

tambe anak nei utara koro sarabe aomaoma kuni gusu an ap ne, aige, shinuma utara omap ambe ani aurukire hine eraman no an shomo utumashire an arabe gusu hetuku aeoteknup otta an kuni gusu ne; tambe anak nei utara.

Korosai 3:15

Shui, Kiristo koro itomo echi keutum ta esapanere yan, tambe gusu ka shine netobake otta echi ahotuyekara wa okai ruwe ne na;

I Tessaronike 2:12

yaikota koro moshiri newa araguru orun echi nishuk Kamui kopakeot no echi apkash kuni ne hemhem ki wa paweteshu chi kon nisa sekorʼambe echi eraman korachi ne ruwe ne na.

I Tessaronike 5:8

Koroka, chi utara anak ne tokap to un utara chi ne ruwe ne gusu, eishokor-i newa omap an rerara-kotukbe unu hine yairamatte wa okai anro; samata, kane-pon-kasa gusu kashichiobiuki ne chipa-chipa arabe koro anro.

II Tessaronike 1:11

Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

I Timoteos 6:12

ramushiroma ambe keseamba yan. Eishokor-i gusu an pirika tumi iki yan, otusashuishiri pakno an inotu shikkashima yan, nei ambe gusu e nishuk an okere, samata, inne utara shik-samata pirika paweteshu ambe e ki nisa ruwe ne.

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Titus 3:7

tambe anak ne chi utara Shinuma koro irenga gusu aoupekare wa otusashuishiri pakno an inotu echipachipa ambe an korachi eikeshkoro utara ne akara kuni gusu an ambe ne ruwe ne.

Hebraios 10:32

Koroka, echi utara apekereka okaketa aeyairamshitnere gusu an poro ukoiki ambe eyaishiporore teeda an toho eshkarun yan;

Hebraios 6:4

Inambe gusu ne yakun, arashuine apekereka wa kando orowa no an eikrap sapke hemhem ki,

I Petros 1:3

Okese an ita eishokor-i ani kashiaobiuki wa okai kunak anukara kuni ne aetoko-oiki wa okai Kamui kiroro ani aepungine echi utara,

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.