Ekambakbe 6:11 - Ashiri Aeuitaknup Iyohaichish Yona 1897

¹¹ Orowa, pishno an nei utara otta retara mipihi akore nisa ruwe ne; aige, naa pon no pakihi uturu, nei utara yaikota anak aronnu okere korachi, tura no ikichi utara newa koro iriwak utara ne yakka aronnu pakihi auweomare pakno, shini kuni ne akashpaotte nisa ruwe ne.

Ekambakbe 6:11 ပူးပေါင်းရင်းမြစ်များ

Mattaios 10:21

Orowa, iriwak anak ne iriwakihi araigere gusu ekoshi, michihi anak ne koro poho sange kusu ne: samata, po utara anak ne koro ona koro unu koiyonnuppa wa raigere kusu ne.

Roukos 15:22

Koroka, michi anak ne usshiune utara orun ene itak-hi :— Tunashi no iyotta pirika amip koro wa ek wa shinuma mire; tek-un-gani teke otta unu, orowa, kema otta keire ushte yan:

Yoannes 16:2

Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

II Tessaronike 1:7

koitaknu shomoki utara koikemnu hine paraparase abe oma koro kiroro un hauturumbe utara tura kando wano ek Utarapa ne Yesu anukara ita echi ramuchuptekka

II Timoteos 4:7

Pirika ukoiki ambe ku ki okere, pakno ku hoyupu kuni-hi ku oman okere aeishokor-i ku shikkashima nisa ruwe ne; tewa no en gusu oupeka sapa-umbe eumashnu wa an;

Hebraios 11:40

awa, aeitakamkirep shomo akore, tambe anak ne chi utara wano oyakta okai hine nei utara shomo aeramushinnere kuni gusu an ap ne, Kamui anak ne un gusu naa pirika an okaibe ramepakari nisa ruwe ne gusu ne na.

Hebraios 12:23

kando oshiketa auwatore an hoshiki no hetuku karisia otta, obitta no okai utara koipishi Kamui otta, aeramushinnere okere oupeka utara kon ramat otta echi araki wa okai,

Hebraios 4:10

Inambe gusu ne yakun, Shinuma koro shini-i otta ahun guru anak ne, Kamui ikichi korachi, yaikota koro iki ikip otta eshini okere ruwe ne.

Ekambakbe 10:6

kando newa kando oshiketa nep okaibe ne yakka, moshiri newa moshiri oshiketa ne yakka, atui newa atui oshiketa ne yakka kara wa otusashuishiri wano otusashuishiri pakno an Kamui epeka ye wa, tewa no poka pakihi isam kusu ne ari shiyuppa no ekambakbe iki nisa ruwe ne:

Ekambakbe 13:15

Orowa, nei chikoikip koro nokaha anak ne itak sange hemhem ki, chikoikip nokaha shomo koongami utara obitta aronnu hemhem ki kuni ne, otta inotu akore, chikoikip nokaha otta poka inotu akore nisa ruwe ne.

Ekambakbe 14:13

Orowa, kando orowa no an ene itak hawe ku inu :— Nuye yan, tewa no Utarapa oshiketa ekot wa rai an utara anak ne shinnunuke ne: ruwe un, ari Ramat itak, nei utara anak koro monraige-i otta eshini kuni gusu ne na; koro iki ikip nei utara oshi arapa ruwe ne gusu ne na.

Ekambakbe 17:6

Orowa, ku nukarʼhike nei shiwentep anak ne ashkanne utara koro kemihi newa Yesu gusu paweteshu iki utara koro kemihi ani ihoshki ambe ku nukara. Aige, nei shiwentep ku nukara chiki, poro iyokunnure ambe ani ku iyokunnure nisa ruwe ne.

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;