Ekambakbe 17:7 - Ashiri Aeuitaknup Iyohaichish Yona 1897

⁷ Orowa, hauturumbe anak ne en orun ene itak-hi :— Hemanda gusu aokai iyokunnure ruwe he an? Nei shiwentep gusu an mukke ambe hemhem nei arawan sapaha newa wan kirawe koro shiwentep aore chikoikip gusu an mukke ambe hemhem e nure ash kusu ne.

Ekambakbe 17:7 ပူးပေါင်းရင်းမြစ်များ

II Tessaronike 2:7

Inambe gusu ne yakun, ikashpaotte otereke mukkep anak ne tane monraige shiri-ki: ouse nei guru oyake un auk pakno shinnatushbe an ruwe ne.

Ekambakbe 1:20

Ku shimon-tekehe kata e nukara arawan nochiu newa nei arawan kongani ratchako newa gusu an mukke ambe tapne ne. Nei arawan nochiu anak ne nei arawan karisia koro hauturumbe ne: nei arawan ratchako anak ne arawan karisia ne ruwe ne na.

Ekambakbe 12:3

Orowa, naa shine shirosh kando oshiketa anukara; awa, ingarʼan, arawan sapaha newa wan kirawe koro shine poro fure kinashutunguru an, aige, koro sapaha kata arawan inaoru aunu wa an ruwe ne.

Ekambakbe 17:8

E nukara chikoikip anak ne an nisa, aine, isam; awa, tane asamasak ushike wa oashin hine aisamka kuni ushike orun arapa kuni etokooiki korʼan ruwe ne. Orowa, moshiri kata oshiroma wa, moshiri asamaha aande i orowa no inotu oma kambi-sosh kata kon reihei shomo chieshinnuye wa okai utara anak ne nei chikoikip an nisa ambe, isam ambe, an kusu ne ambe nukara chiki iyokunnure kusu ne.

Ekambakbe 18:1

Tap okaibe okaketa poro mondum koro wa an kando orowa no ran shiri naa shine hauturumbe ku nukara; aige, shinuma koro araguru gusu moshiri apekereka nisa ruwe ne.