Ekambakbe 4:10 - Ashiri Aeuitaknup Iyohaichish Yona 1897

¹⁰ koyaiiraige hemhem ki chiki, nei ine ekashi ikashima hotne ekashi anak ne amset kata a shashuishiri pakno ishu Kamui kotchaketa hepokiush wa otta ko-ongami hine nei amset kotchaketa koro sapa-umbe osura wa ene itak kusu ne-hi :—

Ekambakbe 4:10 ပူးပေါင်းရင်းမြစ်များ

Iyohaichish 115:1

UN orun shomo ne Aa Ehoba, un orun shomo ne, Koroka, E koro rampoken gusu, E koro sonep gusu, E kon reihei orun iramyere yan.

Iyohaichish 47:8

Kamui anak ne moshiri uirup esapane ruwe ne: Kamui anak koro ashkanne amset kata a ruwe ne na.

Iyohaichish 72:11

Ruwe un, obitta no okai moshiri shikkashima utara anak ne Shinuma kotchaketa hepokichiu kusu ne: Obitta no okai moshiri uirup anak ne Shinuma otta yaishieiwangere kusu ne na.

Iyohaichish 95:6

Hetak, araki wa ongami hine hepokiki Un kara Ehoba kotchaketa kokkaerok yanro:

Mattaios 2:11

Nei nochiu nukara chiki shi no ara enupetne ruwe ne. Orowa, chisei orun ahup wa aiai koro habo Maria tura no an wa nukara, aige, hepokichiu wa Shinuma ongami, samata, ikoro o shuop maka hine tongani, senko, motsuyaku sapte wa, orota yange nisa ruwe ne.

Roukos 24:52

Awa, nei utara Shinuma ko-ongami, orowa, shiri yaikopuntek hine Yerusarem kotan orun hoshippa:

I Korintos 15:10

Koroka, Kamui irenga gusu kuani ku an korachi okaibe ku ne ruwe ne; orowa, a en koropare Shinuma koro irenga anak ne seenne raka isam no a en koropare ruwe ne sekoro anukara; koroka, obitta no okai nei utara kasu no kuani naa poron no ku monraige nisa ruwe ne na: yakka, kuani shomo ne, koroka, a en koropare Kamui irenga iki ruwe ne.

Ekambakbe 10:6

kando newa kando oshiketa nep okaibe ne yakka, moshiri newa moshiri oshiketa ne yakka, atui newa atui oshiketa ne yakka kara wa otusashuishiri wano otusashuishiri pakno an Kamui epeka ye wa, tewa no poka pakihi isam kusu ne ari shiyuppa no ekambakbe iki nisa ruwe ne:

Ekambakbe 11:16

Orowa, koro amset kata Kamui kotchaketa rok kane okai nei inen ikashima hotne ekashi utara koro nan kata hachiripa hine Kamui koongami hine ene itak-hi :—

Ekambakbe 15:4

Aa Utarapa, shomo E kooripak, shomo E koiramye guru inan guru ne ya? Ouse Aokai patek ashkanne ruwe ne gusu ne na: E iki oupeka ikip anukara wa okai gusu obitta no okai moshiri uirup araki wa E kotchaketa ongami ki kusu ne gusu ne na.

Ekambakbe 15:7

Aige, nei ine shiknu okaibe un shinep anak ne otusashuishiri wano otusashuishiri pakno ishu Kamui iki kinrakarape ani eshik wa an arawan kongani patchi nei arawan hauturumbe eun kore nisa ruwe ne.

Ekambakbe 19:4

nei inen ikashima hotne ekashi newa nei ine shiknu okaibe anak ne yaihachire wa nei amset kata rok Kamui koongami hine ene itak-hi;

Ekambakbe 4:2

Nani Ramat otta ku an: awa, ingarʼan, Kando otta shine amset aande wa an, orowa, nei amset kata shinen a kane an ruwe ne;

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 4:9

orowa, ek kusu ne na, ari itak. Orowa, nei ine shiknu okaibe anak ne amset kata a shashuishiri pakno ishu Kamui otta ko-iramye hemhem ki, ko-oripak hemhem ki,

Ekambakbe 5:14

arakuru an, epungine mondum an na. Aige, nei a ine shiknu okaibe anak — Amen — ari an itak ani itak nisa ruwe ne. Orowa, nei ekashi utara hachiripa wa koongami nisa ruwe ne.

Ekambakbe 5:8

Aige, Shinuma nei a kambi-sosh uk okere chiki, nei ine shiknu okaibe newa nei inen ikashima wa niu ne ekashi anak ne pishno range shine koto hemhem, Ashkanne utara koro inonno-itak ne senko ani aeshik wa an kongani domburi hemhem koro wa, nei Pon-hitsuji kotchaketa hachiripa nisa ruwe ne.

Ekambakbe 7:11

Orowa, obitta no okai Kamui hauturumbe anak ne nei amset newa ekashi utara newa nei shiknu okaibe pishkanigeta roshki wa okai ruwe ne; aige, amset kotchaketa shirikamu wa Kamui ko-ongami hine ene itak-hi :— Amen: