Ekambakbe 7:17 - Ashiri Aeuitaknup Iyohaichish Yona 1897

¹⁷ inambe gusu ne yakun, nei amset oshiketa an Pon-hitsuji anak ne nei utara epungine kusu ne, aige, inotu oma wakka purupuruge-i tura wa ani kusu ne: orowa Kamui anak ne obitta no okai nupe nei utara koro shiki wano piruba wa isamka kusu ne na.

Ekambakbe 7:17 ပူးပေါင်းရင်းမြစ်များ

Iyohaichish 22:26

Ramu-rotcha utara aep e wa aeramushinne kusu ne: Ehoba hunara guru anak ne Shinuma koiramye kusu ne: E koro sambe otusashuishiri pakno ne yakka shiknure yan.

Iyohaichish 23:5

En ramushitnere utara shik-samata Aokai en gusu aep etokooiki:— Ku sapa kata shum E ota nisa; ku tuki anak ne ika ruwe ne.

Iyohaichish 28:9

E koro utara kashiobiuki, E koro eikeshkoro utara nunuke; Samata, nei utara ibere, otusashuishiri pakno ne yakka rikoshma wa en kore.

Mattaios 2:6

sekorʼan itak uweingara guru nuye kambi-sosh kashiketa anuye wa an gusu, Yudea moshirʼun Betrehem kotan ta hekatu kusu ne, sekoro nei utara ese nisa ruwe ne na.

Mattaios 5:4

Yaituwashkarap utara anak ne anunuke ne; nei utara aomaoma ruwe ne kusu ne gusu ne na.

Yoannes 10:11

Kuani pirika hitsuji reshpa guru Ku ne: nei pirika reshpa guru anak ne hitsuji gusu koro inotu ande ruwe ne.

Yoannes 10:14

Kuani anak ne pirika reshpa guru Ku ne; yaikota Ku korobe Ku eamkiri, orowa, Ku korobe anak En eamkiri ruwe ne,

Yoannes 4:10

Yesu ese wa orota ene itak-hi :— Eani anak ne Kamui korarape hemhem e eramʼan, samata, En ikure wa En kore ani an itak ani e otta ye guru hemhem e eamkiri yak anak, eani anak ne Shinuma otta koramkoro kusu ne, orowa, Shinuma ishu wakka e kore ash kusu ne na, ari itak.

Yoannes 4:11

Orota nei shiwentep ene itak-hi :— Nishpa, wakka ta kuni eyairamokotep shomo E koro, samata, shimpui ooho ruwe ne: tambe gusu, nei wano nei ishu wakka E koro ya?

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Apostoro ikip oma kambi 20:28

kuni ambe shomo ku eshishi nisa ruwe ne. Yaikota gusu hemhem, Ashkanne Ramat echi epunginere topaha ebitta gusu hemhem yairamatte okai hine,

I Petros 5:2

echi tumugeta okai ekashi utara onishnishi ash na: Echi tumugeta okai Kamui koro topaha reshpa yan, nekon a ka akire wa an gusu shomo ne wa, koroka, Kamui an gusu eyaitupa keutum koro wa esapane yan; samata, aetunne kuni yaiepirikare ambe gusu shomo ne no, etoko-oiki wa an keutum koro wa ki yan;

Ekambakbe 14:4

Tan okai utara anak ne shiwentep tura shomo yaituru-ushte ruwe ne: shiwentep eramushkare utara ne ruwe ne gusu ne na. Tan utara anak nei Pon-hitsuji inanta oman yakka nei osh paye utara ne. Tan utara anak Kamui gusu hemhem, Pon-hitsuji gusu hemhem, aro hoshiki no okai kunip ne kuni gusu ainu tumuge orowa no ahok utara ne ruwe ne.

Ekambakbe 21:22

Orowa, nei oshiketa Kamui kora kenru shomo ku nukara: inambe gusu ne yakun, nep kiroro ne yakka koro Utarapa ne Kamui newa nei Pon-hitsuji anak ne nei kenru ne ruwe ne gusu ne na.

Ekambakbe 21:23

Orowa, kashita tomka kuni tokap-chup hene kunne-chup hene akore rusuibe kunip isam: inambe gusu ne yakun, Kamui arakuru nei ambe pekereka nisa, aine, gusu an ratchako anak ne nei a Pon-hitsuji ne ruwe ne gusu ne na.

Ekambakbe 21:4

orowa, Shinuma anak ne nei utara koro shikihi otta pishno an nupe piruba wa isamka kusu ne; samata, rai-ambe naa isam; orowa, tewa no poka yaituwashkarap isam, chish ambe isam, aiuninka ambe isam kusu ne: atpake an ambe isam wa okere ruwe ne na.

Ekambakbe 21:6

Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.

Ekambakbe 22:1

Orowa, shinuma anak ne nei nachiya onnaigeta,

Ekambakbe 4:11

Chikoro Utarapa ne chikoro Kamui, Aokai anak ne iramyep hemhem, aeoripak-hi hemhem, kiroro hemhem koro kuni oupak Kamui E ne ruwe ne: Aokai anak ne obitta no okaibe ne yakka kara, E korʼirenga gusu nei okaibe an wa akan nisa ruwe ne gusu ne na, sekoro itak.

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.