Ekambakbe 20:4 - Ashiri Aeuitaknup Iyohaichish Yona 1897

⁴ Orowa, inne amset newa kashita rok shiri okai utara ku nukara, awa, nei utara koipishi iki kuni mondum akore nisa ruwe ne: samata. Yesu gusu an paweteshu iki ambe gusu hemhem, Kamui itak gusu hemhem, nei a chikoikip newa chikoikip koro noka shomo koongami ambe gusu hemhem, koro keputuru kata hene koro teke kata hene chikoikip koro shirosh shomo aomare ambe gusu hemhem sapa otuye utara kon ramat ku nukan nisa ruwe ne; aige, nei utara ishu wa ashikne shine wan hotne pa uturuta Kiristo tura epungine ruwe ne.

Ekambakbe 20:4 ပူးပေါင်းရင်းမြစ်များ

Mattaios 19:28

Nei utara otta Yesu ene itak-hi :— Son no echi otta Ku ye, En osh araki utara echi utara anak ne ashino hekatu ita, Ainu Poho nupeki araset kata a kusu ne ita, echi utara ne yakka tup ikashima wan araset kashiketa rok wa Israeru un tup ikashima wan ikiri ne okai utara koipishi kusu ne.

Mattaios 24:10

Orowa, nei ita anak ne inne utara ureepetchiu, aige, utashpa uwe-ekoshi, utashpa uwe-etunne kusu ne.

Markos 6:16

Koroka, Herod nu chiki, sapaha ku otuye yara Yoannes ne, hetopo-a-shiknure wa an na, ari itak.

Markos 6:27

Awa, nani Moshiri shikkashima guru yaikota epungine gusu okai shine tumi-koro guru omande wa Yoannes sapaha koro wa ek kuni kashpaotte nisa ruwe ne; awa,

Markos 9:11

Orowa, utara anak ne Shinuma otta, Ericha hoshiki no ek kusu ne, ani kambi-nuye utara ye ambe gusu uwepekennu.

Roukos 1:17

Samata, ona keutum poho otta kirure, itak-kashi utara oupeka utara koro wayashnu-i otta kirure kuni gusu shinuma anak ne Ericha ramat newa kiroro koro wa Utarapa ratchaot oman kusu ne; Utarapa gusu etoko-a-oiki utara skipini kusu ne gusu ne na.

Roukos 14:14

yak anak ne aokai anunuke an kusu ne; inambe gusu ne yakun, nei utara anak ne eani gusu yaiyattasa eaikap: orowa, oupeka utara hetopo-shiknu ita, eani aeyaiyattasa an kusu ne gusu ne na.

Roukos 22:30

echi utara Ku goro moshiri otta an set otta ibe hemhem ki, iku hemhem ki kuni gusu ne; orowa, echi utara anak ne araset kata echi rok wa Israeru un tu ikiri ikashima wan ikiri no an utara koipishi kusu ne na.

Yoannes 14:19

Naa nisako ta moshiri anak ne En nukara shomoki kusu ne, koroka, echi utara anak En nukan ruwe ne: Kuani ishu gusu, echi utara ne yakka ishu kusu ne.

Roma 11:15

Inambe gusu ne yakun, nei utara aosurupa ambe anak ne moshiri aeramuritenka nep ne chiki, nei utara ahupkara ambe anak, rai orowa no an inotu moshima, nekon a ambe ne ya?

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

II Timoteos 2:12

yaishiporore yakun, Shinuma tura no epungine kusu ne; Shinuma eshikashke ash yakun, Shinuma un eshikashke ne yakka ki kusu ne:

Ekambakbe 1:2

nei guru anak ne Kamui itak gusu hemhem, Yesu Kiristo koro paweteshu ambe gusu hemhem, nep ne yakka shinuma nukarabe gusu hemhem paweteshu ki nisa ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 11:11

Orowa, to e emko e ine to an chiki, Kamui inotu oma heisepa nei onnaige un ahun, aige, nei utara anak kema kata roshki; awa, ingara utara anak ne shi no ishitoma nisa ruwe ne.

Ekambakbe 11:15

Orowa, nei arawan ikinne an hauturumbe rappa rekte; aige, kando onnaigeta poro hawe hetuku wa ene itak-hi :— Moshiri esapane kuni ambe anak ne chikoro Utarapa newa Shinuma koro Kiristo korobe ne akara: awa, Shinuma ramma-ramma pakno esapane kusu ne na.

Ekambakbe 11:3

Orowa, Ku goro tu paweteshu ki utara anak ne hai ani akara amip mi wa iwan shine wan hotne to newa re hotne to uturuta uweingara kuni akore kusu ne.

Ekambakbe 11:7

Orowa, nei utara anak ne koro iki paweteshu ambe okere chiki, nei asam-sak ushike wano herashi ek chikoikip anak tura no tumi-koro hine annokara wa ronnu kusu ne.

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 14:11

orowa, akore panakte ambe gusu an shupuya anak ne otusashuishiri pakno rikin kusu ne; aige, nei chikoikip newa koro noka newa koongami utara, kon reihei ne shirosh akore utara anak ne, nei utara anak tokap to ta ne yakka kunne to ta ne yakka shini eaikap ruwe ne.

Ekambakbe 15:2

Orowa, abe ukopoye wa an pindoro nepkorʼan atui ku nukara; samata, nei chikoikip newa chikoikip koro nokaha newa chikoikip kon reihei pishkihi newa orowa no araki annokara iki utara nei pindoro-ush atui kata Kamui koto koro wa roshki ambe ku nukara.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

Ekambakbe 2:26

Orowa, annokara ki wa okake an pakno Ku ikip shikkashima guru otta, shinuma otta moshiri uirup ok kashita mondum Ku kore kusu ne: aige,

Ekambakbe 20:6

Nei atpake an hetopo-a-shiknure-hi ta aomare gurʼanak ne shinnunuke newa ash kan nep ne ruwe ne: tan utara okkeu kashi tu ikinne an rai-ambe anak mondum isama; koroka, nei utara Kamui newa Kiristo gusu yaishieiwangere utara ne wa ashikne shine wan hotne pa uturuta Shinuma tura epungine kusu ne na.

Ekambakbe 22:5

Nei ushiketa anchikara isam; ratchako pekere newa chup pekere eishiramne shomoki; Utarapa ne Kamui anak ne nei utara otta pekere atte kusu ne gusu ne na: orowa, nei utara otusashuishiri pakno epungine kusu ne.

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.

Ekambakbe 6:9

Orowa nei ashikne ikinne an han shirosh Shinuma maka chiki, yange set choropoketa okai Kamui itak gusu hemhem, iki paweteshu ambe gusu hemhem aronnu utara kon ramat ku nukara;

Ekambakbe 7:3

awa, shinuma poro hawe ani, otta toitoi newa atui newa wende kuni kiroro akoropare ine hauturumbe orun hawe ashte wa ene itak-hi :— Chi utara anak ne chikoro Kamui koro ausshiune utara keputuru ta shirosh omare shomoki pakno, toitoi hene, atui hene, chikuni hene iteki wende yan, ari itak.