Ekambakbe 18:8 - Ashiri Aeuitaknup Iyohaichish Yona 1897

⁸ Tambe gusu, shine toho ututta shinuma akore ipak ambe araki kusu ne, rai ambe an, yaituwashkarap an, keme an ambe an; orowa, shinuma anak ne isam pakno abe ani auhuyeka kusu ne: shinuma koipishi wa esanniyo Utarapa ne Kamui anak kiroroashnu Kamui ne ruwe ne gusu ne na.

Ekambakbe 18:8 ပူးပေါင်းရင်းမြစ်များ

Iyohaichish 62:11

Kamui anak ne arashui no itak, Tu shuine tambe ku nu nisa; Kiroro anak ne Kamui korope ne ruwe ne.

I Korintos 10:22

Shui, Utarapa eyaitunnapte chi ki mwe he an? Shinuma kasu no chi utara anak ne okirashnu ruwe he an?

Ekambakbe 11:17

Aa Nep ne yakka ki eashkai, an wa an, an nisa Utarapa ne Kamui, chi utara anak ne E koyaiiraige ash ruwe ne: Aokai anak ne E koro poro kiroro uina wa esapane iki nisa ruwe ne gusu ne na.

Ekambakbe 17:16

Orowa, e nukara wan kirawe newa nei chikoikip anak ne, tap utara anak nei hoiyo guru etunne kusu ne, aige, shinuma koisamka wa atusare kusu ne, samata, shinuma koro kam ibe, orowa, isam pakno abe ani uhuyeka kusu ne na.

Ekambakbe 17:18

E nukara shiwentep anak ne moshiri kata okai Moshiri shikkashima utara esapane shiriki an nei poro machiya ne ruwe ne.

Ekambakbe 18:17

awa, shine ichi ji kan pakihi uturuta ene poro aeoteknu ambe aisamka ruwe ne gusu ne na. Orowa, pishno an chip esapane guru hemhem, nei oro ne yakka atuitomotuye pishno an guru hemhem, chip o utara hemhem ne yakka, samata, atui gusu yaireshpa obitta no okai utara ne yakka

Ekambakbe 18:19

Orowa, nei utara anak ne yaikota koro sapaha kata koponchi kashi-ota hine chish wa yaituwashkarap, aige, ene itak-hi :— Eyaisambepokash, eyaisambepokash, nei poro machiya, koro aeoteknup ankushkerai atui kata koro chip koro obitta no okai utara anak shinuma oshiketa yaioteknure nisa ruwe ne! shine ichi ji kan uturuta korobe aisamka ruwe ne gusu ne na.

Ekambakbe 19:3

Orowa, kanna-shui, Arrerouya ari nei utara ye. Aine, ramma-ramma otusashuishiri pakno nei shiwentep koro shupuya rikin ruwe ne Orowa,