Ekambakbe 5:8 - Ashiri Aeuitaknup Iyohaichish Yona 1897

⁸ Aige, Shinuma nei a kambi-sosh uk okere chiki, nei ine shiknu okaibe newa nei inen ikashima wa niu ne ekashi anak ne pishno range shine koto hemhem, Ashkanne utara koro inonno-itak ne senko ani aeshik wa an kongani domburi hemhem koro wa, nei Pon-hitsuji kotchaketa hachiripa nisa ruwe ne.

Ekambakbe 5:8 ပူးပေါင်းရင်းမြစ်များ

Iyohaichish 141:2

Senko korachi E kotchaketa ku ki inonno-itak yan kuni kara wa en kore; Ku teke ku rikipuni ambe anak ne onuman ayange kunip nei no uk wa en kore.

Iyohaichish 150:3

Rappa humi tura Shinuma ramye yan: So newa koto ani Shinuma ramye yan.

Iyohaichish 33:2

Koto ani Ehoba koyaiiraige yan: Wan ka oma koto ani shinotcha ki wa Shinuma ramye yan.

Iyohaichish 43:4

Yakun, Kamui koro yange-set orota, Ku enupetne gusu yainuchattekbe orota ku arapa kusu ne: Orowa, Aa Kamui, ku goro Kamui, koto ku rekte wa ku iramye ash kusu ne na.

Iyohaichish 81:2

Iyohaichish koro, tsuzumi kikkik, Shisak hawe an koto newa so newa koro wa ek yan.

Yoannes 1:29

Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Yoannes 5:23

nen ne yakka Michi ko-oripak nei no Poho ko-oripak kuni gusu ne na. Poho ko-oripak shomoki gurʼanak ne Shinuma omande Michi otta ne yakka shomo ko-oripak ruwe ne.

Hebraios 1:6

Orowa shui, moshiri otta kiyanuepo ahunge chiki, ene itak-hi :— Obitta no okai Kamui uitekbe Shinuma koongamirero.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 15:2

Orowa, abe ukopoye wa an pindoro nepkorʼan atui ku nukara; samata, nei chikoikip newa chikoikip koro nokaha newa chikoikip kon reihei pishkihi newa orowa no araki annokara iki utara nei pindoro-ush atui kata Kamui koto koro wa roshki ambe ku nukara.

Ekambakbe 15:7

Aige, nei ine shiknu okaibe un shinep anak ne otusashuishiri wano otusashuishiri pakno ishu Kamui iki kinrakarape ani eshik wa an arawan kongani patchi nei arawan hauturumbe eun kore nisa ruwe ne.

Ekambakbe 19:4

nei inen ikashima hotne ekashi newa nei ine shiknu okaibe anak ne yaihachire wa nei amset kata rok Kamui koongami hine ene itak-hi;

Ekambakbe 4:10

koyaiiraige hemhem ki chiki, nei ine ekashi ikashima hotne ekashi anak ne amset kata a shashuishiri pakno ishu Kamui kotchaketa hepokiush wa otta ko-ongami hine nei amset kotchaketa koro sapa-umbe osura wa ene itak kusu ne-hi :—

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 4:6

orowa, amset kotchaketa konru-shuma korachi pekere pindoro atui an; orowa, amset tumugeta newa pishkaneketa anak ne kotchakegeta ne yakka oshmakegeta ne yakka shikihi ani eshik ine shiknu okaibe okai ruwe ne.

Ekambakbe 4:8

Orowa, nei ine shiknu okaibe anak ne iwan tekkup range koro, okari ne yakka onnaige ne yakka shikihi ari eshik ruwe ne: orowa, tokap-to hene kunne-to hene shini shomoki no ene hawe oka-hi :— Ashkanne, Ashkanne, Ashkanne, nep ne yakka ki eashkai Utarapa ne Kamui, Shinuma an nisa, orowa, an wa an,

Ekambakbe 5:11

ku ingara, aige, nei amset newa nei shiknu okaibe newa nei ekashi utara newa okari ta inne no okai hauturumbe koro hawe ku inu; awa, nei utara pishki-hi anak sen sen man man utara ne ruwe ne;

Ekambakbe 5:12

poro hawe ani nei utara ene itak-hi :— Araige an Pon-hitsuji chikoikip anak ne mondum newa aeoteknup newa wayashnu-hi newa kiroro newa aainukorobe newa arakuru newa shinnunuki ambe newa koro kuni oupakbe ne ruwe ne.

Ekambakbe 5:14

arakuru an, epungine mondum an na. Aige, nei a ine shiknu okaibe anak — Amen — ari an itak ani itak nisa ruwe ne. Orowa, nei ekashi utara hachiripa wa koongami nisa ruwe ne.

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.

Ekambakbe 6:1

Orowa, Pon-hitsuji chikoikip anak ne nei arawan han oma shine han shirosh maka ambe ku nukara, awa, nei ita ine shiknu okaibe un shinep anak kamui-hum nepkoro an hawe ani — Ek yan — ani an itak ani itak katu ku inu nisa.