Ekambakbe 5:13 - Ashiri Aeuitaknup Iyohaichish Yona 1897

¹³ Orowa, kando oshiketa an akara okaibe ne yakka, moshiri kata an akara okaibe ne yakka, moshiri choropoketa an akara okaibe ne yakka, atui kata an akara okaibe ne yakka, nei ushiketa an akara okaibe ne yakka obitta ene itak hawe ku inu nisa ruwe ne, — Amset kata rokbe orun, samata, nei Pon-hitsuji chikoikip orun ne yakka, otusashuishiri wano otusashuishiri pakno shinnunuke ambe an, aainukorobe an,

Ekambakbe 5:13 ပူးပေါင်းရင်းမြစ်များ

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Roukos 2:14

Iyotta rikun kando otta an Kamui orun nupeki an, Moshiri kata okai pirika irenga koro utara otta itomo an na, seko-ran itak ani ye nisa ruwe ne.

Yoannes 1:29

Nei shimge toho ta orota Yesu ek-i shinuma nukara, awa, ene itak-hi :— Ingarʼan, Moshiri katpak sei Kamui Pon-hitsuji!

Roma 11:36

Inambe gusu ne yakun, Shinuma orowa, Shinuma gusu, Shinuma otta obitta no okaibe okai ruwe ne na. Otusashuishiri pakno ne yakka Shinuma otta arakuru an na. Amen.

Roma 16:27

Yesu Kiristo gusu patek wayashnu Kamui otta, Shinuma otta otusashuishiri pakno nupeki an na. Amen.

Roma 9:5

kam gusu Kiristo anak ne nei utara orowa no an, Shinuma anak obitta no okaibe kashita otusashuishiri pak no an shinnunuke Kamui ne ruwe ne. Amen.

Epesos 3:21

Shinuma otta shashuishiri pakno karisia oshiketa hene, Kiristo Yesu oshiketa hene nupeki anro. Amen.

Piripoi 2:10

Yesu ari an reihei otta obitta no okai kokkasap anak ne komo hemhem ki,

Korosai 1:23

echi utara anak ne nei eisbokor-i ta asamaha ande hine yaiatte wa kando choropoketa an obitta no okaibe otta echi nu okere aeupaskuma pirika shongo gusu an chipachipa arabe orowa no shomo oyakta okai wa echi okai yakun, nei no an ruwe ne; Pauros ne kuani anak ne gusu yaishieiwangere guru ku ne ruwe ne na.

I Timoteos 4:16

Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

I Petros 4:11

uweutashpa nei ambe gusu yaishieiwangere yan: itak ye guru an chiki, Kamui shongo an korachi yero; yaishieiwangere guru an chiki, Kamui orowa no ako-ropare kiroro an korachi kiro; tambe anak Yesu Kiristo rengap gusu nep ne yakka otta Kamui ako-oripak kuni gusu ne na; nupeki newa kiroro kane shashuishiri wano shashuishiri pakno Shinuma korobe ne. Amen.

I Petros 5:11

Shashuishiri wano shashuishiri pakno Shinuma otta kiroro an na. Amen.

Youdas 1:25

chikoro Utarapa ne Yesu Kiristo gusu patek chikoro un kashiobiuki Kamui orota nupeki newa, pase ambe newa, kiroro newa, nrondum kane, paki-i etoko ne yakka, tane ne yakka, shashuishiri pakno ne yakka an kuni akoramkon na. Amen.

Ekambakbe 1:6

orowa, nei moshirʼun utara ne kuni un kara, koro Michi newa Kamui otta un yaishieiwangererep otta anak; Shinuma otta shashuishiri wano shashuishiri pakno arakuru newa mondum an na. Amen.

Ekambakbe 13:8

Orowa, moshiri asamaha aande i otta araige Pon-hitsuji chikoikip koro inotu oma kambi-sosh kata kon reihei shomo anuye wa an moshiri kata oshiroma utara obitta shinuma koongami kusu ne.

Ekambakbe 5:1

Orowa, nei amset kata rok guru shimon tekehe ta, oshike ne yakka oshmake ne yakka, anuye wa an kambi-sosh ku nukara, aige, arawan han ani irammakaka han aomare an ruwe ne.

Ekambakbe 5:12

poro hawe ani nei utara ene itak-hi :— Araige an Pon-hitsuji chikoikip anak ne mondum newa aeoteknup newa wayashnu-hi newa kiroro newa aainukorobe newa arakuru newa shinnunuki ambe newa koro kuni oupakbe ne ruwe ne.

Ekambakbe 5:3

Orowa, kando oshiketa ne yakka, moshiri kata ne yakka, moshiri pokta ne yakka, nei kambi-sosh pirasa hene ki orun ingara hene iki eashkai guru shinen ka isam ruwe ne.

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,

Ekambakbe 6:16

aine, nupuri newa watara otta ene itak-hi :— Un kashiketa hachiripa hine nei amset kata rokbe otta hemhem nei Pon-hitsuji iki kinrakarape otta hemhem un nuina wa un kore: