Ekambakbe 7:15 - Ashiri Aeuitaknup Iyohaichish Yona 1897

¹⁵ Tambe gusu nei utara anak ne Kamui amset kotchaketa okai; aige, Shinuma kora kenru ta okai hine tokap-to ta ne yakka kunne-to ta ne yakka Shinuma otta yaishieiwangere ruwe ne: orowa, nei amset kata rokbe anak ne nei utara kashiketa koro kash pirasa kusu ne na.

Ekambakbe 7:15 ပူးပေါင်းရင်းမြစ်များ

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

I Korintos 3:16

Echi utara anak ne Kamui kora kenru echi ne wa Kamui Ramat echi oshiketa oshiroma ambe echi erampeutek ruwe he an?

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 8:1

Tane aye an orushpe ikkeu anak ne ene ani ne: Nei no an Kamui otta yaishieiwangere iyotta pase esapane guru un gusu an, aige, Shinuma anak kando oshiketa pasep koro am-set kata a,

Ekambakbe 11:19

Orowa, kando oshiketa an Kamui kora kenru asarare nisa; awa, Shinuma kora kenru onnaigeta Shinuma koro aeuitaknu o shuop anukara: aine, imeru newa, hawe newa, kamui-hum newa, shine shirishimoye newa, poro kaukau newa hetuku nisa ruwe ne.

Ekambakbe 13:6

Orowa, shinuma anak ne Kamui epeka hemhem, Kamui kon reihei epeka hemhem, Kamui koro kash epeka hemhem, kando oshiketa oshiroma utara epeka hemhem koatcha ambe ye gusu koro paro maka ruwe ne.

Ekambakbe 20:10

Orowa, nei utara kokandama nitne kamui anak ne nei a abe newa iwau to oshike un aeyapkiri nisa, nei ushiketa nei a chikoikip newa shunge uweingara guru ne yakka okai ruwe ne; awa, tokap to ta ne yakka, kunne to ta ne yakka ramma otusashuishiri pakno aiuninkare kusu ne na.

Ekambakbe 21:22

Orowa, nei oshiketa Kamui kora kenru shomo ku nukara: inambe gusu ne yakun, nep kiroro ne yakka koro Utarapa ne Kamui newa nei Pon-hitsuji anak ne nei kenru ne ruwe ne gusu ne na.

Ekambakbe 22:3

Orowa, tewa no aiyoitakushi ambe isam kusu ne: samata, nei onnaigeta Kamui newa Pon-hitsuji koro amset an kusu ne: orowa, Shinuma koro usshiune utara anak ne Shinuma otta yaishieiwangere kusu ne na;

Ekambakbe 22:5

Nei ushiketa anchikara isam; ratchako pekere newa chup pekere eishiramne shomoki; Utarapa ne Kamui anak ne nei utara otta pekere atte kusu ne gusu ne na: orowa, nei utara otusashuishiri pakno epungine kusu ne.

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 4:8

Orowa, nei ine shiknu okaibe anak ne iwan tekkup range koro, okari ne yakka onnaige ne yakka shikihi ari eshik ruwe ne: orowa, tokap-to hene kunne-to hene shini shomoki no ene hawe oka-hi :— Ashkanne, Ashkanne, Ashkanne, nep ne yakka ki eashkai Utarapa ne Kamui, Shinuma an nisa, orowa, an wa an,

Ekambakbe 4:9

orowa, ek kusu ne na, ari itak. Orowa, nei ine shiknu okaibe anak ne amset kata a shashuishiri pakno ishu Kamui otta ko-iramye hemhem ki, ko-oripak hemhem ki,

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;