Ekambakbe 9:4 - Ashiri Aeuitaknup Iyohaichish Yona 1897

⁴ Awa, toi kata an mun hene, nep shiunin kina hene, nep chikuni hene, iteki kowende kuni ne akashpaotte, koroka, ouse koro keputuru ta Kamui han shirosh shomo aomare ainu utara patek iwende kuni ne akashpaotte nisa ruwe ne.

Ekambakbe 9:4 ပူးပေါင်းရင်းမြစ်များ

Iyohaichish 76:10

Ainu kinrakarabe anak ne E koiramye kunip ne, Kinrakarabe ikashimap ani Aokai anak ne yaikut kon ruwe ne.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

Ekambakbe 14:1

Orowa, ku nukara, awa, ingarʼan, Zion nupuri kata nei Pon-hitsuji ash shiriki, orowa, koro keputuru ta Shinuma kon reihei hemhem, koro Michi kon reihei hemhem anuye wa an ju-shi-man nin ne ainu ikashi-ma shi-sen nin ne ainu Shinuma tura roshki wa okai shiri.

Ekambakbe 6:6

Orowa, nei ine shiknu okaibe tumuge wa ene ye korachi an hau ku nu :— shine denaria gusu mungi shine chomba an, orowa, shine denaria gusu omungi re chomba an na; aige, shum newa hat-tonoto iteki wende yan, sekoro itak.

Ekambakbe 7:1

Tap okaketa ku nukara chiki moshiri kata ne yakka, atui kata ne yakka, nep chikuni kata ne yakka iteki rera ash kuni ne, moshiri koro ine shikkiu ta roshki wa moshiri koro ine rera shikkashima hauturumbe inep ku nukara.

Ekambakbe 8:7

Orowa, hoshiki no an ap rekte, aige, kem ukopoye kaukau newa abe an, awa, nei ambe moshiri kata aosurupa: orowa moshiri re sereke uhuye wa isam, chikuni re sereke uhuye wa isam, samata, obitta no okai shiunin mun uhuye wa isam ruwe ne na.