Ekambakbe 4:11 - Ashiri Aeuitaknup Iyohaichish Yona 1897

¹¹ Chikoro Utarapa ne chikoro Kamui, Aokai anak ne iramyep hemhem, aeoripak-hi hemhem, kiroro hemhem koro kuni oupak Kamui E ne ruwe ne: Aokai anak ne obitta no okaibe ne yakka kara, E korʼirenga gusu nei okaibe an wa akan nisa ruwe ne gusu ne na, sekoro itak.

Ekambakbe 4:11 ပူးပေါင်းရင်းမြစ်များ

Iyohaichish 18:3

Airamye kunip ne Ehoba orun ku konishuk kusu ne: Yakun, en epokba utara gusu en kaobiuki kusu ne na.

Iyohaichish 68:34

Kamui orun kiroro sange yan: Shinuma koro arakuru anak ne Israeru kashike an, Shinuma koro kiroro nishoro ta an ruwe ne.

Apostoro ikip oma kambi 14:15

Nishpa utara, hemanda gusu tap ambe echi ki ya? Chi utara ne yakka echi utara korachi shinep ne an oibe koro utara chi ne, aine, pirika orushpe echi nure kuni utara chi ne, echi utara tap okai raka isambe oyakta ande wa kando newa toitoi newa atui newa otta okaibe obitta kara ishu Kamui orun echi hosarire kuni ki utara chi ne:

Apostoro ikip oma kambi 17:24

Ingi-moshiri newa otta okaibe obitta kara Kamui anak ne, Shinuma anak, kando newa moshiri newa koro Utarapa ne wa gusu, teke ani akara chisei ta oshiroma shomoki;

Roma 11:36

Inambe gusu ne yakun, Shinuma orowa, Shinuma gusu, Shinuma otta obitta no okaibe okai ruwe ne na. Otusashuishiri pakno ne yakka Shinuma otta arakuru an na. Amen.

Epesos 3:9

samata, obitta no okai ikiri wano nep ne yakka kara Kamui oshiketa mukke wa an asbikkashimarep obitta no okai utara otta nure kuni irenga a en koropare nisa ruwe ne;

Hebraios 1:10

Orowa, Utarapa, Aokai anak ne atpaketa toitoi asama E ande nisa ruwe ne, Kando ne yakka E tekehe karape ne ruwe ne:

Hebraios 1:2

tan okese an toho ta obitta no okaibe eikeshkore kuni gusu atte, ani moshirʼebitta ne yakka kara poho teshkara wa un orota itak sange nisa ruwe ne;

Ekambakbe 1:6

orowa, nei moshirʼun utara ne kuni un kara, koro Michi newa Kamui otta un yaishieiwangererep otta anak; Shinuma otta shashuishiri wano shashuishiri pakno arakuru newa mondum an na. Amen.

Ekambakbe 10:6

kando newa kando oshiketa nep okaibe ne yakka, moshiri newa moshiri oshiketa ne yakka, atui newa atui oshiketa ne yakka kara wa otusashuishiri wano otusashuishiri pakno an Kamui epeka ye wa, tewa no poka pakihi isam kusu ne ari shiyuppa no ekambakbe iki nisa ruwe ne:

Ekambakbe 14:7

Kamui koishitoma wa Shinuma reika yan; Shinuma koipishi ambe iki kuni pakihi ek an ruwe ne gusu ne na; orowa, kando newa toitoi newa atui newa wakka purupuruge-i newa kara Kamui koongami yan, ari itak.

Ekambakbe 19:1

Tap okaibe okaketa kando oshiketa an poro inne utara koro poro hawehe nepkorʼambe ku inu, aige, ene itak-hi :— Arrerouya; Kashiobiuki ambe hemhem, arakuru hemhem, kiroro hemhem, akoro Kamui korobe ne:

Ekambakbe 5:12

poro hawe ani nei utara ene itak-hi :— Araige an Pon-hitsuji chikoikip anak ne mondum newa aeoteknup newa wayashnu-hi newa kiroro newa aainukorobe newa arakuru newa shinnunuki ambe newa koro kuni oupakbe ne ruwe ne.

Ekambakbe 5:2

Orowa, tan kambi-sosh pirasa wa nei han pita kuni upak guru nen ne ruwe, ari an hawe ani hawe ashte shine kiroroashnu hauturumbe ku nukan nisa.

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,