Ekambakbe 3:11 - Ashiri Aeuitaknup Iyohaichish Yona 1897

¹¹ Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

Ekambakbe 3:11 ပူးပေါင်းရင်းမြစ်များ

I Korintos 9:25

Uwetushmak wa iki gurʼanak ne nep nep ne yakka gusu yaishikashima ruwe ne. Onnere yan, nei utara anak ne munin kuni sapa-umbe eungerai gusu ki ruwe ne, chi utara anak shomo muninbe eungerai gusu ki ruwe ne na.

Piripoi 4:5

Echi kon rotcha keutum obitta no okai utara otta nukare yan.

II Timoteos 2:5

Samata, nei shinot gusu ukirorowande guru an chiki, ikashpaotte nei no iki shomoki yakun,

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Yakob 1:12

Koramnukara wa yaishiporore gurʼanak ne anunuke ne: Shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

Yakob 5:9

Utarapa ehange no an ruwe ne gusu ne na. Ku iriwak utara, shomo echi akoipishi an kuni ne, iteki utashpa oromam ki yan; ingarʼan, koipishi ki Kamui anak ne apa samaketa an ruwe ne.

Ekambakbe 1:3

Tan uweingarape oro-oitak hene ki, nu hene ki, orowa, nei kashiketa chieshinnuye wa an okaibe shikkashima gurʼanak ne anunuke ne: pakihi ehange no an ruwe ne gusu ne na.

Ekambakbe 16:15

(Ingarʼan, ikka guru koracki Ku ek na. Ika atusa no apkash hine utara nei atusa ambe nukara kuni ne, shiure wa koro mipihi shikkashima gurʼanak ne shinnunuke an ruwe ne).

Ekambakbe 2:10

Tane e iki kusu ne a ramushitnere okaibe gusu iteki ishitoma yan: ingarʼan, echi utara auwande kuni ne nitnep anak ne echi sereke okai utara ipakashnu chisei ta omare kuni etokooiki korʼan ruwe ne; aige, wan to uturuta echi eramchuptek kusu ne na. Rai pakno ikipniukesh no okai yan, yakun, Kuani inotu oma sapa-umbe e kore ash kusu ne na.

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 2:25

Yakka, echi koro wa an ambe Ku ek pakno shiyuppa no shikkashima yan.

Ekambakbe 22:12

Ingarʼan, tunashi no Ku ek na; aige, koro iki ikip an nei no pishno an guru orun Ku koropare kuni gusu an pummaha Ku kon ruwe ne.

Ekambakbe 22:20

Tap okaibe ye guru anak ne :— Ruwe ne wa: tunashi no Ku ek kusu ne, ari itak. Amen: ek wa en kore yan, Utarapa ne Yesu.

Ekambakbe 22:7

Ingarʼan, Tunashi no Ku ek kushki. Tan kambi kata okai uweingara itak shikkashima gurʼanak ne shinunuke an ruwe ne na.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.

Ekambakbe 4:10

koyaiiraige hemhem ki chiki, nei ine ekashi ikashima hotne ekashi anak ne amset kata a shashuishiri pakno ishu Kamui kotchaketa hepokiush wa otta ko-ongami hine nei amset kotchaketa koro sapa-umbe osura wa ene itak kusu ne-hi :—

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.