Ekambakbe 22:14 - Ashiri Aeuitaknup Iyohaichish Yona 1897

¹⁴ Koro mipihi furaye utara shinnunuke an; nei utara anak ne nei inotu oma chikuni epeka mondum akore, shui, ahunapa kari nei machiya orun ahup kuni gusu an ap ne ruwe ne gusu ne na.

Ekambakbe 22:14 ပူးပေါင်းရင်းမြစ်များ

Iyohaichish 112:1

YAH koiramye yan. Ehoba koishitoma wa Koro ikashpaotte shi no enupetne ainu anak ne anunuke ne.

Iyohaichish 118:20

Tambe anak ne Ehoba koro apa ne; Oupeka utara nei apa kari ahun kusu ne na.

Yoannes 10:7

Tambe gusu, shui, nei utara otta Yesu ene itakhi :— Son no, son no, echi otta Ku ye, Kuani anak ne hitsuji apa Ku ne ruwe ne.

Yoannes 10:9

Kuani anak nei apa Ku ne: En kari otta ahun guru an chiki, kashi-a-obiuki kusu ne, orowa, ahun hemhem ki, soine hemhem ki wa aep koro kusu ne na.

Yoannes 14:15

Echi utara En omap yakun, Ku ki ikashpaotte echi shikkashima kusu ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 4:12

Tan shimpui un kore, samata, orowa no yaikota hemhem, koro poho utara hemhem, chikoikip hemhem iku chikoro michi Yakob kasu no an guru E ne ya?

I Korintos 7:19

Okarituye-buri anak ne nepka shomo ne, shui, shomo okarituye-buri akire-hi ne yakka nep ka shomo ne; koroka, Kamui ikashpaotte shikkashima ambe anak ne nepka ne ruwe ne.

I Korintos 8:9

Koroka, tapan echi koro rengaine an mondum anak ne iteki katchak wa okai utara gusu ae ureepetchiurep ne akara kuni ne yaitubare yan.

I Korintos 9:5

Samata, moshima okai apostoro utara iki korachi, Utarapa koro iriwak utara iki korachi, shui Kepas iki korachi eishokoro wa okai machihi ekeshne ani wa apkash kuni rengaine an mondum shomo chikon ruwe he an?

Garatea 5:6

Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne.

I Yoannes 3:3

Orowa, Shinuma gusu tapne no chipachipa gurʼanak ne, Shinuma ka turasak korachi yaikota yaiturusakte ruwe ne.

I Yoannes 5:3

Koro ikashpaotte shikkashima ambe auak ne, tambe anak Kamui omap ambe ne ruwe ne gusu ne na; orowa Shinuma koro ikashpaotte anak ne sei hokambap shomo ne ruwe ne.

Ekambakbe 2:7

Kisara koro guru anak ne karisia utara orun Ramat ye itak ambe nu yan. Annokara guru otta Kamui Paradeisos ta an inotu oma chikuni nikaop shinuma Ku ibere kusu ne na.

Ekambakbe 21:12

samata, tu ikashima wan ahun apa an, orowa, nei apa samta tu ikashima wan hauturumbe okai ruwe ne; orosama, nei ambe kata reihei chieshinnuye wa an, nei ambe anak ne Israeru un utara koro tu ikashima wan ikiri kon reihei ne ruwe ne na:

Ekambakbe 21:27

orowa, nep ne yakka turu-ushbe hene, nep ne yakka aetunne ambe newa shunge newa karape hene, oara nei ushiketa ahun shomoki kusu ne: koroka, ouse nei Pon-hitsuji koro inotu oma kambi-sosh kata chieshinnuye wa an utara patek ahup kusu ne na.

Ekambakbe 22:2

Kamui newa nei Pon-hitsuji koro amset wano hetuku komu shuma korachi pekashnu inotu oma san pet en nukare nisa. Awa, nei pet otamba un toshka ta hemhem, okushun toshka ta hemhem, kesh chup range tu ikashima wan shuine nikaop hetukure inotu oma chikuni an: orowa, nei chikuni ham anak ne moshiri uirup iwangere kuni gusu an ambe ne ruwe ne.

Ekambakbe 22:7

Ingarʼan, Tunashi no Ku ek kushki. Tan kambi kata okai uweingara itak shikkashima gurʼanak ne shinunuke an ruwe ne na.

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.