Ekambakbe 7:16 - Ashiri Aeuitaknup Iyohaichish Yona 1897

¹⁶ Orowa, nei utara tewa no naa shomo ibe rusui, naa shomo iku rusui; samata, tokap chup ne yakka seisek-mau ne yakka nei utara kata epeka shomoki kusu ne:

Ekambakbe 7:16 ပူးပေါင်းရင်းမြစ်များ

Iyohaichish 121:5

Ehoba anak ne e shikkashima guru ne: Ehoba anak e shimon tek-samata an sempirikehe ne ruwe ne.

Iyohaichish 121:6

Tokap-to ta chup anak ne shomo e kotom, Shui, anchikarata kunne-chup shomo e kotom kusu ne na.

Iyohaichish 143:6

E orun ku teke ku pirasa: Shingi toi korachi ku ramat anak ne Aokai eyaikate-kara. [Sera.]

Iyohaichish 42:2

Ku ramat anak ne Kamui gusu, ishu Kamui gusu, eyaikatekara shiri ki: Hembara kuani ek wa Kamui kotchaketa anukara ya?

Iyohaichish 63:1

AA Kamui, Aokai anak ne ku goro Kamui E ne ruwe ne, tunashino ku hunara kusu ne: Ku ramat anak ne Aokai gusu iku rusui, ku kam anak ne Aokai gusu eyaikatekan ruwe ne, Shingi newa sat moshiri, wakka isam ushiketa nei no ki ruwe ne.

Jona 4:8

Orowa, chup hetuku orowa no Kamui popke moshiri-pa wano ek rera etokooiki ruwe ne: awa, chup shukus Yona sapaha epeka, shinuma sambe toranne gusu, rai kuni koramkoro wa ene itak-hi:— Ku shiknu wa an kasu no ku rai-i anak ku pirika ruwe ne sekoro itak.

Mattaios 13:21

orowa, nani yaikopuntek hine kon ruwe ne; yakka koro keutum ta shinrit isamma gusu, irukai-tomta yaishiporore; aige, nei itak gusu aeramchuptekbe hene aepokbap hene hetuku yakun, nani epetchiu ruwe ne.

Mattaios 13:6

awa, toitoi ahak gusu nani hetukba: aige, chup ri chiki shukus-chire; samata, shinrit isambe ne gusu shumumge wa isam nisa ruwe ne.

Mattaios 5:6

Ibe rusui iku rusui korachi oupekap kon rusui utara anak ne anunuke ne; nei utara akironnure ruwe ne kusu ne gusu ne na.

Markos 4:17

koroka irukai okai; orowa, itak gusu aeramchuptek hene aepokbap hene hetuku chiki nani ureechiu ruwe ne.

Markos 4:6

orowa, shinrit isambe ne gusu chup ri koro shukuschire,

Roukos 1:53

Pirikap ani ibe-rusui utara kironnure; Orowa, oteknu utara oha no omande nisa ruwe ne.

Roukos 6:21

Tane ibe-rusui utara, echi utara, anunuke ne, echi akironnure kusu ne gusu ne na. Tane chish utara, echi utara, anunuke ne, echi mina kusu ne gusu ne na.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yakob 1:11

Shirishumpa rera utura chup hetuku chiki, nei mun shumumgere ruwe ne; orowa, epuige rapapse hine nei hetuku aekiroro an-i aisamka ruwe ne: tap korachi ka ikoro koro guru anak ne koro apkash ru otta isam kusu ne na.

Ekambakbe 21:4

orowa, Shinuma anak ne nei utara koro shikihi otta pishno an nupe piruba wa isamka kusu ne; samata, rai-ambe naa isam; orowa, tewa no poka yaituwashkarap isam, chish ambe isam, aiuninka ambe isam kusu ne: atpake an ambe isam wa okere ruwe ne na.