Ekambakbe 3:1 - Ashiri Aeuitaknup Iyohaichish Yona 1897

¹ Orowa, Sardeis kotan ta an karisia koro hauturumbe gusu ene nuye yan; Kamui arawan Ramat newa nei arawan nochiu newa koro gurʼanak ne ene orushpe ye-hi :— E ki ikip Ku eraman, aige, eani anak ne ishu korʼan kunak reihei e koro,

Ekambakbe 3:1 ပူးပေါင်းရင်းမြစ်များ

Roukos 15:24

orowa, chi ibe ash wa nuchattek anro: inambe gusu ne yakun, tan ku po anak ne rai wa isam, awa, kanna shiknu wa an: aturainu wa an, awa, kanna apa nisa ruwe ne gusu ne na. Orowa, nei utara yainuchattek heashi ruwe ne.

Roukos 15:32

E akihi anak rai wa kanna shiknu, aturainu wa kanna-shui apa nisa ruwe ne, tambe gusu, nuchattek hemhem ki, yaikopuntek hemhem ki ambe anak ne, aki kunip ne ruwe tapan na.

Yoannes 1:16

Shinuma aeshik-i wano chi obitta uina, irenga gusu irenga uina ash nisa ruwe ne.

Yoannes 1:33

Orowa, kuani Shinuma eamkiri shomoki, koroka, wakka ani baptisma kore gusu en ettep anak ne, Shinuma en orota ene ye-hi :— Ramat ran wa kashiketa reu guru e nukara chiki, Shinuma anak Ashkanne Ramat ani Baptisma kore guru ne ruwe ne, sekorʼan itak ani en otta ye nisa ruwe ne.

Yoannes 20:22

Tap ambe ye okere chiki nei utara kashiketa heise ki wa orota ene itak-hi :—

Yoannes 3:34

Inambe gusu ne yakun, Kamui orowa no aomande gurʼanak ne Kamui itak ye: Shinuma anak pakari wa Ramat kore shomoki ruwe ne gusu ne na.

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Epesos 2:1

Kamui anak ne koro ouhaitap newa chikokatpak gusu rai okere echi utara kanna shiknure nisa ruwe ne;

Epesos 2:5

poro omap-i ani un omap poka hi hine, Kiristo tura un shiknure nisa ruwe ne (irenga ankushkerai gusu echi utara kashiaobiuki nisa ruwe ne),

Korosai 2:13

Orowa, echi utara anak ne, koro chikokatpak newa kam oma okarituye buri ankushkerai gusu rai okere echi utara anak ne, obitta no okai chikoro chikokatpak Shinuma tusare hine Shinuma orowa no Shinuma tura ashiknure nisa ruwe ne;

I Timoteos 5:6

Koroka, shiniwe patek gusu iki shiyompiyara shiwentep anak ne shiknu rapoketa rai wa an ruwe ne.

Yakob 2:26

Inambe gusu ne yakun, ramat sak no an netobake anak ne rai korachi, tambe nei no ki ikip sak no an eishokor-i anak ne rai wa an ap ne ruwe ne na.

I Petros 1:11

etoko wano Kiristo ayairamshitnere ambe hene, okaketa an kusu ne nupeki ambe paweteshu ki ita nekon a paha epeka ruwe he an? nei utara chimchimi nisa ruwe ne.

Youdas 1:12

Tan utara anak ne echi tura no marapto ki ita echi koro omap gusu an marapto oshiketa okai nuina no an watara ne, ishitoma shomo-ki yaiibere reshpa utara ne, rera pashte wakka sak nishkuru ne, ibe sak chukpa un chikuni, tu shui shumumge,

Ekambakbe 1:11

aige, ene itak-hi :— E nukarape kambi-sosh kata nuye hine nei arawan karisia orun omande yan; Epesos otta, Sumurna otta, Pergamos otta, Tuateira otta, Sardeis otta, Piradarpeia otta, Raodikeia otta omande yan.

Ekambakbe 1:16

Koro shimon tek oshiketa arawan nochiu akoro: koro paro wano een uren no notaku ibetam hetuku ruwe ne: koro nan-katu anak ne kiroroashnu no hereat tokap chup korachi ne ruwe ne na.

Ekambakbe 1:20

Ku shimon-tekehe kata e nukara arawan nochiu newa nei arawan kongani ratchako newa gusu an mukke ambe tapne ne. Nei arawan nochiu anak ne nei arawan karisia koro hauturumbe ne: nei arawan ratchako anak ne arawan karisia ne ruwe ne na.

Ekambakbe 1:4

Yoannes anak Asia ta okai arawan karisia utara orota kambi omande na: an wa an, an nisa, orowa, ek kusu ne Kamui orowa no hemhem; shui, Shinuma koro amset kotchaketa okai arawan Ramat orowa no hemhem;

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 2:19

E iki ikip hemhem, omap ambe hemhem, eishokor-i hemhem, yaishieiwangere ambe hemhem, yaiyupupu ambe hemhem Ku eraman, orowa, iyoshi e iki ikip anak ne hoshiki no an ambe kasu no inne sekorʼambe Ku eraman.

Ekambakbe 2:2

E iki ambe hemhem, e tumutui ambe hemhem, e yaiyupupu ambe hemhem, samata, wen utara tura e an eaikapbe, orowa, Apostoro shomo ne okai hine apostoro ari an reihei ani yaiporose utara uwande wa shunge utara ne sekoro e nukara ambe Ku eraman;

Ekambakbe 2:9

Atpake an, iyoshi no an, rai okere wa ishu ambe ene itak-hi: E ki eramchuptekbe newa e irapokkari an ambe Ku eraman (koroka oteknu ambe e ne), samata, Yudea un utara ne ari yaikota ye a koroka Yudea un utara shomo ne Satan uwekari un utara ne sekorʼan utara iki koatcha ambe Ku eraman.

Ekambakbe 3:15

e iki ikip Ku eraman, eani anak ne nani shomo ne seisek shomo ne ruwe ne; eani nani hene seisek hene an kuni Ku kon rusui.

Ekambakbe 3:2

aine, e rai okere ruwe ne. Eani anak shiruwande, orowa, rai etokooiki an ikashima okaibe roshkire yan: inambe gusu ne yakun, Ku goro Kamui kotchaketa auweomare an e ki ikip shomo Ku nukan ruwe ne gusu ne na.

Ekambakbe 3:8

e ki ikip Ku eraman (ingarʼan, nen ne yakka seshke eaikap asarare wa an apa e kore ash na), eani anak ne pon no kiroro koro, orowa, Ku itak shikkashima, aige, Ku reihei shomo eshikashke nisa ruwe ne.

Ekambakbe 4:5

Orowa, nei amset orowa no tammeru hene, hau hene, kamui-hum hene hetuku nisa ruwe ne. Orowa, amset kotchaketa arawan paraparase ratchako an, nei ambe anak ne Kamui koro arawan Ramat ne ruwe ne:

Ekambakbe 5:6

Orowa, nei amset tumta, nei ine shiknu okaibe tumta, nei ekashi tumta araige okere korachi an Pon-hitsuji chikoikip ku nukara, aige, Shinuma arawan kirawe koro, arawan shikihi koro, nei ambe anak ingi-moshiri ta apayere an Kamui koro arawan Ramat ne ruwe ne.