Ekambakbe 17:3 - Ashiri Aeuitaknup Iyohaichish Yona 1897

³ Orowa, nei hauturumbe anak ne Ramat oshiketa shine nup orun en ani nisa ruwe ne: awa, ku nukarʼhike fure iroho an chikoikip kata a shine shiwentep ku nukara, koatcha reihei eshik, orowa, arawan sapaha newa wan kirawe koro.

Ekambakbe 17:3 ပူးပေါင်းရင်းမြစ်များ

Mattaios 27:28

Awa, Yesu atusare wa, fure amip araire nisa ruwe ne.

Apostoro ikip oma kambi 8:39

Orowa, nei wakka orowa no yap chiki, Utarapa Ramat Piripos uk wa isam; aige, tewa no nei Eunokos anak ne shomo shinuma nukara, orowa, yainuchattek wa paye nisa ruwe ne na.

II Tessaronike 2:4

nei toho shomo an ruwe ne; nei guru anak ne obitta no okai Kamui aporosep okkeukashi hene ongami kunip okkeukashi hene yairiknare epokbap ne; Kamui kora kenru ta a kane yaikota Kamui ne kara pakno poka iki guru ne ruwe ne.

Ekambakbe 1:10

Utarapa toho ta kuani anak ne Ramat oshiketa an, awa, en oshmaketa rappa humi korachi poro hawe ku nu,

Ekambakbe 12:14

Orowa, shiwentep anak ne nei kinashutunguru koro nan wano kira wa shine pakihi newa inne pakihi newa pakihi nimaraha newa uturuta otta aioreshpa kuni gusu an nup orun hopumba kuni ne poro kapachiri tekkup tuppish akore nisa ruwe ne.

Ekambakbe 12:3

Orowa, naa shine shirosh kando oshiketa anukara; awa, ingarʼan, arawan sapaha newa wan kirawe koro shine poro fure kinashutunguru an, aige, koro sapaha kata arawan inaoru aunu wa an ruwe ne.

Ekambakbe 12:6

Orowa, nei shiwentep anak ne iwan shine wan hotne to ikashima ine hotne to uturu aioreshpa kuni ne, nup oshiketa Kamui shipini okere ushike orun kokira nisa ruwe ne.

Ekambakbe 17:18

E nukara shiwentep anak ne moshiri kata okai Moshiri shikkashima utara esapane shiriki an nei poro machiya ne ruwe ne.

Ekambakbe 17:4

Orowa, nei shiwentep murasaki newa fure amip ani yaitomchiure wa an, samata, kongani newa oro an shuma newa ikani ani aeyaitomtere wa an, orosama, aetunne kuni ambe ani eshik kongani itangi koro teke ta kon ruwe ne, nei ambe anak shinuma iki hoiyo turu-ushbe ne ruwe ne; orowa, shinuma koro keputuruta reihei anuye wa an na :—

Ekambakbe 18:12

aihok kuni kongani an, shirokani an, oro an no an shuma an, ikani an, ane senkaki an, murasaki an, fure ambe an; usa okai kaorigi chikuni, zo kite-nimaki ani akara usa okai op, iyotta aoshkoro chikuni ani akara op, shiunin-kani op,

Ekambakbe 18:16

aine, ene itak-hi :— Eyaisambepokash, eyaisambepokash, nei poro machiya, shinuma anak ne ane senkaki newa murasaki newa fure ambe newa ani yaitomchiure nisa, samata, kongani newa oro an no an shuma newa ikani newa ani yaitomtere nisa!

Ekambakbe 21:10

shinuma anak ne Ramat oma hine poro newa ri nupuri orun en ani, aine, Kamui arakuru koro, kando

Ekambakbe 4:2

Nani Ramat otta ku an: awa, ingarʼan, Kando otta shine amset aande wa an, orowa, nei amset kata shinen a kane an ruwe ne;