Ekambakbe 6:9 - Ashiri Aeuitaknup Iyohaichish Yona 1897

⁹ Orowa nei ashikne ikinne an han shirosh Shinuma maka chiki, yange set choropoketa okai Kamui itak gusu hemhem, iki paweteshu ambe gusu hemhem aronnu utara kon ramat ku nukara;

Ekambakbe 6:9 ပူးပေါင်းရင်းမြစ်များ

Yoannes 16:2

Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

II Korintos 5:8

aige, netobake ande wa Utarapa tura unita an rusui ruwe ne.

Piripoi 1:23

Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

II Timoteos 4:6

Inambe gusu ne yakun, tane kuani a en ayange okere, ku oman kuni a-i epa nisa ruwe ne.

Hebraios 12:23

kando oshiketa auwatore an hoshiki no hetuku karisia otta, obitta no okai utara koipishi Kamui otta, aeramushinnere okere oupeka utara kon ramat otta echi araki wa okai,

Ekambakbe 1:2

nei guru anak ne Kamui itak gusu hemhem, Yesu Kiristo koro paweteshu ambe gusu hemhem, nep ne yakka shinuma nukarabe gusu hemhem paweteshu ki nisa ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 14:18

Orowa, naa shine hauturumbe yange-set orowa no oashin, shinuma anak abe epeka mondum kon ruwe ne; awa, shinuma anak ne poro hawe ani nei een iyopbe koro guru otta ene itak-hi :— E koro een iyopbe omande wa moshiri pungara oma push uina yan; koro hatchi okere ruwe ne gusu ne na.

Ekambakbe 16:7

Orowa, yange-set ene itak hawe ku inu :— Ruwe un, Aa nep ne yakka ki eashkai Utarapa ne Kamui, E iki esanniyop anak ne sonep newa oupeka ambe ne ruwe ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 20:4

Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.

Ekambakbe 8:3

Orowa, otta senko uhuyeka kuni kongani op koro moshima an hauturumbe ek wa yange set samaketa ash nisa ruwe ne; orowa, obitta no okai Ashkanne utara koro inonno-itak tura amset kotchaketa an nei kongani yange-set kashiketa iyo kuni gusu poron no an senko anak nei hauturumbe akore ruwe ne.

Ekambakbe 9:13

Orowa, iwan ikinne an hauturumbe rekte, aige, Kamui kotchaketa an kongani yange-set koro kirau wano an shine hau ku inu,