Ekambakbe 7:3 - Ashiri Aeuitaknup Iyohaichish Yona 1897

³ awa, shinuma poro hawe ani, otta toitoi newa atui newa wende kuni kiroro akoropare ine hauturumbe orun hawe ashte wa ene itak-hi :— Chi utara anak ne chikoro Kamui koro ausshiune utara keputuru ta shirosh omare shomoki pakno, toitoi hene, atui hene, chikuni hene iteki wende yan, ari itak.

Ekambakbe 7:3 ပူးပေါင်းရင်းမြစ်များ

Mattaios 24:22

Orowa, nei toho ataknere shomoki chiki anak ne, nen ne yakka shomo kashi a-obiuki ruwe ne a an na: koroka, anumge wa okai utara gusu nei toho ataknere kusu ne.

Mattaios 24:31

Ainu Poho nukara kusu ne Orowa, rappa poro humi ashte hawe tura Shinuma anak ne koro uitekbe payere wa ine rera orowa no kando-pa wano kando-gesh wano koro numge utara uwekarapare kusu ne.

Yoannes 12:26

Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

Yoannes 3:33

Nei paweteshu ambe nu guru anak ne Kamui anak sonep ne ani an ambe otta koro han omare nisa ruwe ne.

Roma 6:22

Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

Ekambakbe 13:16

Orowa, obitta no okai utara, pon guru ne yakka, poro guru ne yakka, oteknu guru ne yakka, otek-sak guru ne yakka, rengaine an mondum koro guru ne yakka, ausshiunere guru ne yakka, koro shimon tek kata hene koro keputuru kata hene shirosh aomare kuni ne shinuma iki ruwe ne;

Ekambakbe 13:17

orowa, nei shirosh, nei chikoikip kon reihei hene kon reihei koro pishki shirosh hene koro guru moshima, inan guru ne yakka hok hemhem ki eiyok hemhem ki eaikap kuni ne kan ruwe ne.

Ekambakbe 14:1

Orowa, ku nukara, awa, ingarʼan, Zion nupuri kata nei Pon-hitsuji ash shiriki, orowa, koro keputuru ta Shinuma kon reihei hemhem, koro Michi kon reihei hemhem anuye wa an ju-shi-man nin ne ainu ikashi-ma shi-sen nin ne ainu Shinuma tura roshki wa okai shiri.

Ekambakbe 14:9

Orowa, naa shine hauturumbe, nei re ikinne an ap anak ne, nei utara okake ek wa poro hawe ani ene itak-hi :— Inan guru ne yakka nei a chikoikip newa koro nokaha newa koongami hene ki, koro keputuru ta hene koro tekehe ta hene chikoikip koro shiroshi aomare yakun,

Ekambakbe 19:2

Shinuma esanniyop anak ne sonep newa oupeka ambe ne ruwe ne gusu ne na; inambe gusu ne yakun, koro hoiyop ani moshiri muninka nei poro hoiyo guru Kamui anak ne koipishi wa panakte nisa, samata, Shinuma usshiunere utara koro kemihi gusu nei shiwentep epeka ikemnu nisa ruwe ne gusu ne na.

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.

Ekambakbe 22:4

aige, nei utara anak ne Shinuma koro nanuhu nukara kusu ne; shui, Shinuma kon reihei nei utara koro keputuru ta an kusu ne na.

Ekambakbe 6:6

Orowa, nei ine shiknu okaibe tumuge wa ene ye korachi an hau ku nu :— shine denaria gusu mungi shine chomba an, orowa, shine denaria gusu omungi re chomba an na; aige, shum newa hat-tonoto iteki wende yan, sekoro itak.

Ekambakbe 7:1

Tap okaketa ku nukara chiki moshiri kata ne yakka, atui kata ne yakka, nep chikuni kata ne yakka iteki rera ash kuni ne, moshiri koro ine shikkiu ta roshki wa moshiri koro ine rera shikkashima hauturumbe inep ku nukara.

Ekambakbe 7:2

Orowa, ishu Kamui koro han shirosh koro wa ochuka un hetuku naa shine hauturumbe ku nukara:

Ekambakbe 9:4

Awa, toi kata an mun hene, nep shiunin kina hene, nep chikuni hene, iteki kowende kuni ne akashpaotte, koroka, ouse koro keputuru ta Kamui han shirosh shomo aomare ainu utara patek iwende kuni ne akashpaotte nisa ruwe ne.