Ekambakbe 18:9 - Ashiri Aeuitaknup Iyohaichish Yona 1897

⁹ Orowa, shinuma tura no yaiomonnure no ishu hine tura no hoiyo iki moshiri shikkashima utara anak ne

Ekambakbe 18:9 ပူးပေါင်းရင်းမြစ်များ

Iyohaichish 58:10

Nei ikemnu ambe oupeka guru nukara chiki nupetne kusu ne: Wen utara koro kemihi ani koro chikiri furaye kusu ne.

I Timoteos 5:11

Koroka, upen shiyompiyara shiwentep gusu iteki sapaha nuye yan: inambe gusu ne yakun, nei utara Kiristo gusu keutum ehaita chiki,

Ekambakbe 14:11

orowa, akore panakte ambe gusu an shupuya anak ne otusashuishiri pakno rikin kusu ne; aige, nei chikoikip newa koro noka newa koongami utara, kon reihei ne shirosh akore utara anak ne, nei utara anak tokap to ta ne yakka kunne to ta ne yakka shini eaikap ruwe ne.

Ekambakbe 17:2

shinuma tura moshiri shikkashima utara anak ne hoiyo iki, orowa, moshiri kata oshiroma utara anak shinuma hoiyo iki ambe oma tonoto gusu aihoshkire nisa ruwe ne na, ari itak.

Ekambakbe 18:18

ehangeko no roshki hine shinuma uhuye shupuya orun ingara wa hawe ashte, aige, ene itak-hi :— Nei poro machiya ukoheraye ambe inambe ne ruwe?

Ekambakbe 18:20

Kando ne Aokai hemhem, ashkanne utara ne echi utara hemhem, Apostoro utara ne echi utara hemhem, uweingara utara ne echi utara hemhem shinuma okkeukashi nupetne yan; inambe gusu ne yakka aokai utara gusu an esanniyo ambe Kamui esanniyo nisa ruwe ne gusu ne na.

Ekambakbe 18:3

Inambe gusu ne yakun, obitta no okai moshiri uirup utara anak ne shinuma koro hoiyo gusu an kinrakarape oma tonoto ankushkerai hachiripa nisa ruwe ne; orowa, moshiri shikkashima utara anak ne shinuma tura hoiyo iki, aine, moshiri ta okai ihok utara anak ne shinuma iki yaiomonnure ambe kiroro gusu yaioteknure okere ruwe ne gusu ne na, ari itak.

Ekambakbe 18:7

Shinuma anak ne yaikota yairiknare wa yaiomonnure pakno, nei oro pakno shinuma panakte wa yaituwashkarapte wa kore yan: inambe gusu ne yakun, moshiri shikkashima shiwentep ku ne wa shiyompiyara shomo ne, orowa, oara yaituwashkarap shomo ku ki kusu ne na, ari keutum ta itak ruwe ne gusu ne na.

Ekambakbe 19:3

Orowa, kanna-shui, Arrerouya ari nei utara ye. Aine, ramma-ramma otusashuishiri pakno nei shiwentep koro shupuya rikin ruwe ne Orowa,

Ekambakbe 2:22

Ingarʼan, Kuani nei shiwentep shotki kata Ku osura kusu ne, orowa, koro iki ikip gusu yaikotkapak shomoki yakun, nei guru tura omoinu koro utara utura poro aeramchuptek an ushike un Ku osurupa kusu ne na.