Ekambakbe 21:7 - Ashiri Aeuitaknup Iyohaichish Yona 1897

⁷ Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.

Ekambakbe 21:7 ပူးပေါင်းရင်းမြစ်များ

Iyohaichish 89:26

En orun shinuma ene hawe okai kusu ne-hi;— Aokai anak ne ku michi ne, Ku Kamui ne, en kashiobiuki kuni Watara ne ruwe ne.

Mattaios 19:29

Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne.

Mattaios 25:21

Otta kon nishpa ene itak-hi :— Pirika, ikipniukesh wa pirika usshiune guru: pon no ambe gusu e ikipniukesh, awa, poron no ambe esapane kuni e kara ash kusu ne: e kon nishpa koro nupetne-i otta ahun, ari itak.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Roma 8:14

Inambe gusu ne yakun, Kamui Ramat ani atura utara, obitta nei utara anak Kamui poho utara ne ruwe ne gusu ne na.

Roma 8:19

Akara okaibe earikinne echipachipap anak ne Kamui poho utara anukara-hi etere ruwe ne.

II Korintos 6:16

Orowa, Kamui kora kenru anak ne potoki-noka tura nepi uweramuoshmap an a? Inambe gusu ne yakun, chi utara anak ne ishu Kamui kora kenru chi ne; Kamui ene ye-hi poka korachi ne, — Kuani anak ne nei utara oshiketa Ku oshiroma, oshiketa Ku apkash kusu ne; aige, kuani nei utara koro Kamui ku ne kusu ne, orowa,

II Korintos 6:18

Aine, echi utara gusu Michihi Ku ne kusu ne, Echi utara anak ne Ku okkai poho Ku matne poho echi ne kusu ne na, ari nep ne yakka ki eashkai Utarapa ye nisa ruwe ne.

Hebraios 8:10

Utarapa ene itak-hi :— Nei toho okaketa Israeru chisei tura ku iki kushki euitaknup anak ne tambe ne ruwe ne; Koro keutum ta Ku goro tuitak Ku omare kusu ne, Orowa, koro sambe kata nei ambe Ku nuye kusu ne: Shui, nei utara gusu Kamui Ku ne kusu ne, Aige, En gusu nei utara uirup ne kusu ne na:

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.

Ekambakbe 2:11

Kisara koro guru auak ne karisia utara orun Ramat ye itak ambe nu yan. Annokara ki guru anak ne tu ikinne an rai ambe gusu awende shomoki kusu ne na.

Ekambakbe 2:17

Kisara koro gurʼanak ne karisia utara orun Ramat ye itak ambe nu yan. Annokara iki guru otta, Shinuma otta anuina wa an manna Ku ibere kusu ne, orowa, retara shuma Ku kore, nei shuma kata akore guru moshima eraman guru isam no an ashiri reihei chieshinnuye wa an na.

Ekambakbe 2:25

Yakka, echi koro wa an ambe Ku ek pakno shiyuppa no shikkashima yan.

Ekambakbe 2:7

Kisara koro guru anak ne karisia utara orun Ramat ye itak ambe nu yan. Annokara guru otta Kamui Paradeisos ta an inotu oma chikuni nikaop shinuma Ku ibere kusu ne na.

Ekambakbe 21:3

Orowa no, nei a amset wano oashin hawe ku inu, ene itak-hi :— Ingarʼan, Kamui koro kash anak ne ainu utara tura no an, aige, Shinuma nei utara tura no kash koro kusu ne, orowa, nei utara anak ne Shinuma koro uirup utara ne kusu ne, aine, Kamui yaihekota anak nei utara tura no rok wa koro Kamui ne kusu ne na: