Ekambakbe 2:25 - Ashiri Aeuitaknup Iyohaichish Yona 1897

²⁵ Yakka, echi koro wa an ambe Ku ek pakno shiyuppa no shikkashima yan.

Ekambakbe 2:25 ပူးပေါင်းရင်းမြစ်များ

Yoannes 14:3

Echi okai kuni ushike Ku etokooiki gusu Ku arapa yak anak ne, shui Ku ek wa, Ku an ushiketa echi utara ne yakka okai kuni gusu Kuani Yaikota En tura no echi koande ash ruwe ne.

Apostoro ikip oma kambi 11:28

Awa, nei utara tumuge an Agabos ari an reihei koro shine ainu anak ne ash wa ingimoshirʼebitta poro kemush iki kusu ne sekoro Ramat ani nure nisa ruwe ne: nei keman anak ne Kuraudios an ita auweomare nisa ruwe ne.

Roma 12:9

Kankapkapeka shomoki no omap yan.

I Korintos 11:26

Inambe gusu ne yakun, hembara ne yakka tan pan echi ibe henhem ki, tuki echi iku hemhem ki chiki, Utarapa ek pakno Shinuma rai ambe echi assuru ashte ruwe ne gusu ne na.

I Korintos 4:5

Tambe gusu, ipishi ki kuni pakihi etokota, Utarapa ek pakno, iteki koipishi yan, Shinuma ka kunne-i ta anuina wa an okaibe sarare ka ki, samata, keutum oshiketa an yainu-i anukare kusu ne; nei ita anak ne ainu pishno Kamui orowa no ramuaye kusu ne na.

I Tessaronike 5:21

nep ne yakka uwande yan; pirika okaibe shikkashima yan;

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 3:6

koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Hebraios 4:14

Tambe gusu, kando oboso wa ahun Kamui otta yaishieiwangere iyotta pase guru ne Kamui koro Poho Yesu an gusu, chikoro eishokoro ambe shiyuppa no shikkashima anro.

II Petros 3:10

Koroka, Utarapa tobo anak ne ikka guru korachi ek kusu ne; nei ita kando anak ne poro humi ashte wa isama, orowa, kando orunbe shiri seisek wa nin, orowa, toitoi hene otta okai ikip hene auhuyeka wa aisamka kusu ne na.

Ekambakbe 1:7

Ingarʼan, Shinuma nishkuru ani ek shiri ki obitta no okai shikihi pishno Shinuma nukara, Shinuma otke utara Shinuma nukara kusu ne; orowa, obitta no okai moshiri uirup Shinuma gusu rayaise kusu ne na. Ruwe un, Amen.

Ekambakbe 22:20

Tap okaibe ye guru anak ne :— Ruwe ne wa: tunashi no Ku ek kusu ne, ari itak. Amen: ek wa en kore yan, Utarapa ne Yesu.

Ekambakbe 22:7

Ingarʼan, Tunashi no Ku ek kushki. Tan kambi kata okai uweingara itak shikkashima gurʼanak ne shinunuke an ruwe ne na.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.