Ekambakbe 6:4 - Ashiri Aeuitaknup Iyohaichish Yona 1897

⁴ Aige, naa shine umma, fure umma oashin nisa ruwe ne: orowa, nei umma kata o guru otta anak ne moshiri ka wa itomo uina hine utara utaspa uronnu gusu mondum akore: samata, shinuma otta poro rangetam akore nisa ruwe ne na.

Ekambakbe 6:4 ပူးပေါင်းရင်းမြစ်များ

Iyohaichish 17:13

Aa Ehoba, bopuni, aige, nei utara iyetokush wa hachire, E koro rangetam ani wen utara wano ku ramat ohaitare wa en kore;

Mattaios 10:34

Kuani anak ne moshiri otta itomo sange kuni gusu Ku ek shiri iteki yainu yan; itomo sange gusu Ku ek shomoki, emush asange gusu Ku ek ruwe ne.

Mattaios 24:6

Orowa, tumi-koro orushpe hene tumi pahau hene echi nu kusu ne: iteki kimatek no okai yan: inambe gusu ne yakun, tap okaibe anak ne hetuku gusu ne ap ruwe ne: koroka, shiokere-hi anak ne naa shomo ruwe ne.

Yoannes 19:11

Otta Yesu ene ese-hi :— Kik orowa no e koropare shomoki yak anak ne En epeka no mondum e koro shomoki kusu ne ruwe ne: tambe gusu, e otta En ekoshi gurʼanak ne naa poro katpak an, sekoro itak.

Ekambakbe 12:3

Orowa, naa shine shirosh kando oshiketa anukara; awa, ingarʼan, arawan sapaha newa wan kirawe koro shine poro fure kinashutunguru an, aige, koro sapaha kata arawan inaoru aunu wa an ruwe ne.

Ekambakbe 13:10

Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.

Ekambakbe 17:3

Orowa, nei hauturumbe anak ne Ramat oshiketa shine nup orun en ani nisa ruwe ne: awa, ku nukarʼhike fure iroho an chikoikip kata a shine shiwentep ku nukara, koatcha reihei eshik, orowa, arawan sapaha newa wan kirawe koro.

Ekambakbe 17:6

Orowa, ku nukarʼhike nei shiwentep anak ne ashkanne utara koro kemihi newa Yesu gusu paweteshu iki utara koro kemihi ani ihoshki ambe ku nukara. Aige, nei shiwentep ku nukara chiki, poro iyokunnure ambe ani ku iyokunnure nisa ruwe ne.