Ekambakbe 8:7 - Ashiri Aeuitaknup Iyohaichish Yona 1897

⁷ Orowa, hoshiki no an ap rekte, aige, kem ukopoye kaukau newa abe an, awa, nei ambe moshiri kata aosurupa: orowa moshiri re sereke uhuye wa isam, chikuni re sereke uhuye wa isam, samata, obitta no okai shiunin mun uhuye wa isam ruwe ne na.

Ekambakbe 8:7 ပူးပေါင်းရင်းမြစ်များ

Iyohaichish 105:32

Apto shirine kaukau ashte, Paraparase abe nei moshiri ta sange.

Yakob 1:11

Shirishumpa rera utura chup hetuku chiki, nei mun shumumgere ruwe ne; orowa, epuige rapapse hine nei hetuku aekiroro an-i aisamka ruwe ne: tap korachi ka ikoro koro guru anak ne koro apkash ru otta isam kusu ne na.

I Petros 1:24

Inambe gusu ne yakun, Obitta no okai kam anak ne mun korachi ne. Nei tombe-i anak ne mun ponno ukorachi ne ruwe ne. Mun auak ne shumumge, nei nonno rapapse:

Ekambakbe 12:4

Orowa, shinuma koro saraha anak ne kando o nochiu re sereke nimba wa moshiri kata osurupa nisa ruwe ne; aige, nei kinashutumbe anak tane po shikore kushki shiwentep kotchaketa ash; awa, hekatu yakun koro aiai ibe wa isamka kuni gusu ne na.

Ekambakbe 16:2

Orowa, nei atpake an ap arapa hine moshiri kata koro patchi echikiki; aige, nei chikoikip koro shirosh aomare wa shinuma koro nokaha koongami utara kata wen newa iuninka hup hetukure nisa ruwe ne.

Ekambakbe 16:21

Orowa, shine taranton pakno pase kaukau numi kando orowa no ainu utara kata rap: awa, nei kaukau ipak an gusu ainu utara Kamui koatcha nisa ruwe ne; nei ipak ambe shi no porobe ne ruwe ne gusu ne na.

Ekambakbe 6:8

Awa, ingarʼan, ku nukara chiki shine aokashige umma an: aige, nei umma kata o guru an, reihei anak rai ari an reihei ne ruwe ne; awa, Hades anak ne shinuma kashirari nisa ruwe ne. Orowa, shinuma anak ne rangetam ani hemhem, keman ani hemhem, uwetoita tashum ani hemhem, toi kata an niwen chikoikip ani hemhem ronnu kuni gusu, moshiri ebitta inep un shinep okkeu kashi mondum akore nisa ruwe ne na.

Ekambakbe 7:1

Tap okaketa ku nukara chiki moshiri kata ne yakka, atui kata ne yakka, nep chikuni kata ne yakka iteki rera ash kuni ne, moshiri koro ine shikkiu ta roshki wa moshiri koro ine rera shikkashima hauturumbe inep ku nukara.

Ekambakbe 9:15

Orowa, ainu utara re sereke ronnu kuni ne, shine ichi ji kan, shine to, shine chup, shine pa, aetokooiki wa okai nei ine hauturumbe apita nisa ruwe ne.

Ekambakbe 9:18

Tap okai re shirikikbe ani, nei okaibe koro paro orowa no oashippa abe newa shupuya newa iwau ani, ainu utara re sereke aronnu nisa ruwe ne.

Ekambakbe 9:4

Awa, toi kata an mun hene, nep shiunin kina hene, nep chikuni hene, iteki kowende kuni ne akashpaotte, koroka, ouse koro keputuru ta Kamui han shirosh shomo aomare ainu utara patek iwende kuni ne akashpaotte nisa ruwe ne.