Epesos 1:13 - Ashiri Aeuitaknup Iyohaichish Yona 1897

¹³ echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

Epesos 1:13 ပူးပေါင်းရင်းမြစ်များ

Iyohaichish 119:43

Samata, E korʼitak ku paro wano iteki ara etaye wa en kore; E koro aisanniyo-hi ku echipachipa ruwe ne gusu ne na.

Roukos 11:13

Tambe gusu echi utara, wen utara echi ne wa pirika ambe echi po utara otta koropare katu eramʼan yakun, kasu no, otta koramkoro utara orota kando un Michi anak koro Ashkanne Ramat koropare shomoki ya?

Roukos 24:49

Orowa, ingarʼan, Ku Michi eitakamkire ambe echi kashiketa Ku sange: koroka, ri i orowa no kiroro ani echi mire an pakno machiya otta untere yan, sekoro itak.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 14:26

Koroka, Ku reihei rengap gusu Ku Michi omande Kotchane kuni Ashkanne Ramat anak ne, Shinuma anak obitta no okaibe echi epakashnu kusu ne, orowa, echi otta obitta no okai Ku ye ambe echi eshikarunde kusu ne na.

Yoannes 15:26

Koroka, Michi orowa no echi utara otta Ku omande kusu ne Kotchane ki kunip, Michi orowa no hetuku Sone an Ramat ek chiki, Shinuma anak ne En gusu paweteshu ki kusu ne;

Yoannes 3:33

Nei paweteshu ambe nu guru anak ne Kamui anak sonep ne ani an ambe otta koro han omare nisa ruwe ne.

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

Apostoro ikip oma kambi 1:4

aige, nei utara tura no uwekarapa wa an ita Yerusarem kotan orowa no shomo paye kuni ne, koroka, En orowa no echi nu a Michihi kara aeitakamkire ambe ehuye wa okai yan ani ikashpaotte ki nisa ruwe ne:

Apostoro ikip oma kambi 13:26

Iriwak utara, Abraham sanike utara, samata, echi tumugeta Kamui koishitoma utara, tan kashiobiuki gusu an itak anak ne un otta asange wa an ruwe ne.

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Roma 1:16

Kuani anak ne pirika shongo gusu shomo yainikoroshma ruwe ne: inambe gusu ne yakun, nei ambe anak ne hoshiki no Yudea un guru gusu ne yakka, Herenes un guru gusu ne yakka, orowa, pishno pishno okai eishokoro guru gusu ne yakka kashiobiuki kuni gusu an Kamui kiroro ne ruwe ne gusu ne na.

Roma 4:11

orowa, shinuma anak ne okarituye-buri an shirosh koro, nei ambe anak ne shinuma naa shomo okarituye-buri akire etokota okai koro eishokor-i gusu an oupeka ne kuni han aomarep ne ruwe ne: tambe anak shinuma obitta no okai eishokoro utara koro michi ne kuni gusu an ambe ne; shui, nei utara okarituye-buri akire shomoki yakka, otta oupeka ambe aesanniyo kuni gusu an ambe ne ruwe ne;

Roma 6:17

Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

II Korintos 1:22

Shinuma anak ne un otta han omare, aine, chikoro sambe oshiketa Ramat emkoso kore nisa ruwe ne.

II Korintos 6:7

shunge sak no an omap ambe otta hene, son no an itak otta hene, Kamui kiroro otta hene; shimontek samata ne yakka hariki-tek samata ne yakka oupeka ne hayokbe ani,

Garatea 3:14

ne gusu ne na: tambe anak ne Kiristo Yesu oshiketa Abraham gusu an nukannukarabe Oya utara kata okai kuni gusu an ambe ne; tambe anak eishokor-i an gusu aeitakamkire an Ramat a un kore kuni gusu an ambe ne ruwe tapan na.

Epesos 4:21

echi utara Yesu oshike un son no ambe an korachi Shinuma otta ko-nu wa Shinuma otta aepakashnure an nisa ruwe ne:

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

I Tessaronike 2:13

Orowa, echi utara anak ne nei a chi ye itak ambe, nei a Kamui korobe echi akore ita, ainu itak ambe nei no shomo auk, koroka, son no an arabe nei no, eisho-koro shiri echi utara onnaigeta iki poka ki Kamui itak nei no echi uk nisa ruwe ne, tan ikkewehe an gusu ne yakka okere shomoki no Kamui koyaiiraige ash ruwe ne.

II Timoteos 2:15

Oupeka no sone an itak koro, yainikoroshma kuni ika sak no an monraige guru nepkoro, Kamui iramye nei no an guru korachi yaikoropare kuni ne shiarikiki no iki yan.

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.

II Timoteos 3:15

orowa, Kiristo Yesu oshiketa an eishokor-i ankushkerai kashichiobiuki gusu e wayashnure eashkai Ashkanne kambi ponram orowa no e eraman ruwe ne na.

Titus 2:11

Inambe gusu ne yakun, Kamui irenga hetuku an wa obitta no okai utara eun kashichiobiuki ambe kore ruwe ne,

Hebraios 2:3

ene poro kashiobiuki-hi ikorampoktuye chiki, nekon a ahonnere ash kusu ne ya? Nei ambe anak ne atpaketa Utarapa orowa no aye, awa, nei ambe nu utara ani un orun sonnere nisa ruwe ne;

Yakob 1:18

Shinuma yaikota irenga gusu chi utara anak ne Shinuma kara okaibe otta aro-ibehe ne kuni ne, son no an itak ani un hetukure nisa ruwe ne na.

Yakob 1:21

Tambe gusu, obitta no okai turu-ushbe newa wenbe eikaunu kashpap ande wa echi kon ramat kashichiobiuki eashkai onnaige un hekatu wa an itak ramu-rotcha wa uina yau.

I Petros 2:10

etokota anak ne uirup utara shomo echi ne, koroka, tane anak Kamui utara echi ne ruwe ne: etokota anak erampokiwen wa akore shomoki, koroka, tane aerampokiwen wa okai na.

Ekambakbe 7:2

Orowa, ishu Kamui koro han shirosh koro wa ochuka un hetuku naa shine hauturumbe ku nukara: