Ekambakbe 4:8 - Ashiri Aeuitaknup Iyohaichish Yona 1897

⁸ Orowa, nei ine shiknu okaibe anak ne iwan tekkup range koro, okari ne yakka onnaige ne yakka shikihi ari eshik ruwe ne: orowa, tokap-to hene kunne-to hene shini shomoki no ene hawe oka-hi :— Ashkanne, Ashkanne, Ashkanne, nep ne yakka ki eashkai Utarapa ne Kamui, Shinuma an nisa, orowa, an wa an,

Ekambakbe 4:8 ပူးပေါင်းရင်းမြစ်များ

Iyohaichish 91:1

IYOTTA Rikunbe koro anuina ushiketa oshiroma gurʼanak ne Nep ne yakka ki eashkai Kamui sempiriketa an kusu ne.

Apostoro ikip oma kambi 20:31

Tambe gusu, shiruwe yan, orowa, re pa uturuta kuani nupe poka yaikorange iki hine kunne-to ta hene tokap-to ta hene yomne shomoki no echi pishno ku epakashnu nisa ruwe ne a ambe eshkarun yan.

II Korintos 6:18

Aine, echi utara gusu Michihi Ku ne kusu ne, Echi utara anak ne Ku okkai poho Ku matne poho echi ne kusu ne na, ari nep ne yakka ki eashkai Utarapa ye nisa ruwe ne.

I Tessaronike 2:9

Inambe gusu ne yakun, iriwak utara, chi ki monraige ambe newa nuwap ambe echi eshkarun: inan guru ne yakka shomo iramukurukuru kuni ne, tokap to ta hene kunne to ta hene monraige ki, aine, Kamui pirika shongo

I Timoteos 4:16

Yaikota gusu ne yakka e iki epakashnu ambe gusu ne yakka yaitubare yan. Tap okaibe oshiketa riya yan; inambe gusu ne yakun, tap ambe e ki chiki, eani anak ne yaikota ne yakka e nu utara ne yakka e kashiobiuki kusu ne na.

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Hebraios 13:8

Yesu Kiristo anak ne numan ne yakka tanto ne yakka otusashuishiri pakno ne yakka upakitara an na.

Ekambakbe 1:4

Yoannes anak Asia ta okai arawan karisia utara orota kambi omande na: an wa an, an nisa, orowa, ek kusu ne Kamui orowa no hemhem; shui, Shinuma koro amset kotchaketa okai arawan Ramat orowa no hemhem;

Ekambakbe 1:8

Kuani anak ne, An wa an, an nisa, ek kusu ne, nep ne yakka ki eashkai, Arupa newa Omega Ku ne ruwe ne, sekoro, Utarapa ne Kamui ye ruwe ne.

Ekambakbe 11:17

Aa Nep ne yakka ki eashkai, an wa an, an nisa Utarapa ne Kamui, chi utara anak ne E koyaiiraige ash ruwe ne: Aokai anak ne E koro poro kiroro uina wa esapane iki nisa ruwe ne gusu ne na.

Ekambakbe 14:11

orowa, akore panakte ambe gusu an shupuya anak ne otusashuishiri pakno rikin kusu ne; aige, nei chikoikip newa koro noka newa koongami utara, kon reihei ne shirosh akore utara anak ne, nei utara anak tokap to ta ne yakka kunne to ta ne yakka shini eaikap ruwe ne.

Ekambakbe 14:3

orowa, nei utara anak ne ashiripe noine an yairap nei amset kotchaketa newa ine shiknu okaibe newa nei ekashi kotchaketa newa ki ruwe ne: aige, moshiri orowa no ahok nei ju-shi-man nin ne ainu ikashima shi-sen nin ne ainu moshima nei yairap eyaihannokkara eashkai guru isam ruwe ne.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.

Ekambakbe 15:7

Aige, nei ine shiknu okaibe un shinep anak ne otusashuishiri wano otusashuishiri pakno ishu Kamui iki kinrakarape ani eshik wa an arawan kongani patchi nei arawan hauturumbe eun kore nisa ruwe ne.

Ekambakbe 16:14

nei utara anak ne shirosh iki nitnep kon ramat ruwe ne gusu ne na; aige, nep ne yakka ki eashkai Kamui koro poro toho ta an kusu ne tumi gusu auwekarapare kuni ne, ingi-moshirʼun shikkashima utara kata paye utara ne ruwe ne.

Ekambakbe 16:7

Orowa, yange-set ene itak hawe ku inu :— Ruwe un, Aa nep ne yakka ki eashkai Utarapa ne Kamui, E iki esanniyop anak ne sonep newa oupeka ambe ne ruwe ne.

Ekambakbe 19:15

Aige, ani Shinuma anak ne moshiri uirup shirikik kuni ne Shinuma paroho wano een rangetam oashin ruwe ne: orowa, Shinuma anak yaiyan-kani kanni ani nei utara epungine kusu ne na: samata, Shinuma obitta no okai kiroro koro Kamui irushka ambe oma kinrakara tonoto nishu otereke ruwe ne.

Ekambakbe 19:4

nei inen ikashima hotne ekashi newa nei ine shiknu okaibe anak ne yaihachire wa nei amset kata rok Kamui koongami hine ene itak-hi;

Ekambakbe 21:22

Orowa, nei oshiketa Kamui kora kenru shomo ku nukara: inambe gusu ne yakun, nep kiroro ne yakka koro Utarapa ne Kamui newa nei Pon-hitsuji anak ne nei kenru ne ruwe ne gusu ne na.

Ekambakbe 3:7

Orowa, Piradarpeia kotan ta an karisia koro hauturumbe gusu ene nuye yan; Ashkanne guru, son no an guru, Dabid koro kangi shikkashima wa apa maka hine nen ne yakka seshke eaikap, aige, seshke hine nen ne yakka maka eaikap, Shinuma tap okaibe ye ruwe ne:

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 4:6

orowa, amset kotchaketa konru-shuma korachi pekere pindoro atui an; orowa, amset tumugeta newa pishkaneketa anak ne kotchakegeta ne yakka oshmakegeta ne yakka shikihi ani eshik ine shiknu okaibe okai ruwe ne.

Ekambakbe 4:9

orowa, ek kusu ne na, ari itak. Orowa, nei ine shiknu okaibe anak ne amset kata a shashuishiri pakno ishu Kamui otta ko-iramye hemhem ki, ko-oripak hemhem ki,

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.

Ekambakbe 6:1

Orowa, Pon-hitsuji chikoikip anak ne nei arawan han oma shine han shirosh maka ambe ku nukara, awa, nei ita ine shiknu okaibe un shinep anak kamui-hum nepkoro an hawe ani — Ek yan — ani an itak ani itak katu ku inu nisa.

Ekambakbe 6:6

Orowa, nei ine shiknu okaibe tumuge wa ene ye korachi an hau ku nu :— shine denaria gusu mungi shine chomba an, orowa, shine denaria gusu omungi re chomba an na; aige, shum newa hat-tonoto iteki wende yan, sekoro itak.

Ekambakbe 7:11

Orowa, obitta no okai Kamui hauturumbe anak ne nei amset newa ekashi utara newa nei shiknu okaibe pishkanigeta roshki wa okai ruwe ne; aige, amset kotchaketa shirikamu wa Kamui ko-ongami hine ene itak-hi :— Amen:

Ekambakbe 7:15

Tambe gusu nei utara anak ne Kamui amset kotchaketa okai; aige, Shinuma kora kenru ta okai hine tokap-to ta ne yakka kunne-to ta ne yakka Shinuma otta yaishieiwangere ruwe ne: orowa, nei amset kata rokbe anak ne nei utara kashiketa koro kash pirasa kusu ne na.