Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ekambakbe 3:14 - Ashiri Aeuitaknup Iyohaichish Yona 1897

14 Orowa, Raodikeia kotan ta an karisia koro hauturumbe gusu ene nuye yan; Nei a Amen, nei a oupeka newa sonep ne an paweteshu ki guru, nei a Kamui karape atpake an guru tap okaibe ye-hi:

အခန်းကိုကြည့်ပါ။ ကော်ပီ




Ekambakbe 3:14
22 ပူးပေါင်းရင်းမြစ်များ  

Obitta no an okaibe anak ne nei Itak orowa no akara, orowa, akarape shinep ne yakka Shinuma isama no


Yesu ese wa nei utara otta ene itak-hi :— Kuani yaikota gusu paweteshu Ku ki yakka Ku ki paweteshu-i anak ne sonep ne; inambe gusu ne yakun, nei wano Ku ek ya, ine un Ku oman a Ku eraman; koroka, nei wano Ku ek a, ine un Ku oman a echi utara erampeutek ruwe ne na.


Inambe gusu ne yakun, Kamui eitakamkire ambe anak ne nei oro pakno inne ne a yakka, Shinuma oshiketa nei ambe anak “ruwe un” ne ruwe ne gusu ne na: tambe gusu chi utara gusu Kamui arakuru ankushkerai, Shinuma gusu ne yakka “Amen” ari an ambe an ruwe ne na.


Shinuma anak ne anukara eaikap Kamui koro nokaha ne, obitta no okai akarabe etoko hetukup ne; inambe gusu ne yakun, kando oshiketa okai yakka,


Orowa, Shinuma anak ne nei netobake ne karisia koro sapaha ne: atpake an ap ne, rai-i orowa no hoshike hetukup ne ruwe ne; Shinuma obitta no okaibe gusu esapanep ne kuni gusu ne na.


Inambe gusu ne yakun, echi utara gusu hemhem, Raodikia un utara gusu hemhem, kara oma ku nanuhu shomo nukara obitta no okai utara gusu hemhem, hemanda yupke no kiroro atte hine ku iki arabe echi eraman kuni ku kon rusui ruwe ne;


Orowa, tan kambi echi tumugeta oro-a-oitak okere chiki, Raodikia un utara ne karisia otta ne yakka orooitakte wa en kore; samata, Raodikia orowa no an kambi ka echi utara ne yakka orooitak yan.


aige, ene itak-hi :— E nukarape kambi-sosh kata nuye hine nei arawan karisia orun omande yan; Epesos otta, Sumurna otta, Pergamos otta, Tuateira otta, Sardeis otta, Piradarpeia otta, Raodikeia otta omande yan.


orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:


Orowa, kando makke ambe ku nukara; awa, ingarʼan, shine retara umma an, aige, kata o guru anak ne Ikipniukesh newa Sonep ani aporose; orowa, shinuma oupeka no koipishi hemhem ki tumi hemhem kon ruwe ne.


Epesos kotan ta an karisia koro hauturumbe gusu ene nuye yan; Koro shimon teke oshiketa nei arawan nochiu koro guru, nei arawan kongani ratchako tumugeta apkash shiri an guru ene itak-hi :—


Orowa, en orun Shinuma ene itakhi :— Auweomare an na. Kuani anak ne Arupa ne Omega ne, atpake an ap Ku ne, okake an ap Ku ne ruwe ne. Aige, iku rusui guru otta inotu oma wakka purupuruge-i wano an ap oro isam no Ku kore kusu ne na.


Kuani anak ne nei Arupa newa Omeka Ku ne ruwe ne, hoshike an ap ne, iyoshi an ap Ku ne, atpake an ap ne, okake an ap Ku ne ruwe ne.


Orowa, en orun shinuma ene itak-hi :— Tapan itak anak ne oupekap ne sonep ne ruwe ne: aige, Utarapa anak ne, uweingara utara oma ramat koro Kamui anak, naa pon no okaketa hetuku kuni gusu an okaibe koro uitek utara nure gusu koro hauturumbe teshkan nisa ruwe ne.


Orowa, Piradarpeia kotan ta an karisia koro hauturumbe gusu ene nuye yan; Ashkanne guru, son no an guru, Dabid koro kangi shikkashima wa apa maka hine nen ne yakka seshke eaikap, aige, seshke hine nen ne yakka maka eaikap, Shinuma tap okaibe ye ruwe ne:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ