Ekambakbe 22:12 - Ashiri Aeuitaknup Iyohaichish Yona 1897

¹² Ingarʼan, tunashi no Ku ek na; aige, koro iki ikip an nei no pishno an guru orun Ku koropare kuni gusu an pummaha Ku kon ruwe ne.

Ekambakbe 22:12 ပူးပေါင်းရင်းမြစ်များ

Iyohaichish 28:4

Nei utara ikichi nei no, koro iki wenbe an nei no kore wa en kore; Teke ani karape apakari wa Koro kunip koropare wa en kore.

Mattaios 16:27

Inambe gusu ne yakun, Ainu Poho anak ne koro Michi nupekihi hemhem, koro uitekbe hemhem tura no ek tusu ne; nei ita anak ne Shinuma obitta no okai utara pish no ikichi buri an-i korachi kore ruwe ne kusu ne na.

Roma 14:12

Tambe gusu chi utara pishno yaikota gusu an orushpe Kamui orun ye kusu ne na.

I Korintos 3:14

Kashiketa akara inan ainu iki ikip ne yakka shiroma yakun, pummaha akore kusu ne.

I Korintos 3:8

Etoita guru newa wakka chari guru anak ne shinep ne: koroka, pishno pishno yaikota iki ikip an nei no yaikota koro pummaha akore kusu ne.

Ekambakbe 11:18

Orowa, moshiri uirup irushka, aine, E iki irushka ambe hetuku an, samata, rai an utara akoipishi kuni pakihi hemhem, E koro uitek utara ne uweingara utara otta ne yakka, ashkanne utara otta ne yakka, E reihei kooripak pon guru hene poro guru hene otta pummaha koropare kuni pakihi ne yakka ek an na; orowa, moshiri koisamka utara isamka kuni pakihi ka ek an ruwe ne na, ari itak.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.

Ekambakbe 20:12

Orowa, nei amset kotpokita porobe rai utara ne yakka ponbe rai utara ne yakka roshki shiriki-hi ku nukan nisa; orowa, nei kambi-sosh apirasa: shui moshima an kambi-sosh ne yakka apirasa ruwe ne, nei ambe anak inotu oma kambi-sosh ne ruwe ne na: orowa, rai utara anak ne nei kambi-sosh kata chieshinnuye wa an korachi, ki ikip an nei no, akoipishi nisa ruwe ne.

Ekambakbe 22:20

Tap okaibe ye guru anak ne :— Ruwe ne wa: tunashi no Ku ek kusu ne, ari itak. Amen: ek wa en kore yan, Utarapa ne Yesu.

Ekambakbe 22:7

Ingarʼan, Tunashi no Ku ek kushki. Tan kambi kata okai uweingara itak shikkashima gurʼanak ne shinunuke an ruwe ne na.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.