Ekambakbe 17:6 - Ashiri Aeuitaknup Iyohaichish Yona 1897

⁶ Orowa, ku nukarʼhike nei shiwentep anak ne ashkanne utara koro kemihi newa Yesu gusu paweteshu iki utara koro kemihi ani ihoshki ambe ku nukara. Aige, nei shiwentep ku nukara chiki, poro iyokunnure ambe ani ku iyokunnure nisa ruwe ne.

Ekambakbe 17:6 ပူးပေါင်းရင်းမြစ်များ

Yoannes 2:10

Nen ne yakka hoshiki no shisak tonoto sange; orowa, utara poronno iku orowa no katchakbe sange ruwe ne, koroka, eani anak ne shisak tonoto tane pakno eumashnu wa ande nisa ruwe ne, sekoro itak.

Apostoro ikip oma kambi 22:20

orowa, Aokai gusu paweteshu ki guru ne Stepanos koro kem aechikiki ita, kuani ne yakka nei samaketa ash wa ramuoshma, samata, shinuma raige utara koro raipi ku shikkashima nisa ruwe ne na, sekoro ku itak.

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 13:15

Orowa, nei chikoikip koro nokaha anak ne itak sange hemhem ki, chikoikip nokaha shomo koongami utara obitta aronnu hemhem ki kuni ne, otta inotu akore, chikoikip nokaha otta poka inotu akore nisa ruwe ne.

Ekambakbe 13:7

Orowa, shinuma anak ne ashkanne utara epeka kotumi-koro wa annokara kuni gusu akore nisa: samata, pishno okai ainu ikiri newa utara newa parumbe newa moshiri uirup newa koro okkeu kashi mondum akore nisa ruwe ne na.

Ekambakbe 16:6

inambe gusu ne yakun, nei utara anak ne ashkanne utara newa uweingara utara koro kem echikiki nisa, aige, Aokai anak ne ikire kuni gusu nei utara otta kemihi koropare nisa ruwe ne gusu ne na: nei utara nei ambe gusu oupakbe ne ruwe ne, ari itak.

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.