Ekambakbe 6:12 - Ashiri Aeuitaknup Iyohaichish Yona 1897

¹² Orowa, nei iwan ikinne an han shirosh Shinuma maka chiki, poro shirishimoye an; awa, tokap-chup anak ne numa ani akara kunne amip pakno kunne ne, samata, kunne-chup ebitta kem korachi ne akan nisa;

Ekambakbe 6:12 ပူးပေါင်းရင်းမြစ်များ

Mattaios 11:21

Aa Korazin kotan, aeyaisambepokashbe e ne humi! Aa Betsaida kotan aeyaisambepokashbe e ne humi! Echi oshiketa Ku ki kiroro yupu ikip anak ne Turos kotan ta hene Sidon kotan ta hene akara yak anak ne, nei utara fushkone hai ani akara amip newa uina ani yaikokatpak kusu ne.

Mattaios 24:29

Koroka, nei toho ta hetuku aeramuchuptekbe nani okaketa, tokap chup akunnere, kunne chup koro pekere atte shomoki, nochiu chup anak ne kando orowa no rapapse, orowa, kando kiroro ashuyeshuyere kusu ne:

Mattaios 24:7

Uirup anak ne uirup kotumi koro, moshiri anak ne moshiri kotumi-koro kusu ne: orowa, usa okai kotan ta kemush hene iki, shirishimoye bene an kusu ne.

Mattaios 27:45

Orowa, iwan ikinne an pakihi wano shinepesan ikinne an pakihi pakno moshirʼebitta shirikunne ruwe ne.

Mattaios 27:54

Orosama, nei kenturion newa tura no Yesu shiure tumi-koro guru anak ne, nei shirishimoye hemhem usa-okai ikip hemhem nukara koro, toiko ishitoma hine ene itak-hi :— Soon no poka tambe anak ne Kamui Poho ne a an, sekoro itak ruwe ne.

Mattaios 28:2

Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na.

Markos 15:33

Orowa no, iwan pakihi ek koro shinepesan pakihi pakno shiri ebitta shirikunne an.

Ekambakbe 11:13

Nei pakihi ta poro shirishimoye an, aine, machiya wan sereke hokush; orowa, shichi sen nin ne ainu ne a shirishimoye gusu aronnu: awa, moshima okai utara anak ne kimatek hine kando koro Kamui ramye nisa ruwe ne.

Ekambakbe 16:18

Aki okere an na, ari itak. Orowa, imeru hemhem an, hawe hemhem an, Kamui hum hemhem an ruwe ne; samata, poro shiri-shimoye an, moshiri kata ainu hetuku orowa no tane pakno naa shomo anukara ene poro shiri-shimoye, ene yupkep isam ruwe ne na.

Ekambakbe 16:8

Orowa, nei ine ikinne an ap anak ne tokap chup kata koro patchi echikiki; aige, abe ani ainu utara chire kuni akore nisa ruwe ne.

Ekambakbe 8:12

Orowa, ine ikinne an hauturumbe rekte, aige, tokap chup re sereke, kunne chup re sereke, nochiu re sereke aepeka; tambe anak ne nei re sereke akunnere hine tokap-to re sereke gusu shomo nupeki at, samata, kunne-to shem korachi ne kuni gusu ne na.

Ekambakbe 8:5

Orowa shine hauturumbe anak ne nei senko-op uk; aige, nei yange set oma abe ani shikte wa shiri kata osura: aine, kamui-hum an, hawe an, imeru an, orowa, shine shirishimoye an.