Ekambakbe 7:2 - Ashiri Aeuitaknup Iyohaichish Yona 1897

² Orowa, ishu Kamui koro han shirosh koro wa ochuka un hetuku naa shine hauturumbe ku nukara:

Ekambakbe 7:2 ပူးပေါင်းရင်းမြစ်များ

Mattaios 16:16

Simon Petros ese wa ene itak-hi :— Aokai anak ne Kiristo ne: Ishu Kamui koro poho E ne ruwe ne, ari itak.

Mattaios 26:63

Koroka, Yesu nep poka ye ka shomoki ruwe ne. Otta Kamui kora kenru esapane guru ese wa ene itak-hi :— Eani Kamui Poho ne Kiristo E ne ruwe he an? Shomo ruwe he an? ari an ambe En otta E ye kuni ne, Ishu Kamui koye wa E ikashpaotte ash ruwe ne, ari itak.

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

II Korintos 1:22

Shinuma anak ne un otta han omare, aine, chikoro sambe oshiketa Ramat emkoso kore nisa ruwe ne.

Epesos 1:13

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

I Tessaronike 1:9

Inambe gusu ne yakun, nei utara yaikota ye wa nekon a chi ki hine echi tumugeta ahup ash ya un gusu assuru ashte ruwe ne: samata, ishu newa son no an Kamui gusu yaishieiwangere hemhem ki, kando orowa no ek Shinuma koro Poho untere hemhem ki kuni ne potoki echi emakba wa Kamui orun hosari an ambe ye nisa ruwe ne;

II Timoteos 2:19

Yakka. Kamui koro nishuwamne asamaha aatte wa an, aige, tan han aomare an na; — Utarapa anak ne yaikota koro utara eraman; orowa, Utarapa reihei ye obitta no okai utara oupeka-sakbe orowa no shikiru yan.

Hebraios 12:22

nei anukarape ashitoma ruwe ne: koroka, echi utara anak ne Sion nupuri otta, ishu Kamui koro machiya otta, kando un Yerusarem otta araki wa okai, orowa, inne topaha otta, Kamui hauturumbe uwekari otta,

Ekambakbe 1:3

Tan uweingarape oro-oitak hene ki, nu hene ki, orowa, nei kashiketa chieshinnuye wa an okaibe shikkashima gurʼanak ne anunuke ne: pakihi ehange no an ruwe ne gusu ne na.

Ekambakbe 10:1

Orowa, ku nukara chiki, nishkuru utomchiure wa an kando orowa no ran shine hauturumbe an; awa, koro sapa kata raiochi an, koro nanu tokap-chup nepkoro an, chikiri anak abe ikushpe ukoheraye ruwe ne; aige, koro teke otta shine pon kambi-sosh pirasa wa an ruwe ne:

Ekambakbe 10:4

Orowa, nei arawan kamui-hum koro hawe sange okere chiki ku nuye kuni ku ramu: awa, kando orowa no an ene itak hawe ku nu :— Nei arawan kamui-hum sange orushpe eshina wa iteki nuye yan.

Ekambakbe 16:12

Orowa, nei iwan ikinne an ap anak ne nei poro pet, Euprates pet kata koro patchi echikiki; aige, chup hetuku ushike wano araki moshiri esapane utara gusu etokooiki kuni ne, nei wakka sat ruwe ne.

Ekambakbe 5:2

Orowa, tan kambi-sosh pirasa wa nei han pita kuni upak guru nen ne ruwe, ari an hawe ani hawe ashte shine kiroroashnu hauturumbe ku nukan nisa.

Ekambakbe 8:3

Orowa, otta senko uhuyeka kuni kongani op koro moshima an hauturumbe ek wa yange set samaketa ash nisa ruwe ne; orowa, obitta no okai Ashkanne utara koro inonno-itak tura amset kotchaketa an nei kongani yange-set kashiketa iyo kuni gusu poron no an senko anak nei hauturumbe akore ruwe ne.

Ekambakbe 9:14

nei a hawe anak ne nei rappa koro hauturumbe otta ene itak-hi; — Nei poro Euprates pet ta atupetupe wa okai ine hauturumbe pita yan ari itak.

Ekambakbe 9:4

Awa, toi kata an mun hene, nep shiunin kina hene, nep chikuni hene, iteki kowende kuni ne akashpaotte, koroka, ouse koro keputuru ta Kamui han shirosh shomo aomare ainu utara patek iwende kuni ne akashpaotte nisa ruwe ne.