Ekambakbe 2:13 - Ashiri Aeuitaknup Iyohaichish Yona 1897

¹³ Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 2:13 ပူးပေါင်းရင်းမြစ်များ

Mattaios 10:23

Koroka, tan machiya ta utara echi keshke chiki, nei samake an machiya orun kira yan: son no echi otta Ku ye, — Echi utara Israeru un machiya ebitta kush shomoki, aine, Ainu Poho ek kusu ne na.

Mattaios 24:9

Nei ita anak ne echi aeramchuptekte gusu echi ekoshi wa echi raige kusu ne: orowa, Ku reihei ankushkerai obitta, no okai uirup orowa no echi aepokba an kusu ne.

Mattaios 4:10

Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne.

Roukos 21:17

Orowa, Ku reihei ankushkerai gusu echi utara obitta no okai utara orowa no aetunne kusu ne.

Apostoro ikip oma kambi 22:20

orowa, Aokai gusu paweteshu ki guru ne Stepanos koro kem aechikiki ita, kuani ne yakka nei samaketa ash wa ramuoshma, samata, shinuma raige utara koro raipi ku shikkashima nisa ruwe ne na, sekoro ku itak.

Apostoro ikip oma kambi 9:14

orowa, obitta no okai E kon reihei ko-nishuk utara tupetupe kuni mondum Kamui kora kenru poro esapane utara orowa no akore na.

I Tessaronike 5:21

nep ne yakka uwande yan; pirika okaibe shikkashima yan;

I Timoteos 5:8

Koroka, inan ainu ne yakka yaikota korobe gusu, makangane yaikota koro uni un utara gusu, etoko-oiki shomoki yakun, shinuma anak aeishokor-i eshikashke ruwe ne, aige, eishokoro shomoki guru kasu no wen guru ne ruwe ne na.

II Timoteos 1:13

En orowa no e nu okere nisashnu an itak katuhu gusu anak, Kiristo Yesu oshiketa an eishokor-i atte ambe newa omap ambe ani shikkashima yan.

II Timoteos 2:12

yaishiporore yakun, Shinuma tura no epungine kusu ne; Shinuma eshikashke ash yakun, Shinuma un eshikashke ne yakka ki kusu ne:

Hebraios 10:23

chi utara utumashi shomoki kuni ne aeyaipushi an chipa-chipa ambe yupke no shikkashima yanro; inambe gusu ne yakun, eitakamkire Kamui anak ne ikipniukeshbe ne ruwe ne gusu ne ruwe ne na:

Hebraios 3:6

koroka, Kiristo anak ne poho korachi Shinuma kora kenru esapanep ne; aige, chi utara anak ne okese pakno tumashnu no rametok koro wa chipachipa gusu an yaiyomonnure-hi shikkashima yakun, Shinuma kora kenru chi ne na.

Yakob 2:7

Ari echi reikore an aeoripak an reihei nei utara koatcha shomoki ruwe he an?

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 11:3

Orowa, Ku goro tu paweteshu ki utara anak ne hai ani akara amip mi wa iwan shine wan hotne to newa re hotne to uturuta uweingara kuni akore kusu ne.

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 13:2

Aine ku nukara chikoikip anak ne hyo chikoikip nepkoro ambe ne, chikiri anak chiramantep korobe ukoheraye, koro paro anak ne shishi koro paro korachi nep: orowa, nei kinashutunguru anak ne yaikota koro kiroro newa amset newa poro mondum newa shinuma otta koropare nisa ruwe ne.

Ekambakbe 14:12

Kamui ikashpaotte newa Yesu gusu an eishokor-i newa shikkashima utara otta, tata otta yaiyupupu ambe an na.

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.

Ekambakbe 17:6

Orowa, ku nukarʼhike nei shiwentep anak ne ashkanne utara koro kemihi newa Yesu gusu paweteshu iki utara koro kemihi ani ihoshki ambe ku nukara. Aige, nei shiwentep ku nukara chiki, poro iyokunnure ambe ani ku iyokunnure nisa ruwe ne.

Ekambakbe 2:2

E iki ambe hemhem, e tumutui ambe hemhem, e yaiyupupu ambe hemhem, samata, wen utara tura e an eaikapbe, orowa, Apostoro shomo ne okai hine apostoro ari an reihei ani yaiporose utara uwande wa shunge utara ne sekoro e nukara ambe Ku eraman;

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

Ekambakbe 3:3

Tambe gusu, nekon a echi akore hene ya, echi anure hene ya, eshkarun yan; orowa, shikkashima wa yaikokatpak yan. Tambe gusu, shomo e shiruwande kusu ne chiki, ikka guru korachi Ku ek kusu ne, aige, inan pakihi pakita e orun Ku ek ya e eramushkare kusu ne na.