Ekambakbe 7:9 - Ashiri Aeuitaknup Iyohaichish Yona 1897

⁹ Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;

Ekambakbe 7:9 ပူးပေါင်းရင်းမြစ်များ

Iyohaichish 2:8

En koramkoro yan, yak anak ne moshiri uirup eikeshkore ash kusu ne, Moshiri-pa pakno moshiri-gesh pakno e kore ash na.

Iyohaichish 22:27

Obitta no okai moshiri kese anak ne Ehoba eshikarun wa otta hosari kusu ne: Moshirʼun uirup utara obitta E kotchaketa ongami kusu ne na.

Iyohaichish 76:4

Ae kuni chikoikip nupuri wano Aokai anak ne chitomte newa pirika ruwe ne.

Iyohaichish 77:2

Yairamhekomo toho ta Utarapa ku hunara nisa: Anchikara ta ku teke aturi wa shomo yoni; Ku ramat anak ne aomaoma eaikap nisa ruwe ne.

Iyohaichish 98:3

Israeru chisei un utara eshkarun gusu son-i newa erampoken ki ruwe ne: Moshiripa pakno moshirigesh pakno obitta chikoro Kamui kashiobiuki-i nukan nisa ruwe ne na.

Roukos 12:1

Nei ita, ukata uweotereke pakno shiri inne topaha utara uwekarapa ita anak ne Shinuma hoshiki no koro koikara utara otta ene itak heashi :— Parisee un utara koro pandane yaitubare yan, nei ambe anak kankapkapeka ambe ne ruwe ne.

Roukos 21:36

Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Yoannes 12:13

shuro chikuni ni-tek koro wa ekanok gusu paye, orowa, itak sange hawe ene okai-hi :— Hosanna: Utarapa reihei ankushkerai ek Israeru un utara Shikkashima guru airamye an na, ari itak.

Roma 11:25

Iriwak utara, ika yaikota gusu echi yaikowayashnure kuni gusu tan anuinap aerampeutek kuni ku kopan, Oya un aahupte utara aeramushinnere pakno Israeru un sereke utara ana kne aenishtere ruwe ne;

Epesos 6:13

Tambe gusu, wen toho ta echi eshishi hemhem ki, orowa, obitta no okaibe kara wa echi roshki hemhem ki eashkai kuni ne, Kamui koro obitta no okai hayokbe koro yan.

Hebraios 11:12

tambe gusu poka rai okere guru korachi an shine ainu orowa no kando un nochiu nei no inne, atuisam ota korachi shiri poron no hetuku nisa ruwe ne.

Hebraios 12:22

nei anukarape ashitoma ruwe ne: koroka, echi utara anak ne Sion nupuri otta, ishu Kamui koro machiya otta, kando un Yerusarem otta araki wa okai, orowa, inne topaha otta, Kamui hauturumbe uwekari otta,

Ekambakbe 11:15

Orowa, nei arawan ikinne an hauturumbe rappa rekte; aige, kando onnaigeta poro hawe hetuku wa ene itak-hi :— Moshiri esapane kuni ambe anak ne chikoro Utarapa newa Shinuma koro Kiristo korobe ne akara: awa, Shinuma ramma-ramma pakno esapane kusu ne na.

Ekambakbe 22:3

Orowa, tewa no aiyoitakushi ambe isam kusu ne: samata, nei onnaigeta Kamui newa Pon-hitsuji koro amset an kusu ne: orowa, Shinuma koro usshiune utara anak ne Shinuma otta yaishieiwangere kusu ne na;

Ekambakbe 3:18

oteknu guru e ne kuni ne abe ani aturu-sakte kongani en orowa no hok kuni; samata, eani yaimire wa e atusa yainikoroshma ambe shomo anukara kuni ne retara amip hok kuni; samata, ingara kuni ne e koro shiki eushi gusu an shik kusuri hok kuni ne e onishnishi ash ruwe ne.

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 5:11

ku ingara, aige, nei amset newa nei shiknu okaibe newa nei ekashi utara newa okari ta inne no okai hauturumbe koro hawe ku inu; awa, nei utara pishki-hi anak sen sen man man utara ne ruwe ne;

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,

Ekambakbe 6:11

Orowa, pishno an nei utara otta retara mipihi akore nisa ruwe ne; aige, naa pon no pakihi uturu, nei utara yaikota anak aronnu okere korachi, tura no ikichi utara newa koro iriwak utara ne yakka aronnu pakihi auweomare pakno, shini kuni ne akashpaotte nisa ruwe ne.

Ekambakbe 7:8

Zaburon ikiri otta tu sen nin ne ainu ikashima shine ichi man nin ne ainu shirosh aomare: Yosep ikiri otta tu sen nin ne ainu ikashima shine ichi man nin ne ainu shirosh aomare: Benyamin ikiri otta tu sen nin ne ainu ikashima shine ichi man nin ne ainu shirosh aomare nisa ruwe ne na.