Ekambakbe 3:4 - Ashiri Aeuitaknup Iyohaichish Yona 1897

⁴ Koroka koro mipihi shomo turu-ushte moyo an reihei Sardeis kotan ta e koro: aige, nei utara retarape imi wa En tura apkash kusu ne; nei utara oupak utara ne ruwe ne gusu ne na.

Ekambakbe 3:4 ပူးပေါင်းရင်းမြစ်များ

Iyohaichish 68:14

Nei i oshiketa nep ne yakka ki eashkai Kamui anak ne moshiri esapane utara shitchari ita, Zarmon otta upas ash nisa ruwe ne.

Mattaios 10:11

Orowa, nep machiya ta hene nep kotan ta hene ne yakka echi kush chiki, nei ushiketa okai pirika guru hunara yan; orowa, ehopiru wa oman pakno nei guru otta reushi yan.

Markos 16:5

Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne.

Roukos 20:35

koroka, nei moshiri hemhem akore, rai orowa no hetopo-ashiknure kuni hemhem aesanniyo utara anak ne matakore shomoki hoku akore shomoki ruwe ne:

Roukos 21:36

Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Apostoro ikip oma kambi 1:15

Orowa, nei toho ta Petros anak ne iriwak utara tumugeta ash wa ene itak-hi (nei ita inne utara uwekarapa wa okai, iwan hotne niu pakno ehange ruwe ne) :—

II Tessaronike 1:5

tambe anak ne Kamui oupeka an koipishi gusu an anukara shirosh ne; gusu ka echi ramushitne hine Kamui moshiri uina kuni oupak no okai utara echi ne sekoro echi esanniyo an kuni gusu ne na:

Youdas 1:23

ishitoma ki wa an utara erampokiwen wa kore: samata, kam gusu chikosamtek anrip poka etunne yan.

Ekambakbe 1:11

aige, ene itak-hi :— E nukarape kambi-sosh kata nuye hine nei arawan karisia orun omande yan; Epesos otta, Sumurna otta, Pergamos otta, Tuateira otta, Sardeis otta, Piradarpeia otta, Raodikeia otta omande yan.

Ekambakbe 11:13

Nei pakihi ta poro shirishimoye an, aine, machiya wan sereke hokush; orowa, shichi sen nin ne ainu ne a shirishimoye gusu aronnu: awa, moshima okai utara anak ne kimatek hine kando koro Kamui ramye nisa ruwe ne.

Ekambakbe 14:4

Tan okai utara anak ne shiwentep tura shomo yaituru-ushte ruwe ne: shiwentep eramushkare utara ne ruwe ne gusu ne na. Tan utara anak nei Pon-hitsuji inanta oman yakka nei osh paye utara ne. Tan utara anak Kamui gusu hemhem, Pon-hitsuji gusu hemhem, aro hoshiki no okai kunip ne kuni gusu ainu tumuge orowa no ahok utara ne ruwe ne.

Ekambakbe 19:14

Orowa, kando oshiketa okai tumikoro utara ikiri anak ne ane senkaki, retara wa turu-sak senkaki aeyaimire wa retara umma kata o hine Shinuma oshi paye.

Ekambakbe 19:8

Orowa, Shinuma anak ne ane senkaki, hereat wa turusak senkaki ani yaitomchiure kuni ne akore nisa: nei a ane senkaki anak ashkanne utara iki oupeka buri ne ruwe ne gusu ne na.

Ekambakbe 3:18

oteknu guru e ne kuni ne abe ani aturu-sakte kongani en orowa no hok kuni; samata, eani yaimire wa e atusa yainikoroshma ambe shomo anukara kuni ne retara amip hok kuni; samata, ingara kuni ne e koro shiki eushi gusu an shik kusuri hok kuni ne e onishnishi ash ruwe ne.

Ekambakbe 3:5

Annokara iki guru anak ne tap korachi retarape amip ani amire kusu ne; orowa, Kuani anak inotu oma kambi-sosh wano shinuma reihei oara shomo Ku ushka kusu ne, orowa, Ku goro Michihi kotchaketa ne yakka, Shinuma koro hauturumbe kotchaketa ne yakka shinuma reihei Ku pushpusu kusu ne.

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 6:11

Orowa, pishno an nei utara otta retara mipihi akore nisa ruwe ne; aige, naa pon no pakihi uturu, nei utara yaikota anak aronnu okere korachi, tura no ikichi utara newa koro iriwak utara ne yakka aronnu pakihi auweomare pakno, shini kuni ne akashpaotte nisa ruwe ne.

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;